Matthew 16:24 - ASII LAKDAP Bible (BSI)

²⁴ Kiijiishe Jesuq raq ajaqshisetiim ma chongto, “Jurwa i jai phan wan ro tlaq, kriiti raq maiqmii khum ka alaq riibaiq raa.

Hawa Naga Bible 2001

²⁴ Kvruex yimaq Yesu rueq vpiq sangac hez muex jungx tueq kuex, “Ngvy yix nuex phvnc naungc roc jix htenc kuex miqmac tvkoc lvlc gay rax tuex, miqmac yauk juinc bulx kuex pix vtueq ngvy yix nuex mphvnx naungx phueq.

Muklom

²⁴ Ethi jio Jesu aa ujiphantey tang ma batta, “Nim ijam o katma nuk inn jo, nim aa nim ni nim sha shingchak eq ching etho nim bólq sha hol eq iji o qhing ching.

Matthew 16:24 Referencias Cruzadas

Matthew 10:38

Kiimaq jurwa maiqmii pumsongkham ka pishat maq i jai phanphan wamak, kriiti ka i jaqshise ma jawan lot mak.

Matthew 27:32

Tsangshiq ka chela mong maq dongho ri li, Sairini chelati maiq weshi Simon nguta kra rai she riihumto. Raüta phenlanok raq apaiq ma Jesuq tübaiq chang pumsongkham tipi kriishe ningkun miishe tiipi hoto.

Mark 10:21

Kiijiishe Jesuq raq apaiq phanü na, mangchan lam maq lii raüta apaiq ma akha chongkuqto, “Ümniiraq phanshi jaqsham chang dea asi shaq li. Ümniika ümjam na jangkikiq. Laüta tachong tsiiq anyam ka wiita asha riilaq. Laüta, kra kampho ka miitsan maiqse ma pheakuq laq. Akha riihaü jiila, ümniika ramungtan na chiithe ma mija haü. Kra laüta, i phana wara. Laüta i jaqshi se miishe jawan laq.”

Mark 15:21

Tsangshiq ka Jesuq pumsongkham na tübaiq kai, lam na akai rai riito. Kra akhing na Sairini mung wa Jerusalem chela na wa nguta awa, maiq weshi Simon nguta kra rai riihumto. Apaiq ma ase nai mang ka Alekjendar nai Ruphas riito. Phenlanok raq, Jesuq pumsongkham tipi ka apaiq ma, ningkun miishe tiipi hoto.

Mark 8:34

Kra raütiishe, Jesuq raq mungmaiqse nai ajaqshisetiim ka apaiq tho niishe hiato. Raüta tsangshiq ma akha chongkuqto, “Jurwa i jai phan wan tiima tlaq, apaiq raq maiqmii rilung ka alaq baiq ra tlo. Raüta, apaiq pumsongkham ka pishat maq, i jai phan phan wawan ra tlo.

Luke 14:27

Jurwa maiqmii pumsongkham ka Pishat maq i jai phan phan wamak, kriiti ka i jaqshise ma jalot mak.”

Luke 23:26

Krai mren she, Roman phenlanok raq, Jesuq ka Pilat jam maq atü baiq kai miishe sheahoto. Tsangshiq ka lam na akairai lam maq, Sairini mungti maiq weshi ka Jerusalem chela na awarai kiiwa riihumto. Apaiq mang ka Simon. Tsangshiq raq Simon ka laphoto. Raüta, Jesuq pumsongkham ka Simon ma ningkun miishe, tiipi raüta, apaiq ka Jesuq jai na tiikhumto.

John 19:17

Jesuq raq apaiq pumsongkham kra piraüta chela phai na, “Khurii Hiqlam,” nguta hiq bashi kiina saüli kihoto. (Ara hiq ba ka Hibru bom maq Golgotha nguta ngutlo.)

John 21:19

Riita, Jesuq raq ara chongtaq arka, jai maq Petar ka jamkho mitsai kra bomtsi kra tiithai chong kuq tlo. Kiimaq apaiq tsai tlaq kra lümaq, Shiikeawe khushü ka mitiijong nguta chong tlo. Jesuq raq ara bomtsi ara chongkuq lot raütiishe, “Ümniika i jai phan phan lishe wara!” nguta apaiq raq Petar ma tsii ka chongkuqto.

John 21:22

Kiijiishe, Jesuq raq, “Ngi raq apaiq ka, ngi saükai akhing na saüli atrali misi laq nguta thi kang lo, kriika ümniima jamlai wa raa ta? Ümniiriika i jai phan phan lishe wariina!” nguta Petar bom ka treto.

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Colossians 1:24

Riita ngi ka ümchaü sanha, namshiq miitu chamchao tiikang arkha maq, chochi khiq li sitiikang. Ara jamkhano chongtiikang ngukla, ngi i khum na chamchao tiikang ara lümaq, Jesuq Khristo raq apaiq khum phungtu miitu, apaiq chamchao chang ümchuwa tiichong tlaq jaqthiq ka tiinyi wan miitu jaqsham holai ka riisha howan dam tiikang.

1 Thessalonians 3:3

Riita, naishiq raq apaiq ka namshiq phana tiiwakai, namshiq phong wa jumin, namshiq tiichamchaoti ma hai ma, jai na jangki nong man chang miitu tiiwakai. Akha chamchao litkot akhing, namshiq ma saü wan tlaq arka, Shiikeawe raq namshiq ma athiiq arwan, ahea miitu tiisaü tlo nguta, namshiq riimin la asap han.

2 Timothy 3:12

Jurwa Jesuq Khristo wokhong na, kechu rilung siwan miitu shiichaq tlaq, kriiti ka mitiichamchao dongdii ngushat.

1 Peter 2:21

Namshiq akha chamchao tlan arka, Shiikeawe raq namshiq ma rilung holai akuq hekiilai. Jamkhano ngukla, Khristo raq namshiq miitu arilung na chamchao homa howan raüta lamshea tiichhikuq wanto. Khristo raq namshiq miitu jamkho chamchao wantaq, kra namshiq riimin apaiq jaiphan phan chamchao homa kra nin wan ruq maq howan raa tlo.