Matthew 16:23 - ASII LAKDAP Bible (BSI)

²³ Kiijiishe Jesuq raq Petar pha nü na trosaq lii raüta Petar ka sonto, “I tho wa tiijin tlo laq Thawe! Ümniiraq ngi tiibanbi tlaü. Ümniiraq jamlai wa tiima tlaü kriika maiqse tiima, Shiikeawe raq tiima tlaq kra riimak.”

Hawa Naga Bible 2001

²³ Yesu kuex kvroz nyez vtueq Peter muex, “Satan lex, ngvy kox wawc kvyenc kaz wvnc kuiuz, mnoz kuex ngvy tvhtuip jix rvtoq, Tishox thuinroc lvmx kuex khiz muq, miqsaz thuinroc lvmx dvyx tvmaung vshuiux,” ngoz tueq.

Muklom

²³ Jesu Peter ching náng ngik eq raaq ta, “Thangwa, i rel wang jol chuwang u, nang aa i lam táng u, chammatakoi iri tinthin raa Shkewa ching kowang ang moq, etharin miq wang thupha.”

Matthew 16:23 Referencias Cruzadas

RAPHA HIQWA LAK 3:17

Kiimaq apaiq raq maiqwe kiimiishe nguto, “Ümniiraq ümchak bom tailaü. Laüta Ngi raq ümniima naq siqkiq nguta achongha petsi kra siq laü. Ümniiraq jamlai wa riilaü kriikha na, hiqraikhü ka manson ho laütiishe misi wan haü. Ümniiraq ümrilung wiilü pinthum jaqsham shiichaq laütiitiq tü atsam ka milap phaq siq haü.

2 SAMUEL 19:22

Shatmaq Dawit raq Abishai nai aphu Joab ma nguto, “Namnai ma bom juro waita? Namnai raq ngi ma mra tiipinke shea tan tlan? Ngi tiina ümchaü Israil mung thaq na hokham. Krai mren, ümchaü ranaiq Israilnok mung wa ju miisaq min tiithum maimak.”

1 KAÜWA WERAÜ 21:1

Thawe raq Israil mung khuthaq na chamchao tiisaü ritto. Krai mren, Dawit tsantsii na maiq ka awea chang nguta aming tiikuqto.

ISAIA 8:14

Jamkhano ngukla, Ngi ka pinthum kiinyii chang asii khamaq, Ngi ka longkaü ikha maiq tiithaü raüta küraitlo. Kiimaq Ngi ka chhü atsan ikha Juda mungti nai Israil mungti kiimaq Jerusalemti pat rai chang tsanje sitiikang.

Matthew 16:22

Kra tai raüta Petar raq Jesuq ka kinphai na sheaho raüta sonto, “Tatiwe, Shiikeawe raq khekuq shat mirlaq! Ara chongtlaü thun arka ümdü na jamkhii riita jiimin tiisaü wan ra mak!”

Matthew 18:7

Ara mangjong hiq na mangjong maiqse ma phiiptsi chang ka pahea asi. Maiqse ma apaiq kamasham lam kriiwa tiidea baiq chang maitai ka pahea sitlo! Akha abi maitai arka misi dongdii. Shatmaq juwe lümo maiqse ka apaiq kamasham lamphan kriiwa tiichhan baiq tlaq, kriiti miika pinthum phiiptsi chang!”

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

Mark 8:33

Shatmaq, Jesuq raq ajaqshisetiim phanü na lii raüta, “Soitan, ümniika i tho arwa tiijin tlo laq. Ümniiraq tiima tlaü ka Shiikeawe nü wa riimak. Kriika maiqse tiima kata!” nguta Petar ka siato.

Luke 4:8

Kiijiishe, Jesuq raq treto, “Asii bomtsi na akha chongtlo, ‘Tati Shiikeawe kli üm Shiikeawe. Apaiq kli shomnoq wan lili riilaq!’ ”

John 6:70

Kiijiishe, Jesuq raq treto, “Ngi raq namshiq ka roqshi ri wenai tsea wan pha riimak sha? Kra taü maq dongdii min, namtsam phong wa weshi ka tha kaü!”

Romans 14:13

Arkha maq, nashiq liipan na, kongti ka sairan wan mai she riihai jaq ahea miraq. Ümra ranaiq jiimin, phunaino tiithap tha wan chang nai kongti ka ngarai na tiidea chang phan kriika, klo mai she nguta tsan na atsi maq thü ronglaq.

Romans 14:21

Riita, akha raki tlaq arkha maq, namkongti we kra, ngarai na dea mak chang miitu, namshiq raq ngam ka naqphaq siq rongkiq li na. Che-atsam kiimin naq nyang wan rongkiq li na. Kiimaq jamlai phan sham raü jiiwa, namphuno we ka ngarai na chhan kai chang asi, kriika naq phaqsiq rongkiq na.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

Colossians 3:2

Namshiq raq tsan nai mongjii na atsi maq, ara chongtiikai ramungtan wa rilung siwan kriili she pharangrang maq tiima lanta sirong laq. Ara mangjong hiq wa rilung peo tiima thaq niika naq rangran rongkiq she.