Matthew 16:25 - ASII LAKDAP Bible (BSI)

²⁵ Ara jamkhano chongtiikang ngukla jurwa maiqmii rilung kra tiihang wan hajaq nguta tiima tlaq, kriiti raq maiqmii rilung ka atiimo mirbaiq. Shatmaq jurwa maiqmii rilung ka ngi miitu tiimo baiq wan tlaq, kriiti raq maiqmii rilung ka mihum wan.

Hawa Naga Bible 2001

²⁵ Miqmac rullungx kvpalc wvnc roc jix ukhaq yuq muinz vsumx rvwvnc tuex, ngvy ningkhvnc nuex miqmac rullungx tvmoz maq gay jix kuex rullungx lvp wvnc shuex.

Muklom

²⁵ Chammatakoi nim aa nim rollung sha thalun ma tathin inn jo, nim ma nim rollung sha simrum na, etha otho nim aa nim rollung i rangma shingchak inn jo, nim aa esha kap nin.

Matthew 16:25 Referencias Cruzadas

ESTHAR 4:14

Ümchaü akhing akhna, ümniika kaishak la sihaü jiila, Jehudinok mung tiichhii, khrum ka bashi ra wa misaüho. Raüta tsangshiq ka mitiikhup wong wan. Shatmaq tiina, ümmiisaq nai ümnyung ümwe weraü ka athum mirki. Jursap? Ümniika hokhamnyung ma shongtaq arka, ümchaü akhing akha ara miitu wa, shongtaq riila!”

ESTHAR 4:16

“Kilaq, laüta Susa chela na Jehudinok mungmaiqse ümchuwa sitlaq kra tarü adam na triitam laq. Lanta, ngi miitu amang maq achu jaü ronglaq. Anaiq naitsam, awa watsam, jamlai min naq phaqsiq rongkiq. Kham min naq nyang rongkiq. Ngi riimin, ijaqshisetiim jechaksere rai, namshiq rai adam na achu mijaükang. Kra lot jai shetiq, tri na hongmak li jiimin, ngi ka hokhamwe rai riihum wa she miwa kang. Riita kra miitu, ngi ka atsai chang she dea jiika, bam laq. Ngi ka mung miitu mitsai kang.”

THARC TVLUINGC 3:6

Apaiq raq arit wan akhing min tiihongto, kiimaq atiimobaiq akhing min tiihongto. Asaiqsam akhing min tiihongto, atiijobaiq akhing min tiihongto.

Matthew 10:39

Jurwa maiqmii rilung ka tiihang wan la nguta tiima wan tlaq, kriiti raq maiqmii rilung ka atiimo mirbaiq. Shatmaq jurwa maiqmii rilung ka ngi miitu tiimo baiq tlaq, kriiti raq maiqmii rilung ka milap wan.

Matthew 16:26

Maiq weshi raq mangjong tlotli ka lap wan raü jiimin, apaiq tsitsü ka tiimo baiq raü jiika jamlai liip wa misi? Ahü, jamliip min ahü! Apaiq tsitsü ka thongshi lapkai nong miitu jamlai min kuqwanlot mak she miraq.

Mark 8:35

Jurwa atsitsü ka tiichhii tiima tlaq, kriiti raq apaiq rilung ka atiimo mirbaiq. Shatmaq, jurwa apaiq rilung ka i jai phan miitu nai Tsütsa Ahea ara chongke miitu, tiimo baiq tlaq, kriiti raq apaiq rilung ka mitiichhii.

Luke 17:33

Jurwa maiqmii miisaq ka tiichhii wan la nguta tiima tlaq, kriiti raq atiimo mirbaiq wan. Jurwa maiqmii miisaq ka tiimo wan tlaq, kriiti ka atiichhii mirwan.

John 12:25

Krai mren, jurwa maiqmii rilung ka lungwii tlaq, kriiti raq maiqmii rilung ka atiimo mirbaiq. Shatmaq, jurwa maiqmii rilung ka ara mangjong hiq maq asaisi riiwan tlaq, kriiti raq maiqmii rilung ka, pattup pat-sa atra siwan miitu mithü wan.

Revelation 12:11

Tsangshiq raq apaiq ka Skuse tiijai maq nai, tengteng bomtsi chongkuq wantaq kriimaq tang wanto she. Tsangshiq raq atsai ma kham raüta, tengteng bomtsi ka chongkuqto.