Acts 2:10 - ASII LAKDAP Bible (BSI)

¹⁰ Kiimaq, Phrigia nai Pamphilia mung wa, kiimaq Ejip mung nai Libia mung na Sairini chela binjü wa awa hai ahata. Nashiq wiijamti ka Rom chela wa aki hai ahata.

Hawa Naga Bible 2001

¹⁰ Phrigia nuiyc Pamphilia, Ejip nuiyc Kirene hep wawc Libya hong htenc httaz jix hez, Roma wawc vhttax kaz ngoz yaq,

Muklom

¹⁰ etho Phrygia, Pamphylia, Egypt etho Cyrene relna Libya mung wang. Hiqtang Rome mung wang tho atha thuti.

Acts 2:10 Referencias Cruzadas

RAPHA HIQWA LAK 12:10

Shatmaq Kanan mung na ramdongto. Kra ramdong ka henghea kha maq Abram ka shemai nü mung na alu lin na, Ejip mung na heashi sikai nguta kihoto.

ESTHAR 8:17

Kriithaq niimin, Hokhamwe aming lak ka chiiriim wan wan maq, chela tek na, wangtek na tiitai phatkuqto. Krai mren, Jehudinok ka barap na shreng chochi poi hai ranaiq she hum wanto. Kiimahali phan hin mungmaiqse pahea ka Jehudinok ma hai ma, tsangshiq min Jehudinok miishe jawanto.

JEREMIA 46:9

Kumrang kong ma aming kuqlaq lanta tiiju ronglaq, kiimaq leng thun kra tiijutlo ronglaq! Phenlabi ka tiiwatlo ronglaq; maiq thun Sudan mung nai Libia mung wa, liiq piraqchhaq maq, kiimaq Lidia mung wa liqhiip sreabi thun kra.’”

EJEKIEL 30:5

“Kra redong na phenlabi Sudan mung wa, Lidia mung wa, Arabia mung wa, Kub mung wa ashiip thun kra, kiimaq isenginok phong wiimin mijiipbaiq.”

DANIEL 11:43

Apaiq raq Ejip mungwa apaü raüta athü chaq, kiimaq kampho tum thun kiimaq Ejip mungti raq tsiiqchong nyamchong ara ariq phan athü ka wiita mihophaq wan. Apaiq raq Libia mung nai Sudan mung kiimin mikhat wan. Raüta mijii wan.

Hosea 11:1

Tatiwe raq ngutlo, “Man na Israil ka noshiise riito. Ngi raq apaiq pinthum lungwiikang. Lata ise ka Ejip mung wa heawan kang.

JEKERIA 8:20

Tati Ningkun Ajong Pinthumwe raq ngutlo, “Akhing misaü wan, pongmung chelati pahea Jerusalem na miwa.

JEKERIA 8:23

Kra akhing na, pongmungti maiq weroqshi ka Jehudiwe weshi phana miwa. Raüta, ‘Naishiq riimin namshiq rilung lam kra phan wan lungwii tiikai. Jamkhano ngukla, Shiikeawe ka namshiq rai asi nguta taikai,’” nguta mingu.

Matthew 2:15

Herod mitsai shaq wiiwii apaiq ka kiijiili sito. Arka Tatiwe raq ashammi we nübok maq riisham bomkham tiichongtaq kra tiikupi wan miitu hongtha wanto. Shammi we raq, “Ngi raq i Se ka Ejip mung wa hea wan kang,” nguta tiithai chongthüto.

Matthew 23:15

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq maiq weshi ka namshiq Jehudi nok kamasham lamphan phung kiina tiishang wan miitu sammoktra jü jin lanta, kiimaq maiqmung pahea kiina khum lanta, trahoke khum tlan. Krai mren, maiq weshi kra tiishang han jiila, namshiq raq apaiq ka namshiq jamkhiiwa siwan tlan kiikha tiinamtok chongkuq lanta, mannai rii chamchao homa kra howan raüta wamungtan na kaiho miitu tiijethü tlan!”

Matthew 27:32

Tsangshiq ka chela mong maq dongho ri li, Sairini chelati maiq weshi Simon nguta kra rai she riihumto. Raüta phenlanok raq apaiq ma Jesuq tübaiq chang pumsongkham tipi kriishe ningkun miishe tiipi hoto.

Mark 15:21

Tsangshiq ka Jesuq pumsongkham na tübaiq kai, lam na akai rai riito. Kra akhing na Sairini mung wa Jerusalem chela na wa nguta awa, maiq weshi Simon nguta kra rai riihumto. Apaiq ma ase nai mang ka Alekjendar nai Ruphas riito. Phenlanok raq, Jesuq pumsongkham tipi ka apaiq ma, ningkun miishe tiipi hoto.

Acts 11:20

Shatmaq, Saipras mung nai Sairini mung wa kamasham maiqsetiim wiijamti riika, Antiok chela na wawan raüta, Tati Jesuq manphan Tsütsa Ahea kra Pongnok phan maiqsetiim miimin chongkuqto.

Acts 13:1

Antiok phungtu na trahoke wanti shammibi nai kamasham bomtsi shrinketibi maiq ka asi riito. Tsangshiq ka Barnabas, Simon (Maiq nyaq we ngutlo), Lusia (Sairini mung wa), Manael (apaiq ka wanghupti we Herod raq atiijong lu wan), kiimaq Saul.

Acts 13:13

Paul nai akongtitiim ka Paphos maq, laijong maq wawan raüta, Pamphilia hong wa, Parga chela niishe saü wanto. Parga chela maq Johan Makaq ka, tsangnai baiqthü raüta, Jerusalem na hali jangho nongto.

Acts 13:43

Sinagok noqku thumjai niishe, nokwe thun ka pin wanto. Tsangshiq pin wan jai she, Jehudinok phan maiq pahea raq, kiimaq Pongnok phan maiqse Jehudi khü maq tiihong raüta siti thun maiq pahea raq, tsangnai jai she phan wanto. Krai mren, kiimwe nai kra riimin, tsangshiq ma Shiikeawe wokhong na tsapkapkap maq shongnga rong laq nguta tsangshiq ma tsaido jido bomtsi she chongkuqto.

Acts 14:24

Tsangshiq ka Pisidia wang binjü na khumlot raütiishe, Pamphilia wang niishe saühoto.

Acts 15:38

Shatmaq, Paul miika Johan Makaq shea wan dam kriika mitsi mak she riikito. Kra jamkhano ngukla, kongkhu lak na apaiq ka tsangnai rai traho bomchong wadam nguta wanhiq na wadam raüta, wanhiq khum jaqsham kra minyi shaq niili, apaiq ka lamkampii maq, Pamphilia wang na tsangnai ka miimthü raütiishe jai na janghoto.

Acts 16:6

Kiimaq Asii Wenyi raq Asia wang niika trahoke wa naq wa rongkiq nguta tiiwin kha maq, tsangshiq ka Phrigia hong nai Galatia wang heawea binjü lam maq wawanto.

Acts 17:21

(Athens chela na siti hiqshong maiqse nai wanshok wanshati thun wiita riika, jamlai phan wa anye dong tlaq, kra nanok ma chongke manphan riichan maq ngawan roli, kiimaq anye phan nguta dong tlaq kra phan tsütsa kra tai wan roli sitlo.)

Acts 18:2

Apaiq raq kiijaq Jehudi we weshi, amang min Akoila ngutlaq kriiwe rai she riihumto. Akoila rawüchhi chang hiqshong ka Pontas wang na. Apaiq ka Roman Hokham we klaudias raq Rom chela na siti Jehudinok thun ka wiita tiijin ra tlo nguta amingke kha maq, tsang-nyung Prisila tsangnai ka Rom maq laükai nye li riito. Paul ka tsangnai rai riihumkai kito.

Acts 18:23

Kiijaq rahiq ka ashaqpuq sithü nong raütiishe hali, apaiq ka Galatia wang binjü nai Phrigia wang binjü lam maq wawan nongto. Apaiq raq kra wang nai na siti phunainotiim ma kamasham tiijong miitu tsaido jido bomtsi ningkun shoqke wan bomtsi kra chongkuq wanwan she hali wawan nongto.

Acts 2:11

Nashiq ka Jehudinok phan nai Pongnok phan maiqse wa, Jehudinok Shiikeawe lamphanti ma aja wanhai ahata. Kiimaq nashiq wiijamti thun arka, Kret mung nai Arabia mung na siti ahata. Shatmaq, nashiq wiitarü raq tsangshiq raq, nashiq nok maiqmiimii phan bom maq, Shiikeawe raq awang chang jaqsham jonghea sham wantaq kra tsütsa riichong rai tlaq kra tai tiikai ahata!”

Acts 23:11

Kra rawa na Tatiwe ka Paul rai adam chapto. Raüta, apaiq ma, “Ümniika naqhaikiq! Ümniiraq arjaq Jerusalem na i ruk i kiimwe ma jamkho jawan laü, kiikhiisii hali, Rom chela niimin hakhi kewa raa tlo,” nguta ningkun shoqke bom hali chongkuqto.

Acts 27:5

Naishiq raq Silisia wang khamwiiq binjü nai Pamphilia wang khamjong wiiq binjü tiithi khamjong mong maq jiiq wan laita wawankai. Ara wangnai wiiq ara lea wan laitiishe sanha, Lisia wang na khamjong kii na atei, Maira chela kiiniishe saü wan kai.

Acts 28:15

Rom na siti phunainotiim raq naishiq watlo nguta tsütsa taito. Krai mren, tsangshiq ka Rom maq kiraüta Appijas Kejat thung nai Wanjaptiiptsam Hiq kiina saüli kiraüta naishiq ka humkito. Paul raq tsangshiq rai riihum raüta Shiikeawe ma kechu tumto. Kiimaq apaiq ma tsaiji kongtam puqshi she riito.

Acts 6:5

Krai mren, tsangshiq kamasham maiqsetiim wiitutam raq, kriidea thukto nguta, kiimwebi bom na, kiqshi maq romdamsaq riito. Raütiishe, tsangshiq raq arwetiim arshe tsea raüta shiikapto: Tsangshiq mang thun ka ara. Stephen, apaiq ka kamtsantsii ajong rümtiwe, kiimaq Asii Wenyi na ama maq siti we. Kiimaq Philip, Prokhoras, Nikanor, Timon, Parmenas, kiimaq Nikolaüs riito. Apaiq ka Pongmung maiqse phan wa. Antiok chela na siti we. Apaiq ka kongkhuji na, Jehudinok kamasham lamphanti wa, Phung niishe ashang wan.

Acts 6:9

Shatmaq, apaiq ka sinagok ashi na siti, maiq wiijamti, maiqdi wa ada wan (akha mangtlaq) kong kriiraq ngengto. Kra sinagok phung niika, Sairini chela nai Alekjendria chela wa awa, Jehudinok min asi riito. Tsangshiq rai Jehudinok ahinti Silisia mung nai Asea mung wa awati ka chap rang raüta Stephen rai she riikhiihoto.

Romans 1:15

Ara chongkuq tiikang arai mren, ngi ka namshiq Rom na siti miimin, Tsütsa Ahea ara chongke wa miitu, kheshat maq sitiikang.

Romans 1:7

Riita, ara chongkuq tiikang arai mren, ngi raq namshiq tarü Rom na sitibi ma, ara lak ara waiq tiikang. Shiikeawe raq namshiq ka dang na lakshiipo alak ikha lungwii tlo. Raüta, namshiq ka apaiq raq asengi miitu riichom hea wanto she. Shiikeawe, Na we, kiimaq Tati Jesuq Khristo raq namshiq ka kaphap shat kiimaq hansang maq mithülaq.

2 Timothy 1:17

Shatmaq, apaiq ka Rom na asaü wari lishe, ngi rit, shokchhum nochhum, ngi mihum shaq wiiwii khumto.

Revelation 11:8

Kiimaq, tsangnai maa ka kra chela jonghea, tsangnai Tatiwe pumsongkham na tübaiqtaq kiijaq chiiheawea lam na küram liira tiibum raqraq miraq. Riita, kra chela shiiton mang ka Sodom chela riimak la Ejip nguta miraq.