Acts 2:9 - ASII LAKDAP Bible (BSI)

⁹ Nashiq ka Parthia, Media, kiimaq Elam mung wa awa hai ahata. Kiimaq Mesapotamia, Judia kiimaq Kapadosia; kiimaq Pontas, kiimaq Asia mung wa aki hai ahata.

Hawa Naga Bible 2001

⁹ Naungshiq kuex Parthia nuiyc Media, Elam mungx htenc wawc nuiyc Mesopotamia mungx nuex httax jix hez, Yuda nuiyc Kappadokia mungx, Pontu nuiyc Asia,

Muklom

⁹ Ira ro hiqtang Parthia, Media, Elam, Mesopotamia, Judea, Cappadocia, Pontus, Asia wang,

Acts 2:9 Referencias Cruzadas

RAPHA HIQWA LAK 10:22

Shem setiim ka Elam, Asshur Arpakhshad, Lud, kiimaq Aram riito. Tsangshiq ka tsangshiq lai ala tsangshiq mangponti puwantaq kra kaüwa titiim riito.

RAPHA HIQWA LAK 14:1

Hokham weblai Bebilon chela hokhamwe Armaphel, Ellasar chela hokhamwe Ariokh, Elam chela hokhamwe Chedorlaomar, kiimaq Goim chela hokhamwe Tidal thun ka,

RAPHA HIQWA LAK 24:10

Kiimaq Abraham tachong hupsam liiketiwe ajaqshi se raq atijongwe kumtsong kaü roqshi ma phanrap ahea awa phan tiiho raüta Mesapotamia mung na hiq khu wang na Nahor sichang chela kiina wawanto.

2 HOKHVMX 17:6

kra rawii ka Hoshea raq mung lang wan li maq wiitiikaü she angu na, Asiria mung ajong hokhamwe raq Samaria chela ka khat raüta jiito. Raüta apaiq raq Israilnok ka munglu shumwi kong ma Asiria mung na tsuq wanto. Raüta tsangshiq ka wiijam ka Hala chela niishe tiishongto. Kiimaq maiq wiijam ka Gojan wang na Habor Rai kii tan na tiisito. Kiimaq wiijam ka Media mung na chela thun na tiisito.

1 KAÜWA WERAÜ 19:6

Raütiishe Hokhamwe Hanun nai Ammon mungti raq tsangshiq raq Dawit ka wesang miishe tiija baiqkai nguta takto. Kra ningkhan tsangshiq raq kampho kilogram hingroqtsam ri hingblai ka kuq raüta Hiqkhu nü Mesapotamia mung wa kiimaq Siria mung wa Maka wang wa kiimaq Jaba chela wa kumrang leng nai kumrang leng na ngati rekhatti phenlabi ka shiipto.

EJRA 6:2

Kiimaq, kra rit wantaq rai mren, aming lakdam kom ka Media wang na Ekbatana chela wa humto. Kra lakdam kom na awaiq thü aming bomtsi ka akhii humto:

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 21:2

Ngi raq riisham mak maq hengbiti maiq riijiip wan chamchao akhing thun saü wan chhikang. Kriika maiq nai maiq liipan arshaphaq wan kiimaq phanrap miqchup then wan akhing. Elam mungti phenlabi lei, kriq khat ronglaq! Media mungti phenlabi lei, chela thun kra trotam maq komtlo ronglaq! Bebilon mung raq ümtin khan wa chamchao tiisaütaq kra Shiikeawe raq atiitsaq she mirbaiq.

DANIEL 5:28

PERES, ümmungtan ka atiikhoke wishe, raüta Medis mungti nai Parsia mungti ma achumke wishe.”

DANIEL 8:2

Riisham mak maq tiihanghiiqli ngi ka Elam wang nyungchong trotam maq kiitelong maq aruk Susa chela mong na riikang. Ngi ka Ulai jürai kii na chap raü riikang.

DANIEL 8:20

“Ümniiraq skupongwe khupo na arong anai chhilaü, kriika Media mungtan nai Parsia mungtan.

Acts 16:6

Kiimaq Asii Wenyi raq Asia wang niika trahoke wa naq wa rongkiq nguta tiiwin kha maq, tsangshiq ka Phrigia hong nai Galatia wang heawea binjü lam maq wawanto.

Acts 18:2

Apaiq raq kiijaq Jehudi we weshi, amang min Akoila ngutlaq kriiwe rai she riihumto. Akoila rawüchhi chang hiqshong ka Pontas wang na. Apaiq ka Roman Hokham we klaudias raq Rom chela na siti Jehudinok thun ka wiita tiijin ra tlo nguta amingke kha maq, tsang-nyung Prisila tsangnai ka Rom maq laükai nye li riito. Paul ka tsangnai rai riihumkai kito.

Acts 19:10

Paul raq mungmaiqse ma akha trahoke wan arka, wiinai na saüli chongkuqto. Apaiq raq atinkhan chongke wan kha maq, Asia wang na siti mungmaiqse Jehudinok phan nai Pongnok phan maiqse tarü raq, Tatiwe tsütsa ka tai wanto.

Acts 19:27

Riita, ara ümchaü nashiq raq piikii shakho thu tiikai arka, mang ka abi she mirki. Kiimaq, arli min riimak, Phra ajong Artemis shomjam tsaki mang chong jonglu tlaq kriimin, amo she mirwan. Kiimaq ara jechak nyung phra, Asea wang na, kiimaq mangjong tlotli na, apaiq jonglu tsaki tlaq kra nai apaiq shomnoq tlaq kriimin amoli she mirwan!”

Acts 19:31

Kiimaq, kra wang pengti ajongbi phong wa Paul kongtibi riimin, apaiq ka mungmaiqse riitsam nyiim rai tlaq rung kiijaq apaiq sham ka tiichhikai maimak lii nguta bom ka tiichong kito.

Acts 2:8

Shatmaq, tsangshiq raq nashiq nok bom maq, jamkho bomrai tla? Nashiq tarü raq, tsangshiq ka nashiqnok maiqmiimii phan ümchuwa sitiikai kra bom maq, bomtlo tai tiikai ahata?

Acts 20:16

Paul raq Asia wang na rahiq ka alu tiicha mang she nguta apaiq kaisia walam bomtsi ka athapthi wan kun she riito. Kra ngo kha maq, apaiq raq Ephisia chela ka ashüp raütli she kaiho nguta thito. Apaiq ka Jerusalem na saüho tlo raüta, mairaü la Raroq Biingi Poi ka lomho dam ma nguta, ataü laü she riito.

Acts 20:18

Kiimaq, tsangshiq ka apaiq phana saüki kiita, apaiq raq tsangshiq ma bom ka akha chongkuqto, “Ngi raq Asia wang na i ji maq ni wan kang ranaiq maq pha wan lata, ngi tiido wan ranaiq na saüli, namshiq rai jamkho singa wan kang, kiimaq naiqhü wasü jamkho i jaq sham wan kang, lata siwan kang, kriika namshiq tarü raq asap han she.

Acts 20:4

Apaiq rai kai damti kongtibi thun ka Pairihas se Sopatar riito. Apaiq ka Berea chelati. Kiimaq Thesalonia chela wiika Aristarkas nai Sekundas kidamto. Darbi chela wiika Gaias kidamto. Apaiq rai ka Timothi min kidamto. Kiimaq, Asea wang wiika Tikikas nai Trophimas kidamto.

Acts 21:27

Shatmaq, kra apii ramiishi haitaq kra athum wan nini niishe, Asia wang wa aki, Jehudinok maiq wiijamti raq Paul ka Shomjam mong na chhito. Kra chhi raütiishe tsangshiq raq mungmaiqse wiita ka riisii she tiishai baiqto. Raüta Paul ka rangho tlii maq laphoto.

Acts 24:18

Riita, ngi raq i khum tiisii mrochhi poi ka aklo lot wan wi niishe, tsangshiq raq ngi ka Shomjam mong na chhito. Kra akhing na, ngi rai mungmaiqse ka jumin ahü riito. Kiimaq kiijaq tatso wiinyi brakshaq jam min ahü riito.

Acts 27:2

Naishiq ka Adramittiam chela wa aki laijong ashi ka Asia wang na laitoq wa chang chela thun kiina wawanti tiijeje kiijaq düwan kai. Laita wawan kai. Mesidonia wang wa Thesalonia chela na siti Aristarkas min naishiq rai adam na wawan damto.

Acts 6:9

Shatmaq, apaiq ka sinagok ashi na siti, maiq wiijamti, maiqdi wa ada wan (akha mangtlaq) kong kriiraq ngengto. Kra sinagok phung niika, Sairini chela nai Alekjendria chela wa awa, Jehudinok min asi riito. Tsangshiq rai Jehudinok ahinti Silisia mung nai Asea mung wa awati ka chap rang raüta Stephen rai she riikhiihoto.

Acts 7:2

Kiijiishe, Stephen raq akhiishe trehoto, “I phu i notiim nai i nyung i wetiim lei, ngi raq chongpha tai ronglaq! Nati Abraham ka Haran hiq na milaühoshaq na Mesapotamia mung na siji na, achhai anyii Shiikeawe ka apaiq phana kito.

Romans 16:5

Kiimaq tsangshiq jam na noqku wantlaq phungtuti miimin salam tiitai tiikang. Ngi ma lungwii phuno we Epanitas miimin salam tiitai tiikang. Apaiq ka Asia wang wa apha shaq shaq Phung na shang wanti.

1 Corinthians 16:19

Asia wang na siti Phungtuti thun tarü raq namshiq ma salam bomtsi tiitai wan tlo. Akoila nai Prisila kiimaq tsangshiq jam na riitam nga tlaq phungtuti riimin, namshiq ma Jesuq Khristo mang na lungwii salam bomtsi tiitai tlo.

2 Corinthians 1:8

Phunainotiim lei, naishiq raq Asia wang maq chamchao rathaiq jonghea riihum wankai kra tsütsa ka namshiq ma thongshi hali bliiq chongke nong ro tiikai. Kra chamchao holai ma ka pinthum laibiti riito. Kra ningkhan, kra chamchao walü mong wiikla lun wan lot mai she sham nguta tiimakai.

TRI CHONGKE 23:4

Jamkhano ngukla tsangshiq raq ümniika Ejip mung wa laü wan laü akhing na, tsangshiq raq lam maq ümniima lamsea kuq mak dea kiimaq khu akham min kuq nyang mak dea riito. Kiimaq tsangshiq raq Beor se Balaam ka Pethor chela Mesapotamia mung na sitiwe kra üm khuthaq na manson miitu shiipto.

2 Timothy 1:15

Ümniiraq asap haü. Man na, Asia wangti wiitarü raq, ngi ka tiishaü baiqto. Phaigelas nai Harmojenes raq dongdii min, ngi ka atiishaü riibaiqto.

1 Peter 1:1

Ngi, Petar, Jesuq Khristo kiimwe raq-- Shiikeawe raq raq atsea wan maiqsetiim, munglu wanshanok ma ja raüta, Pontas wang, Galatia wang, Kapadosia wang, Asia wang, kiimaq Bithinia wang na riinyin riishin sitibi ma tiiho wan tiikang.

Revelation 1:11

Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”

Revelation 1:4

Johan raq Asia wang na siti phungtu miishiti ma: Shiikeawe raq namshiq ka phumram kham maq batshat, kiimaq khoqramkii maq keishat maq mirümkom laq. Shiikeawe ka man niimin asi, ümchaü min asi, kiimaq apaiq ka jai maq saüho tlaq we. Kiimaq Shiikeawe shiiliti winji miishi, Shiikeawe ngacho khaki na nga tlaqti raq,

PHOWEBI 3:8

Kriikha na Tatiwe ka tsangshiq ma atsankhiq riito kriikha na Tatiwe raq Mesapotamia Hokhamwe Kushan Rishathaim ma tsangshiq ka tiikhat raüta tiitangto. Raüta apaiq ma Israilnok ka tiipeng wanto.