Acts 2:11 - ASII LAKDAP Bible (BSI)

¹¹ Nashiq ka Jehudinok phan nai Pongnok phan maiqse wa, Jehudinok Shiikeawe lamphanti ma aja wanhai ahata. Kiimaq nashiq wiijamti thun arka, Kret mung nai Arabia mung na siti ahata. Shatmaq, nashiq wiitarü raq tsangshiq raq, nashiq nok maiqmiimii phan bom maq, Shiikeawe raq awang chang jaqsham jonghea sham wantaq kra tsütsa riichong rai tlaq kra tai tiikai ahata!”

Hawa Naga Bible 2001

¹¹ Yuda miqsaz htenc nuiyc Yuda miqsaz htungx vlayx lvmx nuex kvlayc wvnc jix hez rvtiq. Naungshiq wvyvmc kuex Krete nuiyc Arabia mungx wawc hez rvtiq, kvkhoc rvyruiux Tishox rueq shuimx wvnc tueq vwangc juing phvnx htenc tsuingshiq rueq jungphvnx kvjaz kuex, miqmac kvjaz ikhoc tay lvp wuez vshix nyix!” ngoz tueq rvjungc wuez tueq.

Muklom

¹¹ Hiqtang jaktung na Jehudi phan tho atha, etho Gentile phan wang Jehudi phan ma kaliktey tang tho atha, etho Crete mung wang etho Arab mung wang tho atha. Etha otho Shkewa chamtan ajong jaksom somlo ta ta ning hiqtang raaq tang o raaq aa ta kap tat ti!”

Acts 2:11 Referencias Cruzadas

1 HOKHVMX 10:15

Arka laopanbi raq phunta kuqtlaq, kiimaq piikiiti raq aliip wa kuqtlaq, kiimaq Arabia mung na siti hokhambi raq tijong tsiiq kuqtlaq thun, kiimaq Israil mung na ahongtek huptibi raq akuq thaq na achan akuq kra chongtlo.

2 KAÜWA WERAÜ 17:11

Philistainnok wiijamti raq Jehoshaphat ma kongphiq kampho nai laihin hupsam pahea hokuq wanto. Kiimaq Arabnok riika apaiq ma skukong 7,700 kiimaq chhechhikong 7,700 kuq wato.

2 KAÜWA WERAÜ 26:7

Shiikeawe raq apaiq ma Philistainnok ka kiimaq Gurbaal chela na siti Arobnok ka kiimaq Meunaiqnok ka tiikhatto. Raüta tiitangto

YOBA 9:10

Apaiq raq jaqsham jonghea shamtlaq kra nashiq raq sap wan lot mai, kiimaq apaiq raq awang chang jaq sham tlaq kriika athum phan riimak.

Tvtsvmc 107:15

Tsangshiq raq Tatiwe ma kechutum ratlo, apaiq tiipitmakphan lungwii miitu, apaiq raq tsangshiq ma amaochang pahea shamkuqto.

Tvtsvmc 107:21

Tsangshiq raq Tatiwe tiipitmakphan lungwii miitu kechutum ratlo, apaiq raq tsangshiq ma amaochang jaq shamkuqto.

Tvtsvmc 107:8

Tsangshiq raq Tati ma pinthum kechutum ratlo, apaiq raq tiipitmakphan lungwiitlo, apaiq raq tsangshiq ma amaochang jaq shamkuqto.

Tvtsvmc 111:4

Tati raq amao chang jaqsham wantaq thun ka nashiq ma tlaqbaiqmak phan; apaiq ka lungwiihea kiimaq tiihang wanti.

Tvtsvmc 136:4

Apaiq kli ajong pinthum awang chang jaqshamti; apaiq lungwii ka pattup pat-sa.

Tvtsvmc 26:7

Ngi raq kechutum miikhon ashi shitiikang kiimaq ümniiraq awang chang pahea shamlaü kra chong tiikang.

Tvtsvmc 40:5

Ümniiraq naishiq miitu pahea jaq shamkuq laü, O Tatiwe, naishiq Shiikeawe lei; ümniikhan ahin shiikea junim ahü! Ümniiraq naishiq miitu amao chang jaqsham pahea sürii wan laü. Ngi raq kriithun ka weawan lot mang kriika achong lot chang riimak pahea!

Tvtsvmc 71:17

Ngi noseji niiphü ümniiraq ngi ma shrinkuq laü, krai mren ngi raq ümchaü niitaq ümniiraq amao chang jaqsham tlaü thun kra chongtiikang,

Tvtsvmc 77:11

Ngi raq ümjaqsham jonghea sham wan laü thun kra tsan na mitiitsangha, Tatiwe lei; man na amao chang jaqsham wan laü thun kra ngi raq itsan na mitiima nongha.

Tvtsvmc 78:4

Nashiq raq kra manphan thun ka nasetiim ma chongkehü maq thümai; nashiq raq senye pat ma michongkuq rong i Tatiwe ningkun jonglu nai apaiq jaqsham jonglu thun kra kiimaq apaiq raq awang chang jaqsham wantaq thun kra michongkuq rong i.

Tvtsvmc 89:5

Ramungtan thun raq ümniiraq amao chang jaq shamtlaü thun kra shingetlo; ümnaq tsapsaü kapse jaqsham ka rasetiim raq shitlo, Tatiwe lei.

Tvtsvmc 96:3

Chiiriim lanta apaiq khushü jong ka maiq mung thun na chong ronglaq, apaiq raq ningkun henghea maq jaq shamtaq thun kra maiq phan tlotli ma chong ronglaq.

DUNGWVNC 15:11

“Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

ISAIA 13:20

Kiijaq maiq ka jumin ümtiikiimin siwanong mak she miraq. Rum na mangtam ikha bashi na sihoho siti Arab phan riimin apaiq tombutiip ka kiijaq chanwa mak she miraq. Kiimaq sku riimti riimin askukong ka kiijaq riimwa mak she miraq.

ISAIA 21:13

Arka Arabia mungti tiithai tsütsa. Namshiq Dedan chelati lei, namshiq piikii hupsam hoti nyamsekong ka Arabia mung na kumtsaiphii wang na piitiip tei raüta sitlo.

ISAIA 25:1

Tatiwe, ümniika i Shiikeawe; Ngi raq ümnaq mishrengha, lata ümmang mitiitsamha. Ümniiraq amao chang pahea shamlaü; ümniiraq man niiphü jaqsham chang thun sürii wan ka kunkun tsapkapkap klo wan laü.

ISAIA 28:29

Arthun jaqsham miitu taksu tsü ka Ajong Thaq Na Ajong Tatiwe raq akuq siisaq. Shiikeawe raq kiimung süriitlaq kriika athuk atsom siisaq. Kiimaq kriithun ka hong wan ruq phan!

JEREMIA 3:2

Liilaq! hiilam hiqpot thun kiijaq. Ümniika mephe-nyung ma jalaüta nga wan maü dea hiq ba ka asi shea? Arabnok raq rumnyangkhi kumtsaiphii bin jü maq maiq wanhiq khumti kra tek ma khetlaq ikha, ümniiriimin tungkii lamkii thun kiimaq ngalaüta ümkongtiwetiim khe tlaü kata. Ümniiraq ümsethoq ja maq mung ka tiisheshi baiqlaü she.

Acts 2:10

Kiimaq, Phrigia nai Pamphilia mung wa, kiimaq Ejip mung nai Libia mung na Sairini chela binjü wa awa hai ahata. Nashiq wiijamti ka Rom chela wa aki hai ahata.

Acts 2:12

Krai mren, tsangshiq ka kai awing wang rai nai arang ara rai lam maq, “Riita, arthun arka jamlai liichum wiinya?” nguta tsangshiq nai tsangshiq liipan na bom ka riiwaisoto.

Acts 27:12

Kiijaq laijong khing chang tru ka ralii na khingwa miika abi. Kriikha maq maiq apako riika, khamjong mong maq lealea wawan raüta laijong khingwa chang Phonisk tru na saü wan tlo haijaq ahea miraq nguta tiimato. Mairaü la ralii bala ka kiijaq khing wan haijaq nguta tiimato. Phonisk chela ka Kret wang na lai khing wa chang tru ashi. Phonisk chela na rahai walam ka shemai nü nai shenyap nü maq kiimaq shekhu nai shenyap nü wiiq maq hai raüta saütlo.

Acts 27:13

Seph Tru na khetiikai bala rahai haise shemai nü maq haipha wanto. Kra rahai saü wan kiita lai jiiqti wetiim raq tiima ka tsangshiq raq Phonisk tru nü na jiiq wan nguta tiimataq kra miwalot rong i sham nguta tiimato. Krai mren, tsangshiq raq laijong shiikhing chang jinkhaiq bu thun kra, kham mong wa laijong na hali dothü nongto. Rathaiq rahai wan raüjaq laijong ka khamjong mong na tsuqbaiq wan jiiq nguta honkam shatmaq Kret wang wiiq khamjong kiikii tiinapnap miili jiiq wanto.

Acts 27:7

Rahai wa ka henghea kha maq, naishiq raq rablai ngi ka, chaosusu se maq jiiq wankai. Kiimaq ngila ngu raü khamjong kii na atei wan Nida chela tiithi khamjong wiiq kiina saü wan kai. Rahai ka henghea kha maq, naishiq ka kra nü tiinyi niika jiiq wan lot mai she riikai. Kriikha miishe naishiq ka khamjong mong hiq Kret wang raq rahai tiiwong tlaq siim nünü kiina riita, khamjong mong na hiqkü ashi ashaüki Kep Salomi ngutlaq kra siim lam miishe jiiq wan kai.

1 Corinthians 12:10

Asii Wenyi raq, maiq ashi miika awang chang jaqshamke miitu ningkun kuq tlo. Kiimaq maiq ashi miika Shiikeawe riisham bom kra chongke miitu ningkun kuq tlo. Kiimaq maiq ashi miika Asii Wenyi raq akuq kongphiq thun kra liipan na chechiip miitu ningkun kuq tlo. Kiimaq maiq ashi miika, maiq raq taimak phan bom maq bom miitu kongphiq kuq tlo. Kiimaq maiq ashi miika kra bom tlaq taimai phan bomtsi liichum kra tiikho chongke miitu ningkun kuq tlo.

1 Corinthians 12:28

Riita phungtu na Shiikeawe raq maiqse tarü ma maiqmii maiqmii tiisuk nga chang tiihong kuqto. Apha na kiimwebi kra shongto. Kra jai na, shammibi shongto. Kiimaq kra jai niika ashrinketibi shongto. Kra jai niishetiq awang chang jaqsham ketibi shonto. Kra jai na maiq atsi asiti thun tiiheaketibi, kiimaq nanok ma khrumketibi lo, nanok ma lam tiichhiketibi lo, kiimaq maiq raq taimai chang phan bom maq bomti thun kriishe shongto.

Galatians 1:17

Kiimaq ngi ma kongkhu na jaqsham pha wanti kiimwebi, Jerusalem na sitibi phana niimin riihum kimang miili, ngi ka tlothit li Arabia wang na kiho kang. Lata Arabia wang maq Damaskas chela na hali jang wan nong kang.

Galatians 4:25

Riita, Hagar ka Arabia wang na Sinai Hiqlam sitlaq, kra rii na sitlo. Kriika, ümchaü Jerusalem chela na mungmaiqse ümchuwa, ümchaü min di ikhli sitlaq, kra nangnga ngutlo.

Titus 1:12

Kretnok manphan ka asi dongdii. Kretnok wa shammi weshi raq, tsangshiq nok miitu akha chongthüto, “Kret wang na siti ka, tsangshiq chongwa phara, arot akiq phan dongdii. Tsangshiq ka roknin riishin phan dongdii. Kiimaq shakaq sükha phan dongdii.” Riita ara maiqmii tiichong phaq bomtsi tlü chong tlaq arka, tengteng dea. Arkha maq, ümniiraq kra arot shrabi ka atsi dada maq asea laüta tsii chongkuq laq. Krai mren, tsangshiq raq tsii mihumlaq. Raüta riikhaqli, Phungmaiqse kamtsantsii tri raütu kiijaq jaqkhon tiipha tiipha raüta misilaq.

Titus 1:5

Ngi raq ümniika Kret wang na jaqsham tlot thü miitu baiqthü kang. Ümniiraq kra jaqsham atiinyi wan chang thun sitlaq kra, tlotli sham laq. Chelatek na phungtu liiti, maiqlare tsea laüta, shiikap laq. Ngi raq ümniima tsii chongkuq pha thun ira tsan na samhea tiitsangshat maq silaq.

Hebrews 2:4

Tsangshiq raq kuqtlaq hakhi thaq kiijaq hali, Shiikeawe raq kao raüta awang chang nai phiiptsi chang jaqsham ka pahea sham wan ruq miili, nashiq ma khangriri hea maq tiichhikuq nongtlo. Ara chongtiikai, Asii Wenyi kongphiq ningkun thun arka, Asii Wenyi raq maiqse loweatek ma jamkhii kewan wa lungwii tlaq, kra phanphan kuq tlo.