Mark 15:21 - ASII LAKDAP Bible (BSI)

²¹ Tsangshiq ka Jesuq pumsongkham na tübaiq kai, lam na akai rai riito. Kra akhing na Sairini mung wa Jerusalem chela na wa nguta awa, maiq weshi Simon nguta kra rai riihumto. Apaiq ma ase nai mang ka Alekjendar nai Ruphas riito. Phenlanok raq, Jesuq pumsongkham tipi ka apaiq ma, ningkun miishe tiipi hoto.

Hawa Naga Bible 2001

²¹ Lvmx maq tsuingshiq rueq Kirene mungx miqsaz, Alesander nuiyc Rufu muex vwaz, Simon ngoz yaq waz rulc rvhumc vtueq nolaungx bix rueq piq muex laungc maq Yesu yauk juinc bulx kuex tvpic tueq.

Muklom

²¹ Lam na, ning aa Simon ta miing aa ashey miq tha chongta, bara qhimwang kachey tapha, etho ralkoltey tang aa lo eq piq ma Jesu bólq tha ta som ta. Simon tha Cyrene miq angta, etho Alexander etho Rufus wa angta.

Mark 15:21 Referencias Cruzadas

Matthew 27:32

Tsangshiq ka chela mong maq dongho ri li, Sairini chelati maiq weshi Simon nguta kra rai she riihumto. Raüta phenlanok raq apaiq ma Jesuq tübaiq chang pumsongkham tipi kriishe ningkun miishe tiipi hoto.

Matthew 5:41

Kiimaq namtijong nok phenlabi wa weshi raq namshiq ka apaiq thongkhiiq kra mengshi hoke ra nguta shiichut kiiphan jiila, mengnai hokuq ronglaq.

Mark 15:20

Tsangshiq raq apaiq ka akha slailiisiq lot raütiishe, apaiq dü na atiisam, kheashii samtong jong kaü kra, achhut she riibaiqto. Raüta, apaiq khea kriishe hali tiisam kuq nongto. Raütiishe, tsangshiq raq apaiq ka pumsongkham na tübaiq kai miitu she, chela phai niishe sheahoto.

Luke 14:27

Jurwa maiqmii pumsongkham ka Pishat maq i jai phan phan wamak, kriiti ka i jaqshise ma jalot mak.”

Luke 23:26

Krai mren she, Roman phenlanok raq, Jesuq ka Pilat jam maq atü baiq kai miishe sheahoto. Tsangshiq ka lam na akairai lam maq, Sairini mungti maiq weshi ka Jerusalem chela na awarai kiiwa riihumto. Apaiq mang ka Simon. Tsangshiq raq Simon ka laphoto. Raüta, Jesuq pumsongkham ka Simon ma ningkun miishe, tiipi raüta, apaiq ka Jesuq jai na tiikhumto.

John 19:17

Jesuq raq apaiq pumsongkham kra piraüta chela phai na, “Khurii Hiqlam,” nguta hiq bashi kiina saüli kihoto. (Ara hiq ba ka Hibru bom maq Golgotha nguta ngutlo.)

Acts 11:20

Shatmaq, Saipras mung nai Sairini mung wa kamasham maiqsetiim wiijamti riika, Antiok chela na wawan raüta, Tati Jesuq manphan Tsütsa Ahea kra Pongnok phan maiqsetiim miimin chongkuqto.

Acts 13:1

Antiok phungtu na trahoke wanti shammibi nai kamasham bomtsi shrinketibi maiq ka asi riito. Tsangshiq ka Barnabas, Simon (Maiq nyaq we ngutlo), Lusia (Sairini mung wa), Manael (apaiq ka wanghupti we Herod raq atiijong lu wan), kiimaq Saul.

Acts 2:10

Kiimaq, Phrigia nai Pamphilia mung wa, kiimaq Ejip mung nai Libia mung na Sairini chela binjü wa awa hai ahata. Nashiq wiijamti ka Rom chela wa aki hai ahata.

Acts 6:9

Shatmaq, apaiq ka sinagok ashi na siti, maiq wiijamti, maiqdi wa ada wan (akha mangtlaq) kong kriiraq ngengto. Kra sinagok phung niika, Sairini chela nai Alekjendria chela wa awa, Jehudinok min asi riito. Tsangshiq rai Jehudinok ahinti Silisia mung nai Asea mung wa awati ka chap rang raüta Stephen rai she riikhiihoto.

Romans 16:13

Tatiwe lam phan na, akhupo ashi ma jawan raüta jaqsham wanti we Ruphas, kiimaq anyung jong, ngi ka ase shaq ma mang raüta mangchanti, i nyung niimin salam tiitai tiikang.