Acts 13:1 - ASII LAKDAP Bible (BSI)

¹ Antiok phungtu na trahoke wanti shammibi nai kamasham bomtsi shrinketibi maiq ka asi riito. Tsangshiq ka Barnabas, Simon (Maiq nyaq we ngutlo), Lusia (Sairini mung wa), Manael (apaiq ka wanghupti we Herod raq atiijong lu wan), kiimaq Saul.

Hawa Naga Bible 2001

¹ Antiok wawc phungc nuex shvmmax bix nuiyc tvluingc waz hez wvyvmc lomx naungx tueq: kvruex hez kuex Barnaba, (Vnyauk ngoz yaq) Simon, Kirene miqsaz Lukiu, (Herod mungx walaungx waz muex nosaz jauz wawc kungjix) Manaen nuiyc Sholu rvtueq.

Muklom

¹ Antioch mondoli na rangsamal tang etho tataltey tang angta: Ning Barnabas, Simeon bara Niger ta halta, Cyrene wang Lucius, Herod governor jamoq nijang wang hun chalotey Manaen etho Saul angta.

Acts 13:1 Referencias Cruzadas

Matthew 27:32

Tsangshiq ka chela mong maq dongho ri li, Sairini chelati maiq weshi Simon nguta kra rai she riihumto. Raüta phenlanok raq apaiq ma Jesuq tübaiq chang pumsongkham tipi kriishe ningkun miishe tiipi hoto.

Luke 3:1

Kra akhing ka, Roman Hokham we Tiberias raq Hokham jawan li maq, wiiroqshi ri wiibiingi she riito. Pontias Pilat ka Judia wang na Wanghupti we riito. Herod ka Gelili hong na hokham riito. Kiimaq ano Philip ka Iturea nai Trakhonitis hong lang wanti riito. Lisanias ka Abilene hong langti riito.

Acts 11:30

Tsangshiq raq ara khrum kongphiq jaqmiiq kampho arka riichom lot raütiishe, Barnabas nai Saul ma, Jerusalem na phungtu liiti maiqlare jaq niishe tiikuq kito.

Acts 12:25

Barnabas nai Saul riimin, tsangnai wanhiq khum jaqsham kra lot raüta, Jerusalem miishe pai wan nongto. Tsangnai rai Johan Makaq kiimin shea wan damto.

Acts 13:9

Kiijiishe, Saul, apaiq ka nanok raq Paul ngutiimin ngutlo, apaiq ka Asii Wenyi raq arom wan ningkun ama maq siti kriiraq, kra mintin we ka, atheaphi na tiqtiq liito.

Acts 15:32

Kiimaq Judas nai Silas tsangnai wenai kiimin shammi sii riito. Krai mren, tsangnai ka tsangshiq rai rahiq ashaqpuq sithü damto. Raüta, tsangshiq ma kamasham na tsaido jido ningkun shoqke wan bomtsi pahea chongphan kuqto.

Acts 15:35

Paul nai Barnabas ka Antiok na rahiq ashaqpuq sithü damto. Raüta, nanok maiq ahintibi rai kongshi maq, Tatiwe bomtsi ka tsangshiq ma shrinkuq wanto. Kiimaq trahokuq wanto.

Acts 19:6

Paul raq ajaq nai maq tsangshiq khu na sham raüta achu jaükuqto. Kiimaq Asii Wenyi ka tsangshiq khum niishe satkito. Krai mren she, tsangshiq ka atse atsaq min tiitai mak phan bom miishe bomtrang hoto. Kiimaq Shiikeawe raq achongkuq tsütsa kra tlü chongkuqto.

Acts 21:9

Asetiim ka junriisetiim nyungblai riito. Kriiwiitiim raq Shiikeawe bomtsi ka chongkuqto.

Acts 4:36

Riita, ija, ara chongtiikai akhiisii hali, Lewi saüse phan wa maiq weshi, Saipras mung na sitiwe asi riito. Apaiq mang ka Joseph. Kiimwebi raq apaiq ka Barnabas nguta mangto. (Barnabas ngutlaq ka “Tsaiji doketi” nguta ngo).

Acts 9:1

Kra bala siili, Saul raq Tatiwe sengi thun ka, tiikot mrot rit raüta, atsea ata tiiphiip miijiip, shiikeng wanto. Krai mren, apaiq ka Ramwe Ajong Pinthum we phana wato.

Romans 16:21

Ngi rai kongshi maq jaqshamti Timothi raq namshiq ma apaiq salam tiitai tlo. Kiimaq, i phan i maq Jehudinok phan wa kongtibi Lusias nai Jeson, kiimaq Sosipatar riimin, namshiq ma salam tiitai tlo.

1 Corinthians 11:4

Kra ningkhan maiqwe ashi raq, nokwe rai Shiikeawe shomnoq tlan akhing na, akhuphop shat maq achu jaü tlaq, lo trahotlq, kriika Khristo khushü tiijamtlo.

1 Corinthians 13:2

Ngi ka kamasham na ama maq siti, maiqse tsantsii ka tiinin lili chang, traho bom chongke min milot ha sham. Kiimaq phanrap apaü arthü bomtsi thun kriimin misap ha sham. Kiimaq i kamtsantsii jong ka, ku akin kriimin tiime lili chang khan min misi sham. Shatmaq i tsan mong na lungwiitsii ahü jiika, ngi ka thiihü miraq.

1 Corinthians 13:8

Lungwiitsii ka pattup pat-sa thumki mak phan. Tsan tiinin lili chang traho bom chongke min asi miraq. Shatmaq kriika alo miituli miraq. Kiimaq maiq raq tak lot mak phan bom maq traho bom chongke min asi mirsham. Shatmaq kriimin ranaiq shishi ka athum mirki. Kiimaq anyan phaqchi tsütsa chongkuq tlaq kiimin athum mirki.

1 Corinthians 14:29

Kiimaq, shammi ka wenai lo, wetsam lo, Shiikeawe raq tsütsa bomtsi ka ümriiti mo kuq tlaq, kriiti raq Shiikeawe tsütsa riisham bom ka chongkuq lili ronglaq. Kra chong kuq tlaq liipan na, maiq ahinti riika, atiitsang tai lanta kra bomtsi ka ashin riiwan lili ronglaq.

1 Corinthians 14:32

Shiikeawe tsütsa riisham bom chongke kongphiq ningkun lap wanti raq, tsütsa chongke ka ahea wiq maq shiithuk tsom raüta chongke chang.

1 Corinthians 9:6

Shea Barnabas nai ngi, nainai wenai riika maiqmii tiidung hea miitu minshiiq chang sha?

Galatians 2:13

Petar honja kra chhi raütiishe, Jehudinok Phungmaiqsetiim ahinti phunainotiim kriimin she, haisu we Petar tiihaihii tlaq kiikha adam na trai wan damto. Kiimaq, Barnabas dongdii min she, kra tsangshiq haisu kong kra chhi raüta, tsangshiq rai hali trai wan damto.

Galatians 2:9

Jakob, Petar kiimaq Johan, tsangtsam maiqlabi raq santla, Shiikeawe raq ngi ma ara tsankhun tsanwa jaqsham arka kuqto dea, nguta sapto. Krai mren, tsangshiq raq Barnabas nainai min tsangtsam rai kongshi maq, Shiikeawe jaqsham dam tlo, nguta anato jaq shiikamto. Laita, naishiq ka tsangshiq rai adam na nga laita, jaqsham ka akha riiphea wankai. Barnabas nainai riika Pongnok phan maiqse ma, Tsütsa Ahea kra michong kuq wan i, kiimaq tsangshiq riika, Jehudinok phan ma Tsütsa Ahea kra michong kuq wanlaq nguta, Shiikeawe jaqsham kra riiphea wan bom, kiq ri wan kai.

Ephesians 4:11

Apaiq arkata, “Maiqse angu ma kongphiq pahea pheakuqto” nguta chongtliiwe kra. Apaiq raq, maiqse wiijam ka kiimwebi ma shongto; maiq wiijam ka shammibi ma shongto; kiimaq wiijam ka Tsütsa Ahea chongke wan miitu shongto; wiijam ka shrabi ma shongto; kiimaq wiijam ka ashrinketi ma shongto.

Philippians 4:22

Arjaq siti, Shiikeawe sengi tarü raq, akhek ka Hokham we jam na sitibi raq salam tiitai wan tlo.

1 Thessalonians 5:20

Asii shammi riisham bomtsi ka naq shishe rongkiq.