Acts 13:2 - ASII LAKDAP Bible (BSI)

² Tsangshiq ka Shiikeawe shomnoq, amang maq achu jaü sitlaq liipan na, “Barnabas nai Saul ka ngi miitu pong na raithü ronglaq. Tsangnai ka i jaq sham miitu, ngi raq ashong kun she,” nguta Asii Wenyi raq tsangshiq ma chongkuqto.

Hawa Naga Bible 2001

² Tsuinghez kuex Taungjix yauk shuimc shuimx kaz ruiux, dungc svy mamc vtueq httax yaq nuex Vsawc Siyac rueq tsuingshiq muex, “Sholu nuiyc Barnaba kuex ngvy yauk shuimc tvkoc pungx httauk taq shuinz,” ngoz tueq.

Muklom

² Baluk o ning aa wokcham etho Teyhungwa shumnuk atho, Asang Tsija ning ma batta, “Nga Barnabas nia Saul tha bari jaksom rangma hal táng, eshi jaksom rangma ning ni shi phal chak inn.”

Acts 13:2 Referencias Cruzadas

1 KAÜWA WERAÜ 16:4

Dawit raq Lewi phan wa maiq wiijamti ka Tatiwe, Israilnok Shiikeawe kra shomnoq ma noqku na Tongshong Tek khaki na ashi ashun na nai tiitsamkam na mungmaiqse kra shunshea miitu shongto.

DANIEL 9:3

Kra ningkhan, ngi raq Tati Shiikeawe jaq wa pinthum itsan itsii tiitsi lata, apaiq ma tiipaiq nea lam maq, amang maq, wunthaü riinaü khea samlata, kiimaq ikhakam na tapkhu maq nyat lata, achu jaü nga kang.

Matthew 17:21

Shatmaq akhnok abi winji arka, amang maq achu jaü raütiitiq mijo baiq lot. Ahin ningkun miika jo baiq lot mak miraq.

Matthew 6:16

“Kiimaq namshiq raq amang maq achu jaü tlan akhing na, mongnam nok raq maiq ma tiichhi ma nguta tiichan miine jaü tlaq ikha, munjuk mijuk miika naq jaü rongkiq. Ngi raq chongtiikang arka tengteng. Tsangshiq raq Shiikeawe jaq wa poksi lap wan chang ka ahü she.

Matthew 9:38

Wakchongti we jaq wa achu li jaü wan lili rong laq, apaiq raq tsamjutti maiq ka apapa she tiq mitiiki laq,” nguta ajaqshisetiim ma chongkuqto.

Luke 10:1

Arjai maq hali, Tatiwe raq ajaqshisetiim roqmiishi ri wenai kra tseato. Raüta wenai nai maq, apaiq kai chang chela thun nai maiqhiq shong thun kiina, apaiq ma sinkhu na trahokai tiikito.

Acts 10:19

Petar ka riisham mak maq chhitaq kra, jamlai wa riita ahiq nguta rashi hiqwia tiima rai tlaq liipan niili, Asii Wenyi raq apaiq ka thaüto, “Liilaq! Ümnaq heakaiti maiq wetsam ka arjaq saükito she.

Acts 10:30

Kiijiishe, Kornelias raq treto, “Shiilang we lei, kechu jonghea. Ümchaü ranaiq ara weali maq ranaiqtsam she. Ngi ka i jam na, ranaiq naritsam bala achu jaü ngakang. Kra bala, tiihanghiiq miili, maiqwe ashi, apaiq miirii ka khealü, achhai anyii samraü we kra, i khaki na chapsaq chapkito.

Acts 13:3

Krai mren she, tsangshiq raq amang maq achu jaüto. Raüta, tsangnai dü na jaq maq sham raüta achu jaükuqto. Raütiishe, tsangnai ka traho jaqsham wa miitu wanhiq na tiiwato.

Acts 13:4

Asii Wenyi raq tsangnai ka traho jaqsham wa tiiwato. Krai mren, Barnabas nai Saul ka Antiok maq riita, Silisia na wato. Kra miishe, khamjong mong na sitlaq Saipras mung kiiniishe laijong maq wawanto.

Acts 14:26

Kra chela miishe tsangshiq ka laijong maq tsangshiq tiiwa chang hiqshong Antiok chela niishe hali jangho nongto. Kra chela maq tsangshiq ka Shiikeawe kaphap wokhong na likuq raüta, Shiikeawe jaqsham wa miitu tiiwato. Krai mren, tsangshiq raq jaqsham ka tiinyi li shamto.

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

Acts 22:21

Shatmaq, Tatiwe raq ngi ka, ‘Tiido laq. Walaq. Ngi raq ümniika maiq mung ahin luhea na siti Pongnok phan maiqse ma tsütsa ahea kra chongke wa she mitiiwa kang,’ ” nguta Tatiwe raq ngi ma bom ka chongkuqto.

Acts 4:36

Riita, ija, ara chongtiikai akhiisii hali, Lewi saüse phan wa maiq weshi, Saipras mung na sitiwe asi riito. Apaiq mang ka Joseph. Kiimwebi raq apaiq ka Barnabas nguta mangto. (Barnabas ngutlaq ka “Tsaiji doketi” nguta ngo).

Acts 6:4

Laita, naishiq riika, atsi dada maq, achu jaü nai trahoke jaqsham na tsan tiitsi phai.”

Acts 8:29

Asii Wenyi raq Philip ka, “Kra kumrang leng tho kiina kilaq. Laüta, apaiq thotho maq khumlaq,” nguta thaüto.

Acts 9:15

Kiijiishe Tatiwe raq treto, “Kilaq. Naqhai kiq. Ngi raq apaiq ka i khiiq wi ma nguta atsea wan wishe. Kiimaq, apaiq ka i mang ara, Pongnok phan ma, kiimaq honyung hokhambi ma, kiimaq Israilnok wiitarü ma tiisap wan miitu, tsea wan kang.

Romans 1:1

Ngi Paul, Khristo Jesuq dise, kiimaq kiimwe ma tingsang athiiq raüta atsea wan, kiimaq Shiikeawe raq apaiq Tsütsa Ahea trahoke miitu ashong wan we raq waiq tiikang.

Romans 10:15

Kiimaq, Shiikeawe raq apaiq tsütsa ahea kra, chiiriim raüta chongke wan miitu, bin na tsütsa chongke wantibi tiikai hü miika, juro michong kuq wan? Arka, Asii bomtsi na, “Tsütsa ahea chongke wantibi saü wan tlaq kriika, pinthum ahea riito!” nguta chong tlo.

Romans 15:16

Shiikeawe raq ngi ka Khristo Jesuq jaqshi se ma shongto. Arka ngi raq, namshiq Pongnok phan maiqse ma, Khristo Jesuq tsütsa ahea kra chongke wan miitu shongto. Ngi ka Shiikeawe raq akuq Tsütsa Ahea ara chongketi ramwe. Ara ramwe jaqsham tiikang arka, Pongnok phan maiqse wa maiq ümchuwa sitlaq kra thun ka, Shiikeawe ma akuq honglu ikha misi laq nguta ngo maq sham tiikang. Raüta, Asii Wenyi raq tsangshiq ka siirairai she ngamrea ikhiishe, Shiikeawe ma mikuq wan.

1 Corinthians 12:11

Shatmaq arthun arka, Asii Wenyi apaiq raq siisaq li kuq tlo. Apaiq raq jamkho lungwii tlaq, kra phan phan, maiq khumtek ma, pongpong kongphiq pheakuq tlo.

1 Corinthians 7:5

Ashi raq ashi ma naq khun nü rongkiq. O, kiimaq namshiq sinyung siwe liipan na adam maq kiqri lanta, jaqlo miitu achu jaü ma nguta heashi liipan trai rii kla jam min bimak. Shatmaq tiina kra akhing kra lea jai she ka, ata jamkha sichang wa, kiikha singa i ronglaq. Akha singa han jiila, namshiq ka Thawe raq bi tsan tlaq kiiwa tiichhii shat mirhan. Arka namshiq liipan na maiqmii stiq skhaq alu silot man riitlan kra ningkhan ngutiikang.

2 Corinthians 11:27

Jaqsham kaiwa ümtinkhan wa, hunnii wankang. Ümtinkhan wa, rawa konhü maq sham wan kang. Khamnyang wiikii tsi maq ümtinkhan wa lea wan kang. Ngi ümtinkhan wa, amang ale miili, khuhü kheahü miili lea wan kang.

2 Corinthians 6:5

Naishiq raq maiqmo pahea howan kai; phaqtek mong na shaq wanto; kiimaq nokwe raq longliiq wanto; naishiq achan ana jaqsham nü wan kai; rawa konhü maq, amang ale maq pahea lea wankai.

Galatians 1:15

Shatmaq, Shiikeawe raq ngi ka apaiq kaphap mangchan wokhong maq, i nyung wokmong maq rawü min michhi ha shaq niiphü li, apaiq jaqsham wan miitu, pong na thiiq raüta, tsea wanto. Krai mren, apaiq raq ngi ma ümtiikaq ranaiq wa,

Ephesians 3:7

Ngi arka, Tsütsa Ahea kra chongke miitu, Shiikeawe raq akhek pong na, tiitsangdada atsea arwan. Raüta, Shiikeawe raq apaiq ningkun ka, i khum na kuq wantaq kriimaq, Tsütsa Ahea chongke wan jaqsham kra kuqto.

TRI CHONGKE 10:8

Pumji maq Tatiwe raq Lewi phan maiqwere ma Tongshong Tek kra shiili jaqsham arang kuqto. Kiimaq apaiq ramwebi jaqsham miitu kiimaq apaiq mang na ram ramke wan miitu shongto. Riita ümchaü min arthun jaqsham arka tsangshiq arang na sitlo.

Colossians 4:17

Kiimaq ngi raq phuno we, Arkipas ma ara bomtsi ara tiichong wan nong tiikang, “Tatiwe raq ümniima apaiq jaqsham jamlai wa kuqtaq kra, athuk atsom maq shiingut laq ngu wa” nguta apaiq ma chong nong rong laq.

1 Timothy 2:7

Ara ningkhan, Shiikeawe raq ngi ka akiimwe ma shongto. Kriika ngi raq ara chongtiikang Tsütsa Ahea ara, Pongnok phan maiqse ma chongke wan miitu shongto. Tsangshiq ma ngi raq tengtlaq Phungmaiqse kamasham rilung lamphan tsütsa kra phanchan kewan miitu, ngi ka shongto. Ngi raq arot chong mang. Ngi raq chongtiikang arka tengteng!

2 Timothy 1:11

Shiikeawe raq, ngi ka Tsütsa Ahea ara chongke wan nai, ara shrinke wan miitu, kiimwe ma shongto.

2 Timothy 2:2

Ngi raq ümniima nokwe pahea man na, kamasham rilung bomtsi ka shrinkuq wan kang she. Kra bomtho raü thun ka, ümchaü ümniiraq nanok maiqshaq shaqti, maiqlare ma mija wan lotti kiimahali shrinkuq wan lili riilaq. Raüta, tsangshiq riihali, nanok Phungmaiqse ahinti, maiqlare ma mija wan lotti ma hali, mishrin kuq nong laq.

2 Timothy 4:11

Ümchaü ngi rai sidamti ka Lukaq lamlamli she. Makaq ka ümniirai adam maq shea wan laq. Apaiq ka i jaqsham khrumke ma maiqshaq.

2 Timothy 4:5

Shatmaq, ümniiriiwe kla jamlai phan rahai ahea abili saü wan raü min, ümkam tsantsii ka pharangrang maq thü wan ruq riilaq. Chamchao litkot ümtinkhan wa saü tlaq, kra nin wan ruq maq silaq. Tsütsa Ahea chongketi, maiqshaq weshi nguta kamto maq silaq. Shiikeawe jaqshi, maiqshaq ashi nguta kamto maq silaq.

Hebrews 5:4

Ju riimin ramwe ajong jaqsham ka maiqmii raq rit mak phan. Shiikeawe raq Aron ka jamkho shongtaq kiikhiisiitiq shong chang.

1 SAMUEL 2:11

Raütiishe Elkana ka jam na Rama chela niishe jang wanto. Shatmaq nono Samuel ka Shilo niili sikito. Raüta ramwe Eli wokhong na siraüta Tatiwe ka shiilito.