Acts 13:3 - ASII LAKDAP Bible (BSI)

³ Krai mren she, tsangshiq raq amang maq achu jaüto. Raüta, tsangnai dü na jaq maq sham raüta achu jaükuqto. Raütiishe, tsangnai ka traho jaqsham wa miitu wanhiq na tiiwato.

Hawa Naga Bible 2001

³ Kvkaq tsuingshiq rueq dungc svy mamc ruiux Sholu nuiyc Barnaba htauk nuex yauk tvdaungc vjux thoz kuq tueq, kvruex yix maq tsuingnueyc kuex phungc yauk shuimc tvkoc nvr tvkaz tueq.

Muklom

³ Ning wokcham etho romtam chu eq etho ningni haan o jak shing eq takat ta.

Acts 13:3 Referencias Cruzadas

WEAWEA 27:23

Tatiwe raq aming kuqtaq kra phan phan, Mosheq raq ajaq wiinai ka Joshua khupo na shamto. Raüta Joshua ka apaiq pumsongtiwe she nguta chiiriim raüta shongto.

Acts 1:24

Kra raütiishe, tsangshiq raq tsangnai wenai mang na ton raütiishe, akha achu jaüto, “Tatiwe le, ümniiriiri maiqse angu tiima tsantsii ka wiita asap haü siisaq. Riita, ümchaü min, ara tsangnai wenai arwa, ümriiti wa ümniiraq tsea wan laü, kriiwe ka naishiq ma tiichhikuq laq.

Acts 13:2

Tsangshiq ka Shiikeawe shomnoq, amang maq achu jaü sitlaq liipan na, “Barnabas nai Saul ka ngi miitu pong na raithü ronglaq. Tsangnai ka i jaq sham miitu, ngi raq ashong kun she,” nguta Asii Wenyi raq tsangshiq ma chongkuqto.

Acts 13:4

Asii Wenyi raq tsangnai ka traho jaqsham wa tiiwato. Krai mren, Barnabas nai Saul ka Antiok maq riita, Silisia na wato. Kra miishe, khamjong mong na sitlaq Saipras mung kiiniishe laijong maq wawanto.

Acts 14:23

Tsangshiq raq phungtutek na, ashun asheati maiqlare thun kra shong thüto. Kiimaq amang maq achu jaü raüta, tsangshiq ka tsangshiq raq kamwantlaq Tatiwe jaq khong na kiinong kuqto.

Acts 14:26

Kra chela miishe tsangshiq ka laijong maq tsangshiq tiiwa chang hiqshong Antiok chela niishe hali jangho nongto. Kra chela maq tsangshiq ka Shiikeawe kaphap wokhong na likuq raüta, Shiikeawe jaqsham wa miitu tiiwato. Krai mren, tsangshiq raq jaqsham ka tiinyi li shamto.

Acts 15:40

Kiimaq Paul riika, Silas kra shea wan raütiishe, traho wa wanhiq na wawanto. Phunainotiim raq tsangshiq kongnai wiita ka Tati kaphap wokhong na kiinong kuq raüta, Shiikeawe jaqsham wa miitu tiiwa nongto.

Acts 6:6

Tsangshiq wiitutam raq arwetiim, tsangshiq wemiishi ka, kiimwebi man na tiichapto. Krai mren, kiimwebi raq tsangshiq khuthaq na jaq maq sham raüta, achu jaü kuqto.

Acts 9:17

Krai mren, Ananias ka Saul jap chang jam kiijiishe kihoto. Raüta, jam mong na nyap wato. Raüta, ajaq maq Saul dü na sham raüta, “Phuno we Saul le,” nguta bom damto. “Ngi ka ümniiphana Tatiwe raq tiikito. Ümniika ana wa lam na awarai shon, ümniirai lam na sham riichhikitaq Jesuq apaiq raq tiikito. Apaiq raq ngi tiikitaq arka, ümmak kra tiipiiqke kai miitu, kiimaq ümniika Asii Wenyi raq ama maq rom raüta, ama miishe misi laq nguta tiikito.”

Romans 10:15

Kiimaq, Shiikeawe raq apaiq tsütsa ahea kra, chiiriim raüta chongke wan miitu, bin na tsütsa chongke wantibi tiikai hü miika, juro michong kuq wan? Arka, Asii bomtsi na, “Tsütsa ahea chongke wantibi saü wan tlaq kriika, pinthum ahea riito!” nguta chong tlo.

1 Timothy 4:14

Ümkhum na asii kamasham kongphiq Shiikeawe raq akuq sitlaq kra, samhea wiq maq rüm laq. Arka ümniima Shiikeawe shammibi raq chongkuqtaq, kiimaq kamasham na maiqlare raq, tsangshiq jaq ka ümdü na sham raüta ramram achu jaü kuqtaq akhing na, Shiikeawe raq akuq.

1 Timothy 5:22

Tatiwe jaqsham ma, maiq ka moshong shong naq shongkiq. Nanok raq jamlai ngarai wa tang tlaq, kiijaq ümniika naq tiitsam nyiim damkiq. Ümniiraq ümkhum ka siirairai maq thü laq.

2 Timothy 1:6

Krai mren, ngi raq ümdü na i jaq maq sham lata, achu jaükuq kang akhing na, Shiikeawe raq ümniima kongphiq kuqtaq ira walü tu ka, ümniiraq tiinyai ruq maq rüm laq.

2 Timothy 2:2

Ngi raq ümniima nokwe pahea man na, kamasham rilung bomtsi ka shrinkuq wan kang she. Kra bomtho raü thun ka, ümchaü ümniiraq nanok maiqshaq shaqti, maiqlare ma mija wan lotti kiimahali shrinkuq wan lili riilaq. Raüta, tsangshiq riihali, nanok Phungmaiqse ahinti, maiqlare ma mija wan lotti ma hali, mishrin kuq nong laq.

3 John 1:6

Shrabi raq ajaq naishiq phungtuti ma, ümniiraq tsangshiq ka Shiikeawe jaqsham trahoke wanhiq khum na shiikum pan kuq tlaü kra somra tsaki chong hoto. Kechu jonghea, kra jaqsham tlaü ka. Arka Shiikeawe chochi chang jaqsham. Tsangshiq traho bom chongke wanhiq khum na khrum kuq ruq shiichaq laq.

3 John 1:8

Krai mren, nashiq tarü raq akha Shiikeawe jaqshamtibi ka khrum ke raa tlo. Akha khrum kuq tiikai arai mren, nashiq min tsangshiq rai kongshi maq, Shiikeawe raq akuq tengteng tsütsa rilung bomtsi kra chongketi ma jadam tiikai.