Matthew 23:9 - ASII LAKDAP Bible (BSI) Kiimaq namshiq raq mangjong maiqse ka ‘I We loi’ nguta naq hea wan rongkiq. Namshiq ma ‘Awe’ ka ramungtan na sitlaq kli Awe. Hawa Naga Bible 2001 Nuimshiq rueq ghaq htauk vwawc ukhaq muex muinz ‘Iwaz’ ngoz tueq nauk ngoz kaz, Yvmx khoc lac ngoz ruiux lec nuimshiq Waz kuex raungmungx nuex washiz dvyx httax yaq. Muklom Mingkang rina utang ma tho ‘Wa’ ta nak raaq inn, chammatakoi nim ma Wa ashey dang, etho piq mungtan na. |
Shammiwe Elisha ka atsi laihea tsibiti tsikito. Kiimaq apaiq ka atsai wanshe atsi bumtlaq akhing na Israil mung Hokhamwe Jehoash ka apaiq rai riihumkai kito. Raüta. “Iwe lei, iwe lei! ümniika Israil mung tiikhup wongketi nolajongwe!” nguta tiishudaqto.
Elisha raq kra chhito. Raüta agilülü Elija ma riimto, “Iwe lei, iwe lei! Israil mung khup wongketi Ajong pinthumwe lei! Ümniika wawan laü she nya!” Kiimaq apaiq raq Elija ka chhinong mak she riito. Atsanbitsi ma Elisha raq asamtong jong kaü adü na samtlaq kra mannai ma tiikholiiq chaibaiqto.
Kiijiishe Israil mung hokhamwe raq Sirianok phenlabi ka chhiraüta, apaiq raq Elisha ma, “Shiilangwe lei, ngi raq tsangshiq thun jiipbaiq phajo? Tsangshiq ka jiipbaiq phajo?” nguta waito.
Tati Ningkun Ajong Pinthumwe raq ramwebi ma chongtlo, “Ase raq awe shrengtlo. Kiimaq ajaqshi se ka atijongwe ma haitlo. Riita ngi ka namwe jong. Namshiq raq ngi ka jamto shreng man? Ngi ka namtijongwe. Namshiq raq ngi ka jam nguto shreng man? Namshiq raq ngi ka shummii tlan. Kra riilan tiishea, ‘Naishiq raq ümniika jamkho shummii kai?’ nguta wai tlan.
Kiimahali namshiq ka Tijongwe nguta naq tiingo rongkiq. Jamkhano ngukla namshiq ma Tijongwe ka ashi li, Messia sitlaq kriili namshiq ma Tijongwe.
(Thatsang maiqse tiina arthun ara miitu chapa wan tlo.) Namshiq ma arthun arka ra tlo nguta nam We ramungtan na siti raq asap.
Namshiq ka abi maiqsetiim raq santla, namsetiim ma ahea awa phan hupsam kene wan ka atsin han. Riita ikhiijiika, ramungtan na siti nam We raq, apaiq jaq wa jaü wan tlaqti miika, ümtinkhan kao raüta ahea awa phan hupsam she wa kuq wan jiiq riila!”
“I phan i maq Israilnok singmung maiqse phukhu welabi lei, ngi raq namshiq man na ngi ka shut mang nguta, i khum tiikhe bom ka chongpha shaq, namshiq raq tiitsang tai ronglaq!”
Ara jamkhano chongtiikang ngukla, namshiq ma kamasham rilung na ashun ashea kewanti maiq ka hingroqshi li siraü jiimin, namshiq ma awejong ka ashi li. Namshiq ka Jesuq Khristo puk na nyap lan krai mren, ngi ka namshiq ma Tsütsa Ahea chongke wanti kha maq, namshiq ma kamasham na awejong she jakang.
Ngi ka namwe jong ma mija kang, kiimaq namshiq ka I setiim, maiqwe sere nai jechak sere ma mija wan han, nguta Ajong TATIWE raq chongtlo.”
Riita, nashiq ma han-ngam na, nanyungwe riiminla trantsii tsatson tlo kata. Krai mren, nashiq raq tsangshiq shreng tiikai. Ikhiijiika, nashiq raq nashiq ma Wenyi We sitlaq kra wokhong na pinthum phaqchii nichii maq si chang kata!
Liimanta, Awe raq nashiq ka pinthum lungwiito! Apaiq raq nashiq lungwiitaq kra pinthum jonghea kha maq, nashiq ka Shiikeawe setiim she nguta ngutlo. Kra ngutlaq arka tengto dea na, nashiq ka asetiim she dea sitiikai. Arkha miitiina, phiijawa raq nashiq sap mak. Tsangshiq raq Shiikeawe ka sap mak kha maq, nashiq min sap mak.