Matthew 7:11 - ASII LAKDAP Bible (BSI)

¹¹ Namshiq ka abi maiqsetiim raq santla, namsetiim ma ahea awa phan hupsam kene wan ka atsin han. Riita ikhiijiika, ramungtan na siti nam We raq, apaiq jaq wa jaü wan tlaqti miika, ümtinkhan kao raüta ahea awa phan hupsam she wa kuq wan jiiq riila!”

Hawa Naga Bible 2001

¹¹ Nuimshiq kvkhoc vbac miqsaz rueq doc muinz miqmac sahez muex vhvlx phvnx kuy tuiuz vshuinx. Kvruex htauk nuex jvnc vtueq raungmungx wawc nuimshiq Waz rueq vpiq kox wawc thoz jix muex vhvlx phvnx htenc kuex kuq shuex rvtueq!

Muklom

¹¹ Nim jashit ang inn jo tho, nim sa rangma aqhal sha kot ma usam eq inn. Irimal ang ajo mungtan na tongtey nim Wa eq uchuk tey tang ma chamtan daqhan kot na!

Matthew 7:11 Referencias Cruzadas

RAPHA HIQWA LAK 6:5

Riita Tatiwe raq hiqraikhü na siti maiqse angu kunli ka pinthum abi siisaq chhito kiimaq tsangshiq tiima tsantsii ka wranaiqshe pinthum abi siisaq chhito.

RAPHA HIQWA LAK 8:21

Kra honglu ataakuq wa na chaqtaq kra khiimtsang ka Tatiwe ma tsan tiiheali riito. Kiimaq apaiq nai apaiq akha tiingoto, “Maiqse raq jamlai wa klotlaq kra ningkhan, Ngi raq ümtiikiimin mangjong hiq ma manson mang she. Ngi raq asapha maiqse ka noseji miiphü dongdii apaiq tsantsii ka abi. Li jiimin Ngi raq atra phan sitlaq kriika ümchaü lak na tiithen baiqkang akiika ümtiikiimin tiithenbaiq mang she.

2 SAMUEL 7:19

Riishatmaq min, O, Tati Rakaü Hiqwe lei, ümchaü hali ümniiraq kriithaq niimin jonghea apashe hali shamkuq wan nongtlaü. Ümniiraq rawiichii pat achat na ilai ila thun jonglu wan miitu kiqkham raüpot thun khakuq wan laü. Tati Rakaü Hiqwe lei, ümniiraq maiq weshi ma arthun ara tiichhi kuq laü she!

YOBA 15:16

Kiimaq maiqse raq abi ngarai ka kham nyang tlaq ikha nyangtlo; tengto, maiqse ka ashut pinthum; maiqse ka thiihü ma ajakai wishe.

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

Tvtsvmc 85:12

Tatiwe raq nashiq ka rongboq mitiija nong, raüta namung ka hiqpo hiqwin ma mijanong.

Tvtsvmc 86:15

Shatmaq, O Tatiwe lei, ümniika tiihangheawe kiimaq lungwii Shiikeawe, wranaiqshe ninwan ruq, wranaiqshe lungwiihea kiimaq tsapkapkap.

Tvtsvmc 86:5

Ümniika naishiq ma ahea kiimaq naishiq mra diiketi, tiipitmaüphan lungwii ka ümjaq wa achu jaüti ma sitlo.

ISAIA 49:15

Kriikhaniishe Tatiwe raq tretlo, “Jechak nyung raq ase noshii ka milaqbaiq shea? apuk maq adong ase ka lungwii mak sha miraq? Anyung raq ase ka laqbaiq raümin, Ngi raq ümniika laqbaiq mang phan.

ISAIA 63:7

Ngi raq Tatiwe mangchan tiipitmak phan kra michongha; Ngi raq apaiq tiitsam tiikang nashiq miitu ümtinkhan wa jaq shamkuqtaq khana. Apaiq raq Israilnok ka pinthum asho awo shiiman kuqto apaiq tiihang wan tsii nai tiipit mak phan mangchan raüta kuqto.

JEREMIA 17:9

“Maiqse tsantsii ka juro mikhon lot? Atinkhan laopha pinthum ka ahü; Arka ahealot chang riimak tsihea.

JEREMIA 33:14

Tatiwe raq nguto, “Akhing misaü wan; kra saü wan raüla, Ngi raq Israilnok mungti ma nai Juda mungti ma ikiq khamkuq kang kra mitiiku wanha.

Hosea 14:2

Tatiwe phana jangtlo ronglaq. Akha achu jaü ronglaq, “Naishiq ngarai diikuqlaq. Naishiq achujaü tre laq. Ümniima kiqkhamkuqkai, kra phanphan mishomnoq kai.

Mikha 7:18

O Tatuiwe lei, ümnaq akha, ümsengi ngarai diike wanti ahü. Ümniiraq ümsenginok rejaq song, ngarai diikuq laü. Ümniika pattup khiqruq ka khiq maü, shatmaq ümniiraq naishiq ma, thummak phan mangchan tsü tiichhi kuq tlaü.

MALAKI 1:6

Tati Ningkun Ajong Pinthumwe raq ramwebi ma chongtlo, “Ase raq awe shrengtlo. Kiimaq ajaqshi se ka atijongwe ma haitlo. Riita ngi ka namwe jong. Namshiq raq ngi ka jamto shreng man? Ngi ka namtijongwe. Namshiq raq ngi ka jam nguto shreng man? Namshiq raq ngi ka shummii tlan. Kra riilan tiishea, ‘Naishiq raq ümniika jamkho shummii kai?’ nguta wai tlan.

Matthew 23:9

Kiimaq namshiq raq mangjong maiqse ka ‘I We loi’ nguta naq hea wan rongkiq. Namshiq ma ‘Awe’ ka ramungtan na sitlaq kli Awe.

Matthew 7:10

lo ase ra ngiq jaü raü jaq, paü se ka mikuq sha?

John 3:16

Ara jamkhano chongtiikang ngukla, Shiikeawe raq mangjong maiqse ka pinthum lungwiitlo. Raüta, Ase Sekhuq laqlaqse kra kuqto. Krai mren, jurwa Ase ma kamtlaq, kriiti ka tsai mak she miraq. Kiimaq pattup pat-sa rilung milap.

Romans 3:19

Riita, ümchaü nashiq raq asap i, Thungtri sitlaq kriika, juwa Thungtri wokhong na misi rong i nguta sitlaq, kriiti miitu sitlo. Ara Thungtri sitlaq arka, maiqse angu raq jamkiq khii chang ahü she mirlaq nguta sitlo. Thungtri sitlaq kriika, mangjong maiqse hiq maq hutse Shiikeawe rung na tiichap miitu sitlo.

Romans 3:9

Riita, ikhiijiika, nashiq Jehudinok ka Pongnok phan maiqse thaq na, holi kechu maiqse ngutiisha sitiikai? Riimak, kriika riimak! Ngi raq namshiq ma chongkuq kang she ihata. Jehudinok nai Pongnok phan maiqse, noknai ri ka khoshi na dea wanti siisaq li sitlo. Noknai ri arka ngarai kharü mong na, dikong siili sitlo.

Romans 8:32

Shiikeawe apaiq riili, Ase shaq santla, tiihang mak maq, nashiq tarü miitu honglu na kuqtaq! Apaiq raq nashiq ma, Ase santla kuqtaq, ikhiijiika, apaiq raq nashiq ma laihin ümchuwa raa wan tlaq, kriitiq sha phe maq kuq mak miraq?

Galatians 3:22

Shatmiitiq, Asii bomtsi na, mangjong maiqse tlotli ka, ngarai kharü mong na siisaq sitlo nguta chong tlo. Riita, ara ningkhan, Shiikeawe raq kongphiq mikuq ha nguta kiqkham kuqtaq kriika, jurwa Jesuq Khristo ma kamtlaq, kriiti miili, tsangshiq raq kamtsantsii thü wan tlaq kriithaq na seng raütiishe kuq tlo.

James 1:17

Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

1 John 3:1

Liimanta, Awe raq nashiq ka pinthum lungwiito! Apaiq raq nashiq lungwiitaq kra pinthum jonghea kha maq, nashiq ka Shiikeawe setiim she nguta ngutlo. Kra ngutlaq arka tengto dea na, nashiq ka asetiim she dea sitiikai. Arkha miitiina, phiijawa raq nashiq sap mak. Tsangshiq raq Shiikeawe ka sap mak kha maq, nashiq min sap mak.

1 John 4:10

Riita lungwiitsii ngutiikai ka arhata: Nashiq raq Shiikeawe lungwii tiikai nguta ngo nang ka riimak, shatmaq apaiq raq nashiq lungwii tlo. Raüta, Ase ka nashiq ngarai kharü diibaiq kai miitu tiikito. Raüta nashiq ngarai kharü ka diibaiqto.