Acts 22:1 - ASII LAKDAP Bible (BSI)

¹ “I phan i maq Israilnok singmung maiqse phukhu welabi lei, ngi raq namshiq man na ngi ka shut mang nguta, i khum tiikhe bom ka chongpha shaq, namshiq raq tiitsang tai ronglaq!”

Hawa Naga Bible 2001

¹ “Phunox bix nuiyc nyuiuz waz rulx lex, nuimshiq htumc nuex ngaz yaq mauk lvmx tvralc vphaungx kuex tay wuez shuinz!” ngoz tueq.

Muklom

¹ “I aa Israel miqtang, nga ni nga thalun ma chamlang raaq bat phang shi tat inn!”

Acts 22:1 Referencias Cruzadas

Luke 12:11

“Ümtiikiiwa namshiq ka sinagok thun niilo, riimak la honyung hokhambi rung na lo, tiichap raüta, kha mipho, kra ranaiq akhing na, namshiq khum tiichhii miitu bom ka jamkhii chong chang wa nguta, tiima lanta naq chapa rongkiq.

Luke 21:14

Namshiq ka mishaq niiphü, kamto maq si rong laq. Kra akhing ranaiq saü raüjaq, maiqmii khum ka jamkhii tiichhii wan chang wa miraq, nguta naq chapa rongkiq.

Acts 13:26

Paul raq tsangshiq ma, “I phan i maq Israilnok Abraham saü asetiim, kiimaq Shiikeawe ma haisong tsantsii thü wanti Pongnok phan maiqsetiim lei: Ara chong tiikang tiichhii wan tsütsa arka, Shiikeawe raq nashiq tarü miitu tiisaü hoto!

Acts 19:33

Nokwe phong wa maiq wiijamti raq tiima ka, Alekjendar kra sham tatso niqti we ka nguta tiimato. Kra jamkhano tiima wanta ngukla, Jehudinok raq apaiq ka rung na nokwe khaki na tiichapto. Kiimaq apaiq ka chap raüta, mungmaiqse ma heashi sang rong liishaq nguta bom chongke ma nguta, ajaq ka ra na do raüta, ajaq maq japto. Kiimaq apaiq raq apaiq khum tiichhii bom kra chongla nguta danto.

Acts 23:1

Krai mren, Paul riimin Rung na ngati welabi pha nü na tiqtiq lii raüta, apaiq khum tiikhe wan bom ka akha bompha hoto, “I phan i maq Jehudinok singmung maiqse lei! Shiikeawe maklii na i rilung arka ümchaü ranaiq niitaq saüli i tsan i tsii khangriri maq siwan tiikang.”

Acts 23:6

Kiijiishe, Paul raq kra Rung ma nga wanti welabi phong niika maiq wiijam ka Sadusinok, kiimaq wiijam ka Phorisinok kra chhito. Kra chhi raütiishe, apaiq raq Rung na ngatibi welabi ma hong raüta, agi lam miishe tri ka akhiishe phoqto, “I phan i maq Israilnok lei! Ngi ka Phorisinok phung wa. Kiimaq i we kiimin Phorisinok phung wa. Riita, ngi ümchaü arjaq Rung na chap tiikang arka, maiq ka amaa wa adong mirwan nong nguta ranphan lata sitiikang kamtsantsii bomtsi kra kha na Rung welabi raq tiichaptlan!”

Acts 24:10

Kiijiishe, wanghupti we raq Paul ma akhum tiikhe wan bomchong miitu akhing kuqto. Krai mren, Paul raq akhum tiichhii bom ka akhiishe chong pha hoto, “Tuwe jong lei, ümniiraq armung arka rawii luhea she peng wan laü nguta, ngi raq asap ha. Kriikha maq ngi ka ümman na chap lata, i khum ara tiichhii wan ka chochikhiq miishe chap tiikang.

Acts 25:16

Shatmaq, ngi raq tsangshiq ma, naishiq Roman thungtri maq kha tangti we ka apaiq ma kha nyantibi rai mantut na tiinga raüta akhum tiichhii wan miitu akhing kuq raüta kha phokehü hü miika, ajaqti ma tiishaü kuqmai phan nguta bom ka chongkuq kang.

Acts 25:8

Shatmaq, Paul raq apaiq khum tiichhii bom ka akhiishe chongpha hoto, “Ngi raq Jehudinok Thungtri min jin mang. Shomjam min tiisheshi mang. Kiimaq Roman Hokham we miimin abi jam min bom mang.”

Acts 26:24

Paul raq apaiq khum tiikhe wan traho bom chongke wan kra chhi raütiishe, Phestas ka hong raütiishe, agi rai lam maq, “Paul ümnaq ara angi she riiki laü! Ümphaqchi jong riishe, ümniika angi ma tiija hoto!” nguta Paul ma bomto.

Acts 28:17

Kiijaq saü wali maq, ranaiq tsam sijai na, Paul raq kiijaq siti Jehudinok welabi ka adam na triitam hea raüta ngato. Tsangshiq ka apaiq phana riitam saüki kiitiishe, apaiq raq tsangshiq ma bom ka akha ngutiishe chongkuqto, “I phan i maq Israilnok phunainotiim lei, ngi raq nashiq nok mungmaiqse ma abi ati jamlai phan min sham wan mang. Kiimaq natitiim raq nashiq ma akuqthü thungtri thaq niimin jamlai kiqjiq wan mang. Shatmaq, tsangshiq raq ngi ka Jerusalem maq shumraü kharü maq kha raüta, Roman hokham jaqkhon mong na kuqbaiqto.

Acts 7:2

Kiijiishe, Stephen raq akhiishe trehoto, “I phu i notiim nai i nyung i wetiim lei, ngi raq chongpha tai ronglaq! Nati Abraham ka Haran hiq na milaühoshaq na Mesapotamia mung na siji na, achhai anyii Shiikeawe ka apaiq phana kito.

Romans 2:15

Tsangshiq rong arai kra riili, tsangshiq tsan mong na Thungtri raü ka waiqthüje asi dea, nguta tiichhi kuq wan tlo. Arka tengto dea nguta tsangshiq tsaiji riimin, hakhi kuq wan tlo. Kiimaq tsangshiq maiqmii tiima tsantsii raq jangshi shi ka, jig laü dea nguta ashra riiwan tlo. Kiimaq jangshishi ka tsangshiq tiima tsantsii riili, riikhaqli dea klo wan laü nguta asom riiwan tlo.

1 Corinthians 9:3

Ümtiikiiwa nanok raq ngi ka kiimwe riimak nguta shummii tlaq, ngi raq tsangshiq kiq ka ara chong kang bompo armaq khii wan tiikang.

2 Corinthians 12:19

Ara ngi bomrai tiikang arka, namshiq raq ngi ka, namshiq man na i khum tiichhii phaq bomrai tlo nguta naq tiima rongkiq jo. Riimak! Ngi raq namshiq ma, Shiikeawe man na Khristo jaqshi jaqsham ka, tengteng bomtsi kriili chongkuq tiikang. Lungwii phunainotiim, ngi raq ümchuwa jaqsham tiikang kriika, namshiq khrumke miituli sham kuq tiikang.

2 Corinthians 7:11

Namshiq tsanbitaq kriika, Shiikeawe raq thimi tlaq kiijaq hong wanto. Liimanta, kra tsanbi wantaq kra lümaq, namshiq ma ahea lamlu she saüto! Namshiq raq kra ajiq mra kra tru wan miitu, kha ka phokuq lan she. Lanta, namshiq ka shut wan dam man, sepii dea nguta, tri raü ka riikhaqli maq sham lanta, ajiq we kha ka phokuq lan. Jamlai mra wa pintaq, kra miitu namshiq tsan khiq wanto. Kiimaq kra jai niimin, mra pin nong jiiq nguta, ümchaü ka namshiq tiihai song shat miishe sitlan. Kra mra pin kha maq, namshiq raq i sham chhi ro riilan. Kiimaq namshiq raq i khum tiikhe bom chong lan. Kiimaq ajiq we ka tsa lan she. Riita ara mra pintaq, raüta kra mra tiisup jaqsham wan na, namshiq ka jam shut ahü, sepii dea nguta tiichhi kuq lan she.

Philippians 1:17

Shatmaq, maiq wiijamti raq, Khristo tsütsa chongkuq tlaq kriika, tsangshiq tiima tsantsii abi maq chongkuq tlo. Tsangshiq riika, maiqmii khushü tiijong miitu chong kuq tlo. Kiimaq, tsangshiq riika, ngi ara phaqtek na sitiikang kra thaq niimin, ngi ma apa chamchao tiisaü kuq haijaq ahea nguta, tiima raüta chongkuq tlo.

Philippians 1:7

Namshiq ka wranaiqshe, i mong jü na sitlan! Ngi raq namshiq miitu, akha tiima tiikang arka athuk atsom jaqsham. Namshiq ka ngi rai reraüshi maq, Shiikeawe raq ngi ma tiitsangdada Tsütsa Ahea chongke wan jaqsham kuqtaq ara, riisha sham dam tlan. Namshiq ka man na, ngi jam tiibanbi ahü maq, Tsütsa Ahea ara, achaq awaq maq, chongkuq lata, arang apha maq tiicham wankang, kra akhing niimin, ngi rai reraü shi maq silan. Kiimaq ümchaü, ngi phaqtek mong na sitiikang niimin, ngi rai reraüshi maq chap dam tlan.

2 Timothy 4:16

Ngi ka apha lak rung na chap kang ranaiq na, ngi rai jumin pongdam mak dea. I khum tiichhii wan ngi laqlaqse li chap kang. Tarü raq ngi ka atiishaü riibaiqto. Shiikeawe raq tsangshiq mra ka tsan na thü mak raü jaq ahea.

1 Peter 3:15

Shatmaq, namshiq tsan mong na Khristo ma anato lanta sironglaq. Lanta apaiq ka Tatiwe nguta shreng shatmaq sironglaq. Maiq raq namshiq ma, Shiikeawe miika jamlai nguto kam tlan nguta, bom waiso raüla, bomtre miitu wranaiqshe khekham maq sirong laq.