Acts 22:1 - Muklom

¹ “I aa Israel miqtang, nga ni nga thalun ma chamlang raaq bat phang shi tat inn!”

ASII LAKDAP Bible (BSI)

¹ “I phan i maq Israilnok singmung maiqse phukhu welabi lei, ngi raq namshiq man na ngi ka shut mang nguta, i khum tiikhe bom ka chongpha shaq, namshiq raq tiitsang tai ronglaq!”

Hawa Naga Bible 2001

¹ “Phunox bix nuiyc nyuiuz waz rulx lex, nuimshiq htumc nuex ngaz yaq mauk lvmx tvralc vphaungx kuex tay wuez shuinz!” ngoz tueq.

Acts 22:1 Referencias Cruzadas

Luke 12:11

Miqtang eq nim Synagogue, etho jaktáng o shingtey tang etho ajongwa tang relnáng solkat phin jo, chamal eq lun ni ta raaq batma nim aa nak tathin inn.

Luke 21:14

Chamta bat ching aa ta nim aa jakho wang hun nim tin o nak tathin inn,

Acts 13:26

Israel pho notang, Abraham phi aa lí tang, etho í jamna Shkewa ma chotey Gentile phan, iri lunwan raaq raa hiqtang ching náng tathok tapha.

Acts 19:33

Miq waan wang Jehudi phan miq ashey Alexander tha jakho na thalang chakta, etho piq ma irimal bat u ta miq waan tang ringta. Alexander aa thaji miqtang ma shu shu eq angma ujak thamot eq takhita, etho piq aa miqtang bat ma tathin ta.

Acts 23:1

Paul aa Rongh miqtang konáng achal eq siin eq batta, “I no nia pho tang nga thaney náng thula Shkewa lam na chamal tong táng shima ithung alang sey.”

Acts 23:6

Paul aa eshina langtey miqtang wang chamtey tey Saddusi etho chamtey tey Phorisi ta khita etho piq aa Rongq ching konáng ring eq batta, “I no ni pho tang, nga ashey Phorisi miq, etho Phorisi miqwasa. Utik tey sha weyjey angna ta tungmang tungkang o nga iri Rongq na lang ang.”

Acts 24:10

Governor they Paul raaq bat rangma jak tha takhi ta tho Paul aa batta, “Nga usam eq ang nang aa iri mung raa jakho wangduk phung u, etho eshirangma nga sungrang eq i raaq baja kho o batphang.

Acts 25:16

Etha otho, nga ning ma bat táng, utang eq jashit som ta tha ning aa bat ajo piq sha thalun raaq bat ma rangham kot ching, irimal ang moq ang eq utang ma tho tsamnang kot sha Rome thong na qhal moq.

Acts 25:8

Paul piq ni piq tha thalun ma batta: “Nga Jehudi thong tia rangnuk him tia Rome ajong lungwang sha miiksuk eq chamtho som mong angtáng.”

Acts 26:24

Paul aa irimal piq ni piq thalun ma bat atho Festus ring eq batta, “Paul, nang ujat sey ang u! Nang aa itan lik aa li phat eq nang ujat sey ang u!”

Acts 28:17

Saltom jio Paul aa Jehudi solwa tha raaq wan ma halta. Ning rong tathung atho, piq aa batta, “I no nia pho tang, hiqtang miqtang nia hiqtang thong tashit ma chamtho somlo mong angtáng, etha otho nga raa Jerusalem náng lo eq Rome na chuk náng sak taphang.

Acts 7:2

Stephen aa batta, “Iwa etho ino nia ipho tang tat inn! Hiqtang tey aa wa Abraham Haran náng ka eq tong wey moq jakho Mesopotamia na angta tho phun amun Shkewa piq ma takhita.

Romans 2:15

Ning aa thong raaq tang sha ning ni ning tinmong na thawit chol ta takhi aa. Etho ning thung eq tho miikkhi ukot eq aa etho ning tinthin shey baluk luk o ning sha aja ta bat aa etho baluk luk o ning sha asing ta bat aa.

1 Corinthians 9:3

Baluk o miqtang aa nga sha phung phang, nga irimal thawel bat ang.

2 Corinthians 12:19

Í sha í aa thanga náng thula nim wang thalun eq phi ta nim aa mok tathin inn. Ang moq! Í Khristo jamoq tong eq Shkewa jakho na bat i, etho bara hiqtang aa somlo i, noknu wa tang nim nong rangma hun somlo i.

2 Corinthians 7:11

Siin inn, nim tintashit sha Shkewa tinnuk wang chamlang angta: nim sha chamtan tachal taphin, nim jatmin ta takhi rangma nuk tin! Nim ukha ang tin, ucho ang tin, nim arong tinthin ang tin, nim jashit somtey tang ma tsamnang kotma kacha ang tin! Thaji jaksom na chamtho jashit ahung ta nim aa takhi tin.

Philippians 1:17

Chamtey miqtang eq Khristo tung aa raaq rangma jaqhal eq phanchan moq. Etharin ning ni ning aa ahan kap rangma phanchan aa. Nga chukna tong rangham na ngama ahan tsamnang kot rangma ning aa tathin aa.

Philippians 1:7

Nim thaji rangma nga irimal tathin raa khakla, chammatakoi nim thaji i tin na! Nga thanga chukna tong ang jo tho, etha ang moq ang ajo tho nga asing tungtang qhal phanchan ang jo tho Shkewa nga ma kot taphang ráng manchan sho nim tho rok rum phin.

2 Timothy 4:16

Phang tho nga khaphung na lang táng tho utang tho ijamna ahung angta, thaji eq nga shingchak taphang. Shkewa ning sha tol cham eq chak aa.

1 Peter 3:15

Etharin Khristo sha nim tin na Teyhungwa ta tathin eq rangka inn. Chamtey eq nim tungmang tung aa raaq pit ma ang ajo piq ma thawel batma salwet kacha eq tong inn.