Matthew 23:8 - ASII LAKDAP Bible (BSI)

⁸ Shatmaq namshiq ka tarü siphu sino siisaq siwan tlan. Kiimaq namshiq tarü ma, ‘Shrinketi we’ ka weshi li sitlo. Kriikha maq namshiq ka maiq ma, ‘Shrinketi we’ nguta naq tiimang rongkiq.

Hawa Naga Bible 2001

⁸ Nuimshiq muex ‘Tvluingc waz lay’ ngoz tueq gvlc kuex nauk raungc kaz, yvmx khoc lac ngoz ruiux lec nuimshiq muex tvluingc waz kuex vshiz dvyx httax yaq rvtueq, nuimshiq lotlaz kuex phuz vnox jvnc rvtuit.

Muklom

⁸ Etharin nim sha utang eq tho, ‘Tatalteywa’ ta hal ma nak ko inn, chammatakoi nim rangma Tatalteywa ashey dang etho nim thaji sapho sano.

Matthew 23:8 Referencias Cruzadas

Matthew 10:25

Kriikha maq chong mang ka ashrinti we pumkhü kra sam raüta siwan miitu chochi khiq maq si chang li. Kiimaq dise riika atijong we pumkhü kra sam raüta sichang. Jamtati we nang santla Tha Mungtu we nguta slailii tlaq jiika, apaiq jamti thun thaq niika kra thaq niimin tiinanpot naolaq mang abi miishe mimang wan!”

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Matthew 23:10

Kiimahali namshiq ka Tijongwe nguta naq tiingo rongkiq. Jamkhano ngukla namshiq ma Tijongwe ka ashi li, Messia sitlaq kriili namshiq ma Tijongwe.

Matthew 23:7

Kiimaq tsangshiq raq kejat thung miimin, maiq raq ‘Shrinketi we,’ nguta shreng raüta tsangshiq rai riibom dam kriili lungwii tlo.

Matthew 26:25

Kiijiishe matwe Judas Iskariot raq, “Shrinketi we ümniiraq ara ngi nang ngo ka riimak ahiq na?” nguta Jesuq ma waito. Kiijiishe, “Ümniiraq ümnü maq ngu tlaü,” nguta Jesuq raq apaiq bom ka treto.

Matthew 26:49

Krai mren, Judas ka lealea Jesuq phana wato. Raüta, “Shrinketi we le, khu asang maq silaq,” nguta bomto. Kiimaq Jesuq theaphi na shupto.

Mark 10:51

Kiijiishe “Ümniiraq jamlai phan jaüro wa?” nguta Jesuq raq apaiq ma waito. “O Shrinketi we le, i mak ara tiipiiq kuqlaq. Ngi raq achhi nong rotiikang,” nguta makchuk we raq treto.

Mark 11:21

Petar raq phupmup chong ka jaro tsaikita, kra sapshat kha maq, Jesuq ma chongto, “Liilaq, Shrinketi we, ümniiraq sonlaü phupmup chong ka tsaikito she!”

Mark 14:45

Krai mren she, Judas ka saüwa saq raütli, Jesuq tho na chapsaq riito. Raüta, “Shrinketi we le!” nguta bom wanto. Raütiishe, apaiq raq Jesuq theaphi na anü maq shupsaq shupto.

Mark 9:5

Kiijiishe, Petar raq Jesuq ma, “Shrinketi we, nashiq arjaq chakai arka, pinthum kiim jonghea! Naitsam raq tiipsetiim atsam mihaikai. Ümniirii ashi, Mosheq rii ashi, kiimaq Elija rii ashi,” nguta bomto.

Luke 22:32

Shatmaq, ümkam tsantsii kra chhan mak chang miitu, ngi raq ümniimiitu achu jaü kang she. Kiimaq, ümtiikiiwa ümniika, ngi phana hali mijang wan nong haü, kiitiikaq ümniiraq ümphu ümnobi thun tsaiji kra mido kuq haü.”

John 1:38

Jesuq raq ajai nü na liito. Raüta tsangnai ka apaiq jai na awarai chhito. Kra chhi raüta Jesuq raq, “Nam nai raq jamlai wa rit tlan?” nguta tsangshiq ma waito. Tsangnai raq, “Rabbi, ümniika ümbano sitlaü?” nguta apaiq ma waito. (Ara liichum ka Shrinketi we nguta ngo riito.)

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

John 11:8

“Shrinketi we, ümnap ümji ajetiq li kiiwa nanok raq ümniika long maq thong raüta, tsea baiq chang nguta dantaq ihata. Riita, ümchaü ka kiijaq jaram jangkai nong wa tiima tlaü?” nguta ajaqshisetiim raq apaiq ma waito.

John 20:16

Kiijiishe, Jesuq raq amang chong raüta, “Meriq,” nguta bomdamto. Kiijiishe, Meriq raq apaiq phanü na nyisaq raüta, Hibrunok bom maq, “Rabbuni,” nguta apaiq bom ka treto. (Ara liichum ka shrinketi we nguta ngo.)

John 3:2

Rawashi apaiq ka Jesuq phana kito. Raüta, apaiq ma bom ka akha waito, “Shrinketi we, naishiq raq ümniika Shiikeawe raq atiiki shra we nguta asap hai. Ümniiraq awang chang jaqsham tlaü arka, Shiikeawe raq pongdam mak ngu raü ka, juwe riimin klo lot mak.”

John 3:26

Kriikha maq, tsangshiq ka Johan phana waraüta, apaiq ma chongto, “Shrinketi we, ümtsan na tiitsangshat li riimak sha, Jordan raire shedong nü maq, ümniirai riihumtiiwe ira? Apaiq bom ka naishiq ma chong kuq laü we irchong? Lii maüta, apaiq raq nanok ma kham lamkuqtlo. Kiimaq nokmaiqse wiitarü ka apaiq jai phan wanti siisaq she, apaiq jai na warai wanto!”

John 4:31

Kiimaq ana ajaqshisetiim raq apaiq nangnga, “Shrinketi we, dung ka phanshi ra siili jiimin phaqsiq liina!” nguta tiipaiqnea rai lam maq chongto.

John 6:25

Kiimaq nokmaiqse kong Jesuq ritwan wataq kra raq, Jesuq ka thamchumkii hiq ba ahin niishe hum raüta, apaiq ma, “Shrinketi we! Ümniika ana ümtiiko saüwa laü?” nguta apaiq ma waito.

John 9:2

Kra chhi raütiishe ajaqshisetiim raq apaiq ma, “Shrinketi we, ju ngarai riiwa, arwe makchuk dongtaq arnya? Apaiq ngarai riisha, sha anyungwe ngarai raq wiinya?” nguta waito.

2 Corinthians 1:24

Naishiq raq namshiq ma “arma kam wan raa”, “armiika kam wan raa mak,” nguta shiichutchat wan mai. Namshiq ka maiqmii kamasham na, pharangrang she sitlan nguta naishiq riimin asap hai. Naishiq raq namshiq ka jamsha mai. Kra rii na, naishiq riika namshiq rai reraüshi maq, namshiq ma chochi rilung lamlu tiijong lu wan miituli jaqsham kuq tiikai.

2 Corinthians 4:5

Naishiq raq maiqmii mang ka tiichong mai. Naishiq raq Jesuq Khristo ka Tatiwe, kiimaq naishiq ka Jesuq mang na, namshiq jaqshisetiim nguta sitiikai.

Ephesians 3:15

Ramungtan na maiq ata ata maq awe raü sitlaq, kiimaq mangjong hiq na maiq ata ata maq aweraü sitlaq thun kra dong chang chong ka, Shiikeawe apaiq sitlaq kli.

Philemon 1:16

Apaiq ka ümchaü sanha, ümniima dise lam lamli ka riimak she. Apaiq ka Khristo na ümno shaq she jawanto. Kiimaq apaiq ka ngi ma maiqshaq pinthum ashi! Kiimaq ümniimiishe tiq ka jawa michong i! Ümniimiika awongsii dise ashi she. Kiimaq Tati mang na, ümno shaq she jawanto!

James 3:1

Lungwii Phungmaiqse phunainotiim lei. Ngi raq namshiq ma tsii chongkero ka ara. Namshiq phong wa maiq pahea raq, ashrinketi shrabi ma jawan hai jiilei ngutiika, manhii rat man ngu raü jiika ahea miraq. Ara jamkhano chongtiikang ngukla, namshiq tarü raq asaphan. Shiikeawe raq nashiq ashrinketi shrabi kha ka, nanok Phungmaiqse ahinti kha thaq na, tri atsin linlin maq mipho.

1 Peter 5:3

Nam wokhong na siti phungtuti ka aming khuthaq miika naq shiipuq rongkiq. Shatmaq namshiq maiqmii rilung jaqsham wan tlan kiimaq tiichhi kuq lanta rüm rong laq.

Revelation 1:9

Ngi ka Johan, namshiq kongti phunowe. Ngi ka Jesuq wokhong na siti kha maq, namshiq ma jamkho tiichamchao tlaq, kiikha ngi miimin tiichamchao tlo. Nashiq tarü ka, Khristo mungtan la she sitiikai. Krai mren, nashiq tarü raq, chamchao litkot saü wan tlaq arka, tsan tiibum laita nin wan ruq maq sichang li she. Ngi raq maiqse ma, Shiikeawe bomtsi kra chiiriim lata chongke wan kha na nai Jesuq hakhi kewan kha na, tsangshiq raq ngi ka, ara khamjong mong hiq Patmos mung na, phaqtek na shaqto.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.

Revelation 22:9

Shatmaq, apaiq raq ngi ma chongto, “Ngi ka naq noqkiq. Ngi ka ümniinai, ümphu ümno shammibi kongti. Kiimaq ümchu riiwa ara lakdap na awaiq thü bomtsi ara lang tlaq, kriiti thun kongti. Shiikeawe kli shomnoq laq!”