Matthew 23:8 - Muklom

⁸ Etharin nim sha utang eq tho, ‘Tatalteywa’ ta hal ma nak ko inn, chammatakoi nim rangma Tatalteywa ashey dang etho nim thaji sapho sano.

ASII LAKDAP Bible (BSI)

⁸ Shatmaq namshiq ka tarü siphu sino siisaq siwan tlan. Kiimaq namshiq tarü ma, ‘Shrinketi we’ ka weshi li sitlo. Kriikha maq namshiq ka maiq ma, ‘Shrinketi we’ nguta naq tiimang rongkiq.

Hawa Naga Bible 2001

⁸ Nuimshiq muex ‘Tvluingc waz lay’ ngoz tueq gvlc kuex nauk raungc kaz, yvmx khoc lac ngoz ruiux lec nuimshiq muex tvluingc waz kuex vshiz dvyx httax yaq rvtueq, nuimshiq lotlaz kuex phuz vnox jvnc rvtuit.

Matthew 23:8 Referencias Cruzadas

Matthew 10:25

Likphattey sha tataltey mal ang ajo lali, etho qha sha tangteywa mal ang ajo lali. Him tangtey sha Beelzebul ta hal ajo, him adak miq tangma ahan jashit miing o halna!”

Matthew 17:5

Piq irimal raaq chey atho ashey alip phun ka eq ning tha homta etho ethi phun thiwang ashey raaq batta, “Ira i Miqwasa, bara nga tinma ang etho nga piq ma rapney sungrang ang! Piq raaq tat inn.”

Matthew 23:10

Etho utang ma tho ‘Solwa’ ta nak hal inn, chammatakoi nim ma Solwa ashey dang, piq Khristo.

Matthew 23:7

Ning aa sangtang ching miqtang phong o rangka kap ma nuk aa etho miqtang eq ‘Tatalteywa’ ta hal ma tho unuk ang aa.

Matthew 26:25

Piq thalot tey wa Judas aa batta, “Tatalteywa, eshi nga i?” Jesu aa piq ma batta, “Nang aa battu.”

Matthew 26:49

Judas kalo Jesu relnáng ka eq batta, “Tatalteywa, nungmay cham ang aa.” Etho piq aa Jesu tha chep ta.

Mark 10:51

Jesu aa piq ma pitta, “Nang ma iching wang chamlang ràa aa?” Ethi miq they batta, “Tatalteywa, nga wey khi eq ma nuk ang.”

Mark 11:21

Chamal angta tha Peter aa tasikta etho piq aa Jesu ma batta, “Tatalteywa, siin u, nang aa manthun kotu ethi phokbang bang tha utik sey angta!”

Mark 14:45

Kalo hun Judas ethináng Jesu relnáng thu eq batta, “Tataltey wa!” Etho piq tha tsip ta.

Mark 9:5

Peter aa Jesu ma batta, “Tataltey wa, í iri na tong iri aqhal i! Í aa irina atom bulang taap hun kophi, ashey ba rangma, ashey Moses rangma etho ashey Elijah rangma.”

Luke 22:32

Etharin Simon, ba aa kam ri nak cham kum aa ta nga barang ma romtam chu kotphang. Etho nang baluk o kaley eq kaphanu, ethi tok o nang aa ba pho no tang ma tho taching cham kot u.”

John 1:38

Jesu ngik eq ningni tha piq jio kapha tha khi eq ning ni ma batta, “Nim ni aa chamlang bi shin?” Ning ni aa thawel batta, “Rabbi, nang barina tong u.” (Rabbi ta tatalteywa).

John 1:49

Nathanael aa piq ma thawel batta, “Tatalteywa, nang raa Shkewa Miqwasa; nang Israel tang Lungwang!”

John 11:8

Ujiphantey tang aa piq ma batta, “Tatalteywa, thanga tho Jehudi tang aa nang long eq pat ma tathin aa, nang chamma katma wey tathin u?”

John 20:16

Jesu aa piq ma batta, “Mary.” Piq aa uching konáng qhit siin eq Hebrew raaq o “Rabboni” ta batta. Rabboni ta “Tatalteywa.”

John 3:2

Piq rangpal o Jesu relnáng ka eq piq ma batta, “Rabbi, í aa sam eq i, nang raa Shkewa ching wang tatalteywa ang eq kataphu, chammatakoi nang aa bari patja jaksom raa takhi u, esha Shkewa ba jamna ang moq ang ajo jin takhi mu.”

John 3:26

Ning aa John relnáng ka eq piq ma batta, “Tatalteywa, Jordan adak kona ba jamna miq angta, barima nang aa miikkhi kotu; siin u, piq aa jungthalam kot aa, etho thaji piq relnáng ka aa.”

John 4:31

Eshi jaktung tho ujiphantey tang aa piq ma batta, “Tatalteywa, chamli lang phaksat u.”

John 6:25

Ning aa shitim tha lit eq Jesu jamoq tachong atho batta, “Tatalteywa, nang irináng baluk o thuta phu?”

John 9:2

Ujiphantey tang aa piq ma pitta, “Tatalteywa, utang ngarey tungkang wang aduk wa chang ta, iri miq tungkang o tia unu ni wa tungkang o?”

2 Corinthians 1:24

Í aa nim ma chamlang batta phi ira hun han inn ta í aa nim ma bat phami; nim kam na rapney arong ta í aa usam eq i. Asing tha, nim sungrang rangma hun í nim jamoq kara eq somlo i.

2 Corinthians 4:5

Í phanchan raa í tung aa raaq ang moq; í aa thaji miq ma Jesu Khristo raa hun Teyhungwa ta phanchan i etho í aa Jesu rangma nim sanga tang ta phanchan i.

Ephesians 3:15

bari tungkang o mungtan nia mingkang o thaji himtey tang shey asing miing kap aa.

Philemon 1:16

Etharin thanga piq qha ang moq, qha wang tho aqhal. Piq ba no mal sey. Piq nga ma tinmat sa ang aa, etharin ba rangma iriwang tho ajong ba no mal etho Teyhungwa o ba tinmat miqwasa.

James 3:1

I no nia pho tang, nim wang daqhan tataltey tang nak cham ang aa, chammatakoi hiqtang tataltey tang sha ahal eq phung aa ta nim aa usam eq inn.

1 Peter 5:3

Bari miqtang raa nim ma kot ta, ning shi kachang chang aa jaktáng o nak shing inn, etharin ning aa tinkot eq nim ji cham phan aa.

Revelation 1:9

Nga John, bara nim no, etho tsamnang na etho Shkewa mungtan na etho nim jamoq Jesu o tinthaman eq jakho náng ka ang. Etho nga Shkewa raaq rangma etho Jesu rangma miikkhi tungkang o Patmos ta miing aa jung jaktung haq na ang táng.

Revelation 19:10

Nga piq sha shumnuk rangma piq jakho na bon táng, etharin piq aa ngama bat taphang, “Irimal nak som u, ba jamoq etho Jesu miikkhi kottey ba no nia na tang jamoq nga Shkewa sanga. Shkewa shi shumnuk inn!” Chammatakoi raaqtóng Tsija sha Jesu miikkhi kottey.

Revelation 22:9

Etharin piq aa ngama batta, “Irimal nak som u! Chammatakoi nga nang mal etho ba no rangsamal tang mal etho iri likdap raaq tattey tang mal ashey sanga hun. Shkewa shi hun shumnuk u!”