Mark 3:2 - ASII LAKDAP Bible (BSI) Kiijaq ngati phong wa, maiq wiijamti raq, Jesuq ka tiishut haijaq nguta lamlu liishat ritto. Krai mren, tsangshiq raq Asii Niitiitsak ranaiq na, Jesuq raq kra atsiti we kra mitiihea kuq sha, tiihea kuq mak wa riijiiq nguta, khekham maq liito. Hawa Naga Bible 2001 Kvruex yuq Yesu ngoc vyaq yauk shuimc jix ngoz tueq mvrax tvgurc roc jix miq wvyvmc httax yaq, Vguilc Raungnuiyq kvruex waz kvmac tvhvlc kuq shuex shuex tvhvlc kuq muq lac ngoz tueq lawc wuez tueq. Muklom Jesu aa jashit jaksom somlo aa ta phung ma, ban siintey miqtang daqhan eshina angta; req ning they Jesu aa jakmàng wa ri Sabbath saal o taqhal na bo ta ban siinta. |
Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”
Kiijiishe ngongwebi nai wanghuptibi raq Daniel tiideabaiq miitu, apaiq raq mung peng wan jaqsham tlaq kiijaq apaiq tiishut chang lampu she ritto. Shatmaq tsangshiq raq hummak dea. Jamkhano ngukla Daniel ka maiqkam sea chang kiimaq apaiq raq jamphan niimin shutphit mak kiimaq arot akiq klomak phan.
Kra sinagok na ajaq jaqko ka ama arki we maiq weshi min asi riito. Kiijaq ngati maiq wiijamti raq Jesuq ka ashut phan jaqsham kuqto nguta tiishut hai jiilei nguta tiima wanti maiq asi riito, Krai mren, tsangshiq raq, “Riita Asii Niitiitsak ranaiq na atsi asiti tiiheake jaqsham ka nashiq Thungtri na asi sha?” nguta Jesuq ma waito.
Jangshi hali Asii Niitiitsak ranaiq na, Jesuq ka Phorisi we maiqla weshi jam na dungsea wa wawanto. Kiijaq jamtati bi nai akongtibi raq, Jesuq raq jamlai phan jaq wa sham jiiq nguta kai shri ra liishat riito.
Kriikha miishe, tsangshiq raq apaiq tiishut miitu akhing ahea liishat miili she kheto. Krai mren, tsangshiq raq maiq ma tsiiqlap kuq raüta, asi asinti maiq ka Jesuq phana tiikito. Kra siwe jatibi ka maiqshaq ikha tiiman raüta, Jesuq phana bom waikai tiikito. Kriika tsangshiq bom thiikho tsan tlaq kiijaq, Jesuq ka tiithap ma nguta tiikito. Raüta, Jesuq ka Jehudinok welabi raq Roman Wanghupti we jaq na lapke ma nguta hangto. Raüta khahü na, tiitsea baiq miitu hangto.
Kiijaq, Thungtri shrinketi maiq wiijamti kiimaq Phorisinok phong wa wiijamti min asi riito. Tsangshiq raq, Jesuq ka tiishut haijaq nguta, lampu rit khekham maq kheto. Kriikha maq, tsangshiq ka Jesuq raq Asii Niitiitsak ranaiq na atsi asiti ka mitiihea kuq sha tiihea kuq mak wa riijiiq nguta khekham maq liito.
Tsangshiq raq ara bomtsi Jesuq ma waitaq arka, tsangshiq raq Jesuq ka tsangshiq thiikho na tiithap raüta tiishut haijaq nguta tiima raüta waito. Shatmaq, apaiq ka atok hiq nü na kushat lam maq, ajaqshi maq hiq na phanshi ra waiqto.
Kra tairaütiishe, Phorisinok phong wa maiq wiijamti raq, “Arwe mak tiihea keti we arka Shiikeawe pha wa aki ka riimak. Ara jamkhano chongtiikai ngukla, apaiq raq Asii Niitiitsak ranaiq tri ka lang mak,” nguta bom ka chechiipto. Shatmaq, tsangshiq phong wa maiq wiijamti riika, “Shatmaq, notsam, ngarai maiqse riika akha awang chang jaqsham arka misham lot sha?” nguta khiito. Krai mren, tsangshiq liipan niimin kongnai miishe riido riijin she riiphea kito.