Matthew 12:10 - ASII LAKDAP Bible (BSI)

¹⁰ Kra sinagok na ajaq jaqko ka ama arki we maiq weshi min asi riito. Kiijaq ngati maiq wiijamti raq Jesuq ka ashut phan jaqsham kuqto nguta tiishut hai jiilei nguta tiima wanti maiq asi riito, Krai mren, tsangshiq raq, “Riita Asii Niitiitsak ranaiq na atsi asiti tiiheake jaqsham ka nashiq Thungtri na asi sha?” nguta Jesuq ma waito.

Hawa Naga Bible 2001

¹⁰ kvruex vjux thoz juing baung kvyuq yauk kox vmaungx miq washiz httax yaq. Kvruex yuq miq vganc muinz vhttax rvtueq, tsuinghez rueq Yesu muex mvrax tvgurc roc ningkhvnc nuex, “Vguilc Raungnuiyq tvhvlc mvy yaq haz?” ngoz tueq vpiq muex wiz tueq.

Muklom

¹⁰ Etho ashey jak kung miqwa eshina angta. Chamtey tey tang eq Jesu ma aja ta raaq ma pitta, “Sabbath saal o, taqhal sha hiqtang thong na khakla i?”

Matthew 12:10 Referencias Cruzadas

ISAIA 32:6

Maiqjiqwe riika ajiq aphiqli mibom. Kiimaq ajiq jaqsham kli tiimatlo. Raüta ajiq kiimung kra süriitlo. Apaiq raq jamlai jaq wa shamtlaq kiimaq anü maq jamlai wa bomtlaq kriika Tatiwe shummii bom siisaqli bomtlo. Kiimaq apaiq raq ümtiikiimin amang aleiti ka dunghiq mak phan. Kiimaq khamnyang wiikiitsi chamchaotlaq kriima min khan kok tsiim kuq mak phan.

ISAIA 59:13

Naishiq ka ümwokhong wa donghokai. Ümkiq khiikai. Ümniika tiishaübaiqkai. Ümjai phan mai riikai. Naishiq raq nanok ka ji maq nishishi haihü wankai. Laita ümwokhong wa ahin na juhokai. Naishiq tiima tsantsii ka arot. Naishiq bomtsi chongtiikai kiimin arot.

ISAIA 59:4

Namshiq ka rung na riishoktlan, shatmaq namshiq kha ka phowe raq namshiq tlop na riikhaqli tri maq phokuq mak. Jamkhano ngukla namshiq raq arot saqse kuq lantea kha ka mitang hai nguta tiimatlan. Namshiq raq ahang han jaqsham kra klo lantea nanok ka tiichamchaotlan.

JEKERIA 11:17

Bangbang sku rümtiwe raq mra milap! Apaiq raq askukong wiita tiishaü baiqto! Redong raüjaq apaiq ningkun mithen. Ajaq phum ka ashin mirki. Amak maktsi nü ka amiishe mirki.”

Matthew 12:2

Shatmaq, Phorisinok raq kra chhi raüta, “Nashiq Thungtri na Asii Niitiitsak ranaiq na tsam nyam ka notphaq mai, apii nguta chongtlo. Shatmaq, ümjaqshisetiim raq ara jamlai wa riihota kra liilaq!” nguta Jesuq ma bom ka nyanto.

Matthew 19:3

Phorisinok wiijamti ka Jesuq phana waraüta, apaiq ka tsangshiq thiikho na tiithap haijaq nguta tiima raüta, apaiq ma bom ka akha waito, “Riita nashiq Thungtri na awese raq ata-nyung ka asiq areng kha jam min ahüli jiimin amiim baiq milot nguta aming ka asi sha?”

Mark 3:2

Kiijaq ngati phong wa, maiq wiijamti raq, Jesuq ka tiishut haijaq nguta lamlu liishat ritto. Krai mren, tsangshiq raq Asii Niitiitsak ranaiq na, Jesuq raq kra atsiti we kra mitiihea kuq sha, tiihea kuq mak wa riijiiq nguta, khekham maq liito.

Luke 11:54

Tsangshiq raq apaiq ka, tsangshiq thiikho na tiithap haijaq, kiimaq phanshi ra na kiq tiishut hai jaq nguta khettot siqto.

Luke 13:14

Shatmaq, kra chhi raüta sinagok wa maiqla we ka, Jesuq raq Asii Niitiitsak ranaiq atsi asi tiihea kuqtlo nguta akhiq riito. Kra ningkhan, apaiq raq nokwe ka akha sonto, “Namshiq ma jaqsham miitu ka liipan shi na rahiq ka ratrok asi. Namshiq raq jaqsham chang ka, ara ratrok liipan na walanta, atsi asi ka tiihea walili rong laq. Shatmaq, Asii Niitiitsak ranaiq niika, atsi asi tiihea ka ra mak!”

Luke 20:22

Riita, ümchaü ümniiraq naishiq ma bom poshi chong liita, nashiq raq Roman Hokhamwe ma phuntake kriika, nashiq Thung- tri na hong tlaq sha hong mak wa?”

Luke 23:14

Raütiishe, apaiq raq tsangshiq ma akhiishe chongto, “Namshiq raq arwe ara ngi phana shea wan lan. Kiimaq apaiq raq nokwe tiishon tlo nguta kha nyan tlan. Ümchaü ngi raq, apaiq kha ka namshiq man na pho kang she. Shatmaq, namshiq raq apaiq dü na kha ümchuwa nyan tlan, kriika, ngi raq chhi mang, ahü. Apaiq ka maiqsang, shutmak.

Luke 23:2

Raüta, tsangshiq raq apaiq ma kha ka akha nyanto, “Arwe ariiraq, naishiq nok mungmaiqse thun kriika, mungshuk lam phan na sheaho wa, naishiq raq apaiq ara lap wan kai. Apaiq raq Roman Hokham we ma phunta kewan ra mak nguta mungmaiqse ka tiishontlo chhi tiikai. Kiimaq, apaiq ka naishiq Jehudinok mung thaq na Khristo nguta tiichongtlo. Kriika hokham we nguta tiingo riito.”

John 5:10

Kra ningkhan, “Ümchaü ranaiq ka Asii Niitiitsak ranaiq. Ümniiraq ümdamsii kom pi wan ka raa mak. Arka nashiq Thungtri na apii,” nguta Jehudinok welabi raq atsi wa aheaki we kra, sonto.

John 5:3

Kra lam thun kriijaq maiq atsi asiti thun ka pahea, riiphong riirong bum raqraq. Makchuk jaqmii, akü ashii, kiimaq ahan amaa arkiti thun ka kiijaq asi riito.

John 7:23

Riita, ija, namshiq raq Asii Niitiitsak ranaiq na no ma athohanke ka, Mosheq Thungtri jin ka riimak nguta tiima tlan jiika, ngi raq Asii Niitiitsak ranaiq na, maiq weshi, athatsi chamchao litkot mong wa, tiidoqra tiihea kuq pha ta, namshiq raq ngi ma jam nguto khiqriq rai tlan?

John 8:6

Tsangshiq raq ara bomtsi Jesuq ma waitaq arka, tsangshiq raq Jesuq ka tsangshiq thiikho na tiithap raüta tiishut haijaq nguta tiima raüta waito. Shatmaq, apaiq ka atok hiq nü na kushat lam maq, ajaqshi maq hiq na phanshi ra waiqto.

John 9:16

Kra tairaütiishe, Phorisinok phong wa maiq wiijamti raq, “Arwe mak tiihea keti we arka Shiikeawe pha wa aki ka riimak. Ara jamkhano chongtiikai ngukla, apaiq raq Asii Niitiitsak ranaiq tri ka lang mak,” nguta bom ka chechiipto. Shatmaq, tsangshiq phong wa maiq wiijamti riika, “Shatmaq, notsam, ngarai maiqse riika akha awang chang jaqsham arka misham lot sha?” nguta khiito. Krai mren, tsangshiq liipan niimin kongnai miishe riido riijin she riiphea kito.