Matthew 12:10 - Hawa Naga Bible 2001

¹⁰ kvruex vjux thoz juing baung kvyuq yauk kox vmaungx miq washiz httax yaq. Kvruex yuq miq vganc muinz vhttax rvtueq, tsuinghez rueq Yesu muex mvrax tvgurc roc ningkhvnc nuex, “Vguilc Raungnuiyq tvhvlc mvy yaq haz?” ngoz tueq vpiq muex wiz tueq.

ASII LAKDAP Bible (BSI)

¹⁰ Kra sinagok na ajaq jaqko ka ama arki we maiq weshi min asi riito. Kiijaq ngati maiq wiijamti raq Jesuq ka ashut phan jaqsham kuqto nguta tiishut hai jiilei nguta tiima wanti maiq asi riito, Krai mren, tsangshiq raq, “Riita Asii Niitiitsak ranaiq na atsi asiti tiiheake jaqsham ka nashiq Thungtri na asi sha?” nguta Jesuq ma waito.

Muklom

¹⁰ Etho ashey jak kung miqwa eshina angta. Chamtey tey tang eq Jesu ma aja ta raaq ma pitta, “Sabbath saal o, taqhal sha hiqtang thong na khakla i?”

Matthew 12:10 Referencias Cruzadas

ISAIA 32:6

Miqyaq waz kuex miqyaq maq kvjak vtueq layx vbac shuimc tvkoc dvnc yaq. Piq rueq shuimx yaq nuiyc piq rueq jungx yaq bomc kuex Yehowa yomnamc muex yaungx yaq, piq rueq rvmc svy jix muex mkaq muinz kuq saq muq, rvmuq ngoz ruiux khvmx svy jix miq muex kuq nuingx muq.

ISAIA 59:13

Nuiyshiq rueq mnoz kuex khawx lvlx vtueq, mnoz tvdux gay ruiux, m-yix nuex phvnc tvkoc tvlvlc vshix. Nuiyshiq rueq vganc jix kuex guirguenz ruiux mnoz muex khawx lvlx vphix. Nuiyshiq kvmungx htenc kuex vyaq; nuiyshiq kvjaz htenc muinz vrot vkaq dvyx rvtueq.

ISAIA 59:4

Nuimshiq kuex tvrac rungx nuex kaz ruiux muinz, nuimshiq kox nuex tvrac vrungx vraz lvmz vguez. Miqmac rueq taungx laz juing rot kaq kvjaz htenc nuex rvwak vtuinx. Mnoz rueq miq vganc jix waz kuex tvthuiuz sac tvkoc mnoz rueq kvmungx vshuiux.

JEKERIA 11:17

Khuec guez khelbuenx remc jix waz kuex vphoc rvhumc yaq! Piq rueq piq khelbuenx kung kuex tuip gay shec tueq. Ralx lungc rueq piq luimc vkawc kuex dup suik tvbac gay shuex. Piq yauk phumz kuex shanx wvnc vtueq, piq muik keq kox kuex juk wvnc tuex,” ngoz tueq jungx phuex.

Matthew 12:2

Pharise nuk rueq kvruex khiz vtueq, tsuinghez rueq Yesu muex, “Lawc shuiuz, msangac hez rueq Vguilc Raungnuiyq shuimc mvy muq phvnx shuimx wuez yaq!” ngoz tueq jungx tueq.

Matthew 19:3

Pharise nuk wvyvmc kuex vpiq kox nuex kaz ruiux vpiq kuex mvrax lvp tvkoc tsvnc vtueq, “Miq washiz shiz rueq vlvmx phvnx shiz shiz httaz ningkhvnc nuex miqmac taungnyuiuz mamc mvy yaq haz?” ngoz tueq wiz tueq.

Mark 3:2

Kvruex yuq Yesu ngoc vyaq yauk shuimc jix ngoz tueq mvrax tvgurc roc jix miq wvyvmc httax yaq, Vguilc Raungnuiyq kvruex waz kvmac tvhvlc kuq shuex shuex tvhvlc kuq muq lac ngoz tueq lawc wuez tueq.

Luke 11:54

Vnuix maq vdung kvjaz kvmaq mvrax tvgurc lvp laz juing ngoz tueq phvnx ruip saz wisoz wvnc tueq.

Luke 13:14

Kvkhoc Yesu rueq Vguilc Raungnuiyq tvhvlc kuy ningkhvnc nuex vjux thoz yuimx lawc jix waz kuex khaq vtueq, miq htenc muex ngoc, “Naungshiq rueq yauk shuimc mvy yaq raungx tvruk httax yaq; kvruex raungnuiyq htenc nuex kaz vtueq tvhvlc wuez shuinz, Vguilc Raungnuiyq kuex nauk kaz vkueq!” ngoz tueq jungx tueq.

Luke 20:22

Nuiyshiq rueq Roma Honoc muex hihic kuy juing shuex, hic kuq miq juing lac? Htawc ruiux kuex nuiyshiq Tvrac muex vyaq lac? jungx kuq koq,” ngoz tueq wiz tueq.

Luke 23:14

tsuingshiq muex jungx tueq, “Miq vruex waz kuex mungx miqsaz htenc muex lvmx shvlc tvyaq jix waz ngoz tueq ngvy kox nuex shvlx laq ruinx. Majuiuc ngaz rueq vruex waz kuex nuimshiq htumc nuex tvsuing wiz koq tueq, nuimshiq rueq vpiq muex tvgurc vshuinx mvrax kuex ngaz rueq khiz mauk!

Luke 23:2

Tsuingshiq rueq, “Vruex waz kuex mungx miqsaz muex lvmx tvmawc kuy tvkoc Kesar honoc muex muinghic kuy lvmx rac muq ngoz tueq tuingshaung muinz, vpiq pumz ngoc Mesia hokhvmx rvtauk ngoz tueq kv-ngoc yaq kvjaz kuex nuiyshiq rueq khiz tay lvp tiq,” ngoz tueq mvrax tvgurc tueq.

John 5:10

Kvkhoc rvtueq vthuiuz hvlc kay jix waz kvmac Yuda miqsaz htenc rueq, “Majuiuc raungnuiyq kuex Vguilc Raungnuiyq rvtueq, mnoz kuex khoz vkhvy phawc pix vshuiux kuex naungshiq Tvrac muex yaq vtuiux,” ngoz kuq tueq.

John 5:3

Kvruex chox tap kvyuq vthuiuz vsac jix nuiyc muik mawz jix, yaz kuix jix, gvnz maungx jix miq paunghvlc httax yaq.

John 7:23

Moshe Tvrac kuex bac kaz muq tvkoc Vguilc Raungnuiyq nuimshiq rueq vhttoar gvnz kuq vshuinx rvyruiux, Vguilc Raungnuiyq ngaz rueq miq washiz muex tvhvlc kuq phaungx tueq, yvmx ngoz tueq lac ngaz muex khaq bac wuez vtuinx?

John 8:6

Tsuingshiq rueq vpiq muex mvrax tvgurc tvkoc kvkhoc taruiyx wiz tueq. Yuq muinz Yesu kuex bumx vtueq vyauk shix maq ghaq nuex wuiyq tueq.

John 9:16

Pharise nuk wvyvmc rueq, “Kvruex waz kuex Vguilc Raungnuiyq tvrac phvnx muq ningkhvnc nuex Tishox kox wawc vkaz rvmuq shvmx,” ngoz tueq. Wvyvmc rueq, “Mvrax vhttax miqsaz rueq vwangc juing romzyac kuex yvmx khoc lac tvkhic lot shvnx?” ngoz tueq. Kvkhoc tsuingshiq kuex vdvmz dvmz thuinz raz muq yaungx wvnc tueq.