John 9:16 - ASII LAKDAP Bible (BSI)

¹⁶ Kra tairaütiishe, Phorisinok phong wa maiq wiijamti raq, “Arwe mak tiihea keti we arka Shiikeawe pha wa aki ka riimak. Ara jamkhano chongtiikai ngukla, apaiq raq Asii Niitiitsak ranaiq tri ka lang mak,” nguta bom ka chechiipto. Shatmaq, tsangshiq phong wa maiq wiijamti riika, “Shatmaq, notsam, ngarai maiqse riika akha awang chang jaqsham arka misham lot sha?” nguta khiito. Krai mren, tsangshiq liipan niimin kongnai miishe riido riijin she riiphea kito.

Hawa Naga Bible 2001

¹⁶ Pharise nuk wvyvmc rueq, “Kvruex waz kuex Vguilc Raungnuiyq tvrac phvnx muq ningkhvnc nuex Tishox kox wawc vkaz rvmuq shvmx,” ngoz tueq. Wvyvmc rueq, “Mvrax vhttax miqsaz rueq vwangc juing romzyac kuex yvmx khoc lac tvkhic lot shvnx?” ngoz tueq. Kvkhoc tsuingshiq kuex vdvmz dvmz thuinz raz muq yaungx wvnc tueq.

Muklom

¹⁶ Chamtey Phorisi tang raaq ta, “Iri miq raa Shkewa kowang ang moq, chammatakoi piq aa Sabbath saal raaq tat moq.” Etharin miq dak tang they batta, “Ngarey miq eq irimal patja jaksom chamal eq jin somna i?” Eshirangma ning jaktung thina kara moq angta.

John 9:16 Referencias Cruzadas

Matthew 12:10

Kra sinagok na ajaq jaqko ka ama arki we maiq weshi min asi riito. Kiijaq ngati maiq wiijamti raq Jesuq ka ashut phan jaqsham kuqto nguta tiishut hai jiilei nguta tiima wanti maiq asi riito, Krai mren, tsangshiq raq, “Riita Asii Niitiitsak ranaiq na atsi asiti tiiheake jaqsham ka nashiq Thungtri na asi sha?” nguta Jesuq ma waito.

Matthew 12:2

Shatmaq, Phorisinok raq kra chhi raüta, “Nashiq Thungtri na Asii Niitiitsak ranaiq na tsam nyam ka notphaq mai, apii nguta chongtlo. Shatmaq, ümjaqshisetiim raq ara jamlai wa riihota kra liilaq!” nguta Jesuq ma bom ka nyanto.

Luke 13:14

Shatmaq, kra chhi raüta sinagok wa maiqla we ka, Jesuq raq Asii Niitiitsak ranaiq atsi asi tiihea kuqtlo nguta akhiq riito. Kra ningkhan, apaiq raq nokwe ka akha sonto, “Namshiq ma jaqsham miitu ka liipan shi na rahiq ka ratrok asi. Namshiq raq jaqsham chang ka, ara ratrok liipan na walanta, atsi asi ka tiihea walili rong laq. Shatmaq, Asii Niitiitsak ranaiq niika, atsi asi tiihea ka ra mak!”

John 10:19

Jesuq raq arthun traho bomtsi chongkuqtaq kra tai raüta, Jehudinok liipan na arkhii she riiho nongto.

John 14:11

Ngi ka i We rai, i We ka ngi rai adam na sitlo, nguta chongkuq tiikang bomtsi arma kamwan rong liina. Kiimaq arma kamwan man jiika, ngi raq i jaq sham ümchuwa sham tiikang arma kamwan rongliina.

John 15:24

Ngi raq tsangshiq makki na, maiq ahinti jurmin sham wanlot mak chang phan jaqsham shamkuq kang thun kriika, shamkuq wan mang dea ngu raü jiiriiwe kla, ija, tsangshiq shut chang ngarai min ahü mirwa. Shatmaq, ümchaü sanha, tsangshiq raq kra thun jaqsham ka wiita chhi wanto she. Raüta, tsangshiq raq i We nainai wiita she ngeng tlo.

John 2:11

Jesuq raq ara apha shaqshaq awang chang jaqsham arka, Gelili wang na Kana hiqshong maq shamkuqto. Kra wangchang jaqsham kuqtaq kra lümaq, apaiq khushü jong kra, maiqse angu ma tiichhi kuqto. Kiimaq kra chhi raüta, ajaqshisetiim riimin, apaiq miishe kamwanto.

John 3:2

Rawashi apaiq ka Jesuq phana kito. Raüta, apaiq ma bom ka akha waito, “Shrinketi we, naishiq raq ümniika Shiikeawe raq atiiki shra we nguta asap hai. Ümniiraq awang chang jaqsham tlaü arka, Shiikeawe raq pongdam mak ngu raü ka, juwe riimin klo lot mak.”

John 5:10

Kra ningkhan, “Ümchaü ranaiq ka Asii Niitiitsak ranaiq. Ümniiraq ümdamsii kom pi wan ka raa mak. Arka nashiq Thungtri na apii,” nguta Jehudinok welabi raq atsi wa aheaki we kra, sonto.

John 5:36

Shatmaq, ngi miitu Johan raq jamlai hakhi wa kuqtaq, kra thaq niimin ajong hakhi kewanti ka asi. Ngi raq jamlai wa sham tiikang thun arka, i We raq atiisham wan. Arthun jaqsham ara riili, ngi arka, i We raq atiiki dea nguta, ngi miitu hakhi kuq tlo.

John 6:52

Kra tai raütiishe Jehudinok ka, “Arwe riitiq, nashiq ma ahan ngam phu ka jamkha tiiphaq nang wa chongrat tla nya?” ngutiishe tsang- shiq liipan na akhiq wa trang liishe riikhii trangto.

John 7:12

Maiq muklung riinyiim rai tlaq liipan na, Jesuq miitu bom riiwaisoti maiq ka pahea riito. “Apaiq ka maiqshaq,” nguta maiq wiijam raq nguto. Kiimahali, “Riimak. Apaiq raq maiq tiishontlo,” nguta maiq wiijamti raq hali khiito.

John 7:23

Riita, ija, namshiq raq Asii Niitiitsak ranaiq na no ma athohanke ka, Mosheq Thungtri jin ka riimak nguta tiima tlan jiika, ngi raq Asii Niitiitsak ranaiq na, maiq weshi, athatsi chamchao litkot mong wa, tiidoqra tiihea kuq pha ta, namshiq raq ngi ma jam nguto khiqriq rai tlan?

John 7:43

Krai mren she, Jesuq miitu, tsangshiq mungmaiqse liipan na bom ka riikhii riilea she riido jin wanto.

John 9:24

Welabi raq thongshi ri hali, anyung pukdong makchuk wa aheaki we kra tiiheaki nongto. Raüta tsangshiq raq apaiq ma waito, “Shiikeawe man na bom ka tengteng chong laq! Naishiq raq asap hai, ümmak tiipiiq keti we ka ngarai maiq se.”

Acts 14:4

Riita, kra chhi raütiishe kra chela na siti mungmaiqse ka atiikho she riikito. Maiq wiijamti riika Jehudinok rai kiqshi maq pong damto. Kiimaq maiq wiijamti ka kiimwe nai rai kiqshi miishe pong wan damto.