Mark 3:2 - Hawa Naga Bible 2001

² Kvruex yuq Yesu ngoc vyaq yauk shuimc jix ngoz tueq mvrax tvgurc roc jix miq wvyvmc httax yaq, Vguilc Raungnuiyq kvruex waz kvmac tvhvlc kuq shuex shuex tvhvlc kuq muq lac ngoz tueq lawc wuez tueq.

ASII LAKDAP Bible (BSI)

² Kiijaq ngati phong wa, maiq wiijamti raq, Jesuq ka tiishut haijaq nguta lamlu liishat ritto. Krai mren, tsangshiq raq Asii Niitiitsak ranaiq na, Jesuq raq kra atsiti we kra mitiihea kuq sha, tiihea kuq mak wa riijiiq nguta, khekham maq liito.

Muklom

² Jesu aa jashit jaksom somlo aa ta phung ma, ban siintey miqtang daqhan eshina angta; req ning they Jesu aa jakmàng wa ri Sabbath saal o taqhal na bo ta ban siinta.

Mark 3:2 Referencias Cruzadas

Tvtsvmc 37:32

Layx bac jix rueq vhvlx jix kuex mkaq muinz khoyx vtueq piq kuex thvy gay muex hung yaq.

JEREMIA 20:10

Ngaz rueq miq htenc shuip shuyx yaq kuex tay tauk, “Baung ruip saz nuex Kvhiz juing! Kvkhoc rvtueq piq kuex vrangx vpangx vhttax jix muex tvtay ix!” ngoz tueq. Ngvy kungjix shauk rueq doc muinz ngvy rulc wvnc kuex bvmc yaq. Tsuingshiq rueq, “Piq kuex naungshiq rueq laulawc lot shix shvmx; kvkaq naungshiq rueq piq kuex lvp ruiux murx tvyez lot shix,” ngoz tueq.

DANIEL 6:4

Kvkaq vganc mungx walaungx bix nuiyc mungx shuimc jix hez rueq wvmungx tuimx guimz lawc yaq Daniel nuex vyaq mvrax phvnx shishiz humc laz juing hunglaungx wuez yaq, yuq muinz Daniel kuex vkvmx juing nuiyc thuinz vkoarx maq yvmx muinz vshuimc tvyaq muq ningkhvnc nuex mvrax humc muq.

Matthew 12:10

kvruex vjux thoz juing baung kvyuq yauk kox vmaungx miq washiz httax yaq. Kvruex yuq miq vganc muinz vhttax rvtueq, tsuinghez rueq Yesu muex mvrax tvgurc roc ningkhvnc nuex, “Vguilc Raungnuiyq tvhvlc mvy yaq haz?” ngoz tueq vpiq muex wiz tueq.

Mark 3:3

Yesu rueq kvruex waz muex ngoc, “Nuk miqsaz khaungkac nuex kvkhic jvp kaz loq,” ngoz kuq tueq.

Luke 14:1

Vguilc Raungnuiyq vshiz nuex Pharise walaungx washiz yuimx nuex dungc svy kay Yesu nyuip kaz tueq nuex, miq htenc rueq Yesu nuex kvnvp vtueq siriz lawc tueq.

Luke 20:20

Kvkhoc rvtueq tsuingshiq rueq mvnuc yaq kuex thuiyx wuez tueq. Tsuingshiq rueq Yesu vpiq kvjaz maq mvrax thuiyx vtueq, vpiq kuex luimc vkawc vrangx vpangx vhttax Roma Mungx walaungx bix yauk nuex lekuy gay tvkoc tsuingrux muex kvlauc lawc jix htoksaz miq htenc muex khauloayc yauk noalc kuq vtueq vpiq kox nuex tvkaz tueq.

Luke 6:7

Tvrac tvluingc waz hez nuiyc Pharise nuk rueq Yesu muex mvrax tvgurc tvkoc lvmx thuiyx tueq, Vguilc Raungnuiyq vthuiuz vsac jix tvhvlc kuq shuex shuex tvhvlc kuq muq lac ngoz tueq bvmc lawc tueq.

John 8:6

Tsuingshiq rueq vpiq muex mvrax tvgurc tvkoc kvkhoc taruiyx wiz tueq. Yuq muinz Yesu kuex bumx vtueq vyauk shix maq ghaq nuex wuiyq tueq.

John 9:16

Pharise nuk wvyvmc rueq, “Kvruex waz kuex Vguilc Raungnuiyq tvrac phvnx muq ningkhvnc nuex Tishox kox wawc vkaz rvmuq shvmx,” ngoz tueq. Wvyvmc rueq, “Mvrax vhttax miqsaz rueq vwangc juing romzyac kuex yvmx khoc lac tvkhic lot shvnx?” ngoz tueq. Kvkhoc tsuingshiq kuex vdvmz dvmz thuinz raz muq yaungx wvnc tueq.