Luke 12:18 - ASII LAKDAP Bible (BSI) Akhiitiq mikloha,’ nguta apaiq nai apaiq ka tiingoto. ‘Ngi raq i tsamtiip arka asiiq mirbaiqha. Lata, tsamtiip ka ajong linlin she, tiip nye ashi she mihaiha. Lata, i tü i tsam thun kiimaq i hup i sam thun arka, tiip nye niishe mithüha.’ Hawa Naga Bible 2001 Kvmaq piq rueq, ‘Ngaz rueq vkhoc tvhungx tvy juing, tsvmz tap vkez htenc vruex httak gay ruiux tap vnyalx yunghvlc tvhungx guirc tvy juing, tap nyalx kvyuq tuiz vtsvmz nuiyc hup vsvmx htenc kuex tvy juing ngoz tueq. Muklom Nga irimal sey somnáng; nga cham shingching raa thakchak eq ajong hun náng, baro nga tung aa cham nia irang adak uphan tangwang tho jin shing eq náng. |
Ngi ka mangjong rilung na jamlai wa lungwiitlaq kra laptibi jaq wa tiichhiilaq. Tsangshiq ma chamchao mo tiiho chang ümniiraq tiihong laü kriimaq tsangshiq mo ka tiiholaq; kra mo homa ka tsangsetiim miitu min honglu mirlaq kiimaq mo wiijam ka tsangsaütiim miitu mitiichonglaq!
Rum na siti peshap wushi thun ka liimanta. Tsangshiq raq minshiiq wan mak. Shatmaq nam We ramungtan na siti raq tsangshiq ka dunghiq tlo. Namshiq rilung ka wushi rilung nam ma ara.
Apaiq ka awintsi miishe, akha nguta atsan mong na tiishomrato, ‘Ümchaü kla, i tsam ara thü chang dongdii min, tsamtiip min ahü she. Jam niishe wa misaiq samhea?
Kra lot latiishe, ‘Kopan ajongwe le! Ümchaü sanha, phanrap ong laü she. Ümchaü kla, che nyang dungsea, chamtraq tiipong tiipii laütli she peo silaq!’ nguta tiishomrasiqto.
Kiimaq Jesuq raq bom ka akha shatto, “Ara chong tiikang akhiisii maiq juwa han-ngam niili rongboq win tlaq, shatmaq, Shiikeawe maklii na, miitsan sitlaq, kriiti thun ka athum mirki.”
Khala kong ka liirong laq. Tsangshiq raq minshiiq mak. Tsangshiq tsamtiip min ahü. Tsangshiq tsamtum min ahü. Tsangshiq ka Shiikeawe raq dung tlo! Namshiq rilung ka wushi rilung thaq na athii tsinhea!
Shamtaq, rahiq luhea na saüli, kra phowe raq kra nyung kha ka phokuq mak tlin phin baiqto. Shatmaq, atiisup niishe, apaiq ka akha ngutiishe tiibotto, ‘Ngi ka Shiikeawe miimin hai mang. Kiimaq maiq miimin manto mang.
Kra ngu raütiishe, Tatiwe raq bom ka akhiishe tiitho shatto, “Riita, ara phathe hea phowe ariiraq jamlai wa ngutaq, kra tairong liina. Apaiq riisin tla liikuqtaq,
Ara chongtiikai akhnok taksu tsii arka, Shiikeawe raq akuq ramungtan wiika riimak. Arka mangjong hiq wa hon atsii, ngarai han-ngam wa adong. Kiimaq thawe shinrii raq akuq ngushat.
Riita ümchaü min ngi raq namshiq ma ara tsii chongke ro. Namshiq phong na maiq wiijamti raq, “Ngi riika athi anap liipan niili mungshi ra na mikiho ha. Lata chela ashi na rawiishi tin misikiha. Lata kiijaq laopan ja, piikii miklo ha. Lata chiithe jong she mija ha,” nguta tiishomrasea ka namshiq nü na angam kaiwi she.
Namshiq riika akha ngutli riibom han chang: “Tatiwe raq thikuq raüta, atra sihai jiika, apaiq wokhong maq, nashiq raq phanshi ra miklo rong i ahiq, nguta tiima laita sitiikai.”