James 3:15 - ASII LAKDAP Bible (BSI)

¹⁵ Ara chongtiikai akhnok taksu tsii arka, Shiikeawe raq akuq ramungtan wiika riimak. Arka mangjong hiq wa hon atsii, ngarai han-ngam wa adong. Kiimaq thawe shinrii raq akuq ngushat.

Hawa Naga Bible 2001

¹⁵ Ekvkhoc phvnx taksux tharc kuex raungmungx maq vkaz rvmuq; mungkawx lvmx phvnx, tvguiy gvnngvmx nuiyc htaungc nuex seng yaq phvnx dvyx rvtueq.

Muklom

¹⁵ Irimal thunglam raa rangmuntan wang thu moq; etharin ira mingkang, hanngam etho thangwa wang.

James 3:15 Referencias Cruzadas

2 SAMUEL 13:3

Shatmaq apaiq kongtiwe ashi asi. Apaiq ka pinthum khonglaq. Apaiq mang ka Jonadab. Apaiq ka Dawit no Shamma se.

2 SAMUEL 15:31

Kiimaq Ahithophel riimin mungnyea dam Absalom rai she pong wan damto nguta Dawit ma tsütsa ka chongto. Riikiita apaiq raq akha achu jaüto, “Mangchan laüta, Tatiwe lei, Ahithophel raq tsii achongkuq ka hiqtili ma tiijabaiq laq!”

2 SAMUEL 16:23

Ahithophel raq kiitinchoji hon atsii chongkuq tlaq kriika, Shiikeawe raq achongkuq ikha lang wantlo. Arka Dawit nai Absalom tsangnai wiita raq lang tlo.

JEREMIA 4:22

Tatiwe raq ngutlo, “Isenginok ka maiqjiq angikong; tsangshiq raq ngi sap mak. Tsangshiq ka nosere maiqjiqse kong ikha; tsangshiq raq takmak. Tsangshiq ka abi kiimung lam na siimakong, shatmaq jaqsham ahea phan sham ka sapmak.”

Luke 16:8

“Ara jaqtsak chere we khonglaq arka, atijong we raq chhi raüta, ashom rarea li she riito. Ara jamkhano shomrata ngukla, ara mangjong hiq na mangjong maiqse ngutlaq kriika, rawii maiqsetiim sitlaq, kra thaq na, tsangshiq ka mangjong hiq rilung lamphan niika, asap atsin wiq khonglaq hea siisaq sitlo.”

John 3:17

Ara jamkhano chongtiikang ngukla, Shiikeawe raq Ase ka phiija maiqse kra shra kai miitu atiiki ka riimak. Shatmaq, tsangshiq kra daake kai tiikito.”

John 8:44

Nam we ka Tha kaü. Namshiq ka thasetiim. Krai mren, nam we jaiphan li lungwii tlan. Apaiq ka man na miiphü dongdii matwe tsawe. Arilung na jangshi min tingting rilung lamphan ka tiima mak dongdii. Ara jamkhano chongtiikang ngukla, apaiq tsantsii ka tingting riimak. Krai mren, apaiq ma arot akiq bomchong ka maiqmii aphara jaqsham. Ara jamkhano chongtiikang ngukla, apaiq ka arot we. Apaiq ka arot akiq dong chong.

Acts 13:10

Raütiishe, Paul raq mintin we ka akhiishe sonto, “Ümnaq arka Tha Kaü ashi! Ümnaq arka ating arai jaqsham thun kra tangta baiqti we. Ümtsantsii ka abi thiikho. Kiimaq ümniiraq Tatiwe tengteng bomtsi kra, arot akiq ma tiija baiq wan kli tiima tlaü!

Romans 1:22

Tsangshiq ka atsii wiq maiqsetiim sitiikai nguta tiitsaki tlo. Shatmaq, tsangshiq ka angikong.

1 Corinthians 1:27

Shiikeawe riika samsam maq dongdii ara mangjong maiqse tiijeasi ma nguta, mangjong maiqse phaqchi pinja ajong alabi raq jam min taimak nguta tiima tlaq, kriiti ka tsea wan tlaq. Kiimaq apaiq raq mangjong hiq na ajong ala nguta sitlaq kra shummii ma, jehin norebi ningkun ahüti kra tsea wan tlaq.

1 Corinthians 2:14

Jurwa Asii Wenyi lap mak dea, kriiti riika Shiikeawe Asii Wenyi raq akuq kongphiq ka lap lot mak. Akhiiti riika Asii Wenyi kongphiq ka jamlai wa, kra asap min sap mak. Apaiq ma Shiikeawe kongphiq thun kriika hiqtili ikhiili. Ara jamkhano chongtiikai ngukla, Asii Wenyi jaqsham tsingo kriika Wenyi maklii maq liiwan raütiq athü ka misap.

1 Corinthians 3:19

Ara jamkhano chongtiikang ngukla, mangjong hiq tri maq juwa tsüwe tsitwe nguta sitlaq, kriiti ka Shiikeawe makki na ajiq. Asii bomtsi na akha chongtlo, “Jurwa tsangshiq ka taksma tsüwe tsitwe nguta tiingo tlaq, kriiti ka Shiikeawe raq tsangshiq phaqchi thiikho kra miili tiimin baiq tlo,” nguta chongtlo.

1 Corinthians 3:3

Ara jamkhano chongtiikang ngukla, namshiq ka ümchaü niitaq dongdii min, mangjong maiqse han-ngam miili sitlan. Namshiq nai namshiq liipan na makshu rashe, kiimaq tatso wiinyi miili sitlan kriika, namshiq kiimin mangjong maiqse jamkho sitlaq kiikhiili dea sitlan nguta tiichhi kuq tlan riimak sha?

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

2 Corinthians 11:3

Ngi hairai tiikang arka, Ewaq ka jamkho lao wa taq, kiikha namshiq kiimin laoho jiiqla, nguta hai tiikang. Paü ka lulesang. Apaiq raq Ewaq ka lao wato. Kiikhiisii hali, namshiq tsantsii kiimin, apaiq raq mirap wiiqho. Raüta, namshiq tsantsii ka, Khristo lungwii tlan kiiwa, thawe raq mitiishonho.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

2 Thessalonians 2:9

Kra Thawe ka Soitan ningkun ho raüta misaüki. Raüta, apaiq raq maiqse tiiwang chang arot jaqsham pahea misham. Kiimaq maiq mao chang jaqsham min pahea mitiichhi kuq.

1 Timothy 4:1

Shatmaq, rawiichii pat na maiq wiijamti raq tsangshiq kamtsantsii ka athaq mirbaiq nguta Asii Wenyi raq tsangriri hea maq chongkuq tlo. Tsangshiq raq arot winji bomchong nai thawe raq ashrinkuq manphan kiima mikam wan nguta chongtlo.

James 1:17

Phanrap ahea awa kongphiq ümchuwa sitlaq, kiimaq phanrap athuk atsom kongphiq ümchuwa sitlaq kriika, ramungtan na siti Shiikeawe raq siisaq akuq. Arthun arka Shiikeawe jaq wa siisaq saütlo. Apaiq ka ra na diim tlaq raiqsaiq, jipi, rashe sitlaq kra Tiiqti we. Apaiq ka pattup klai mak phan. Apaiq riika maiqse rilung na ra tiinyaq mak phan.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

Jude 1:19

Tsangshiq arka, Phungmaiqse tu sitlaq kra tiikho baiq wanti miraq. Tsangshiq ka, ngarai han-ngam sükha lamphanti kong miraq. Tsangshiq mongjii na Asii Wenyi ka ahü miraq.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 2:24

“Shatmaq, Thajatira na siti namshiq ahinti raq ara ajiq bomchong lam ka phan dam man. Maiq ahinti raq ‘tsaühea Thawe mochii’ nguta tlang kuqtaq kra, namshiq raq tlang man. Riita, ümchaü ngi raq namshiq miika laihin holai ka tiiho mang.

Revelation 9:11

Tsangshiq thaq niika hokham ashi asi. Tsangshiq hokham we ka hiqbikho rümti rase sitlaq kra. Apaiq mang ka Hibrunok bom maq Abadon ngutlo. Kiimaq Grik bom maq apaiq mang ka apolion (kra liichum ka “Ashthenti we”) nguta chongtlo.