James 3:14 - ASII LAKDAP Bible (BSI)

¹⁴ Shatmiitiina ümtsan mong na, nanok ma makshu rashe tsii rüm tlaü, maiq ngeng tlaü jiila, kiimaq jamlai phan niili jiimin, maiqmii ma jamlai wa ahea raüla hong jiiq ngu tla tiima tlaü jiika, phanrap asap atsinha we nguta, naq shiikong kiq. Kriika ümniiraq tengteng bomtsi tri ka jin tlaü ngushat. Kriika ümniima ngarai tangphaq li miraq.

Hawa Naga Bible 2001

¹⁴ Yuq muinz nuimshiq thuinz vmungx nuex khelx ric bac thuinz, thuinz tvbac yaq, miqmac rueq dvyx lvp roc thuinz htenc httax vtueq, nuimshiq taksux tharc kvmac kvsomc parc ngamc ngax vtueq tsuingrux lvmx kuex yaq gay mvrax nauk shuimx kaz.

Muklom

¹⁴ Etharin nim aa nim ni nim tin o ngiljo etho ngikjuk shing inn jo, nak japjo inn etho asing shi miiksuk eq alik nak bat inn.

James 3:14 Referencias Cruzadas

RAPHA HIQWA LAK 37:11

Joseph phutiim ka apaiq ma makshu rashe she riito. Shatmaq awe riika kra taiku rawa ma bom kra rashi hiq wea tiima shat maq sito.

RAPHA HIQWA LAK 38:9

Shatmaq Onan raq asap anyi-chhi nyung tsangnai setiim ka apaiq rii ka riimak. Kra ngomaq ümtiikiiwa apaiq anyi-chhi-nyung manti-nyung rai haingatlaq, alai ka hiq na raübaiq baiq lili riitlo. Krai mren aphu wulumwe rii asetiim ka ahü miraq.

2 HOKHVMX 10:16

Anü maq, “Wara ngi rai kongshi maq. Laüta ngi ka Tatiwe ma itsan itsii wiita kiinongkuq lata jaq shamtiikang kra liiwakiq,” nguta nguto. Raüta tsangnai ka kongdam Samaria chela na wawanto.

2 HOKHVMX 10:31

Shatmaq Jehu raq Tatiwe, Israilnok Shiikeawe thungtri ka atsan atsii kunli kiinong kuq raüta lang wan mak dea riito. Kra rii na apaiq riika Jeroboam raq Israilnok ka ngarai lam na shunsheataq, kra lam kra khoti phanto.

YOBA 5:2

Maiq ma khiq ma batbu rai laüta, tsankhiq tsi ma tsaisea kriika angi nola tsantsii.

TAKSU LAK 14:30

Tiima tsantsii khangriri maq siti, khum asai ka nyeajokjok hea. Makshu rashe siti ka, ariitsai na anam ikha.

TAKSU LAK 27:4

Maiqse tsankhiq ka abi, phanrap shiithen baiqtlo. Shatmaq makshu rashe tsii ka, henghea pinthum she.

ISAIA 11:13

Israil mungti raq Juda mungti ka shuliimak she miraq. Kiimaq Juda mungti ka Israil mungti rai wesang riija mak she miraq.

HABAKUK 1:3

Jam nguto ngi ma ashut kiimung ka, tiichhikuq tlaü? Kiimaq litkot chamchao walü kra, tiichhikuq tlaü? Imakki na mung then wan, jasam piqsii maiq riitsea kli, chhiwan tiikang. Tatso wiinyi riilong liiq kli, chhi wan tiikang.

Matthew 27:18

Pilat raq ara bom waiwantaq arka, Jehudinok welabi raq, tsangshiq makshu tsi ninlot mak kha maq, Jesuq ka lap raüta apaiq rung na shokto nguta asap. Kriikha maq, apaiq raq tsangshiq ma ara bomtsi waito.

John 16:2

Tsangshiq raq namshiq ka sinagok wa ashleq mirbaiq. Kiimaq akhing ka akha misaü wan, maiq ashi ra raq, namshiq ka tsatbaiq raüla, apaiq raq kriika Shiikeawe jaqsham tiikang nguta mitiima.

Acts 13:45

Paul traho bomchong kra taikaiti mungmaiqse kong ka pahea kiraitaq kra chhi raütiishe, Jehudinok ka Paul nai Barnabas ma makshu rashe she ngengsiq wanto. Kiimaq tsangshiq raq Paul raq traho bomtsi chongkuqtaq thun kra khii wan she tsangnai ka longliiq wanto. Kiimaq tsangnai ma shumtsü miitsü she shu wanto.

Acts 26:9

“Ngi raq dongdii min tiima wankang, Najareth hiqti we Jesuq lamphan wantibi thun ka wiita shiithen baiq hajaq nguta kai shiikut chaq wan kang.

Acts 5:17

Arthun ara chhi raütiishe, Ramwe Ajong Pinthum we nai akongtibi kiimaq, kiiwa nokti Sadusinok phung raq kiimwebi ka pinthum makshu rashe miishe shulii wanto. Krai mren, tsangshiq raq kiimwebi ka atiichamchao chang ngutiishe bom ka riichongto.

Acts 7:9

“Jakob setiim raq, tsangno Joseph ka kai shuliito. Kriikha maq, aphutiim raq tsangno ka maiq ma shaphaqto. Maiq riishe hali, apaiq ka Ejip mung na, maiqdi ma shaphaq baiq nongto. Shatmaq, Shiikeawe ka apaiq rai asi riito.

Romans 1:29

Tsangshiq tsan among ka phusu tsii, tha kaü tsii, sükha tsii, kiimaq atiibi baiq wan tsii riili she ama sitlo. Tsangshiq tsan among ka, arshulii tsii, sho tsii lumtsii, arlongliiq tsii, laopha tsii, kiimaq maiq chong sia tsii riili she ama sitlo. Tsangshiq ka shapshaü miqshii panli.

Romans 13:13

Riita, ümchaü sanha rawü maiqse jamkho sitlaq, kiikha athuk atsom miishe shongnga rong i. Ümchaü sanha, hi-awaq ikha kiijoq kiicham, cherop tsampii riinyatshat ka raa mak she. Kiijoq kiicham maiqtsai ngamhai riinyatshat, tatso wawo maq, kiimaq makshu rashe maq siwan ka raa mak she.

Romans 2:17

Riita, namshiq kiiha? Namshiq raq, namshiq ka Jehudinok phan nguta tiitsaki rai tlan. Namshiq riika, Shiikeawe raq Thungtri ka, namshiq ma kuqto nguta tiima tlan. Kiimaq namshiq ka, Shiikeawe sengi nguta shiikong tlan.

Romans 2:8

Shatmaq, maiq wiijamti riika, tatso niq wan kli, kiimaq tsangshiq raq tingting lamphan kra baiq thü raüta, ajiq lam kli phantlo. Tsangshiq thaq na Shiikeawe raq, atsankhiq walü wa miishe mishe chaq wan. Raüta mitiikhiim chaq baiq.

1 Corinthians 13:4

Ümniiraq ashi ra lungwii tlaü jiika, apaiq rai ka phanrap na anin riiwan laüta misi haü. Kiimaq apaiq rai ka riimang riichan miili misi haü. Lungwii tsantsii maq si ngutlaq ka, makshu rashe ahü; shiikong miilong riimak; kiimaq khünga tsii thü mak kra nangnga chong tlo.

1 Corinthians 3:3

Ara jamkhano chongtiikang ngukla, namshiq ka ümchaü niitaq dongdii min, mangjong maiqse han-ngam miili sitlan. Namshiq nai namshiq liipan na makshu rashe, kiimaq tatso wiinyi miili sitlan kriika, namshiq kiimin mangjong maiqse jamkho sitlaq kiikhiili dea sitlan nguta tiichhi kuq tlan riimak sha?

1 Corinthians 5:2

Riita, akha taü maq namshiq ka jamkho shiikong rai tlan? Namshiq ka jeasi tsankhiq riili atsai riihan chang. Kiimaq kra ngarai tangti we ka namshiq phungtu wa ashleq riibaiq han chang.

1 Corinthians 5:6

Namshiq phungtu na akha abi pinthum ngarai tangti sishat taü maq, namshiq shiikong rai tlan ka ajiq! Namshiq raq ara bom shiiton bomchong ara asap han ahiq na. “Ralangse pi win riili winsii da ka wiita tiija baiq tlo,” nguta chongtlo.

2 Corinthians 12:20

Ngi ka hai tiikang jo, jai maq ngi, namshiq phana watiikang akhing na, ngi raq namshiq ka jamkhii chhiwa wa rotiikang, kiikha riimak, pong linlin she michhi wa ha ngo chang chang. Kiimaq namshiq riimin, ngi arka, jamkhii michhihai ngutiiwa tiima tlan, kiikha ka riimak, pong linlin michhi han ngo changchang jo. Ngi tiihai rai tiikang arka, ngi raq namshiq ka, tatso wiinyi nai riingeng riiseng michhi wa ha ngo changchang ikha. Akhiq ariq nai riilong riiliiq, pong riipiipii, thophi riiqphi maq, maiqmii nai maiqmii liipan na riichongsea michhi waha ngo changchang ikha. Ashkong trangli nai pongmü riimü michhi wa ha ngo changchang nguta tiima tiikang.

Galatians 5:15

Shatmaq, namshiq ka rum ngamse kong ikha, maiqmii liipan na, riikung riita la sihan jiila, liishat rong laq, namshiq maiqmii cham chang rangchong kriimaq, tiibarai lanta, mitiiphaiki han! Lanta, namshiq raq weshi raq weshi ka miqchup mitiithenbaiq han.

Galatians 5:20

Kiimaq, sumla noqpi wan, nai maiqwuq maiqlong jaqsham. Kiimaq, maiqse nai maiqse liipan na, wesang ralii ma riija wan. Raüta, riilong riiliiq miili siwan. Tsangshiq ka riishu riilii, akhiq abi, ngi nguli tiima tsii rüm tlaq thun kra. Tsangshiq liipan na, maiqmii wela jawan rang rang tsii, rümtlaq kra. Kiimaq, riitsea riitsiiq hon atsii kra.

Galatians 5:21

Tsangshiq ka makshu rashe miili sitlo. Kiimaq tsangshiq raq, phra sumla shomnoq tlaq poi akhing na, pinthum chephe tsampii raüta, kuku waqshii kong ikha, riinyat shat raüta sitlo. Kiimaq, ara chong wankai thun ara niq riri hali, ahin abi pahea jaqsham thun min asi, kra sham tlo. Ngi raq namshiq ma, man niimin tsii chongkuq kang. Kiimaq ümchaü min chongkuq nong tiikang. Jurwa arthun ngarai ara tang raüta sitlaq, kriiti ka, Shiikeawe sengi ma jawan lot mak. Kiimaq, Shiikeawe mungtan na saüwan lot mak.

Galatians 5:26

Ümchaü sanha, nashiq ka shiikong miilong maq singa maimak. Kiimaq maiqmii liipan na, riiniq riisiq simin raa mak. Kiimaq, maiqmii liipan na, riingeng riiseng siwan min raa mak.

Galatians 6:13

Tsangshiq phong wa tri langtibi raq dongdii min, Thungtri ka lang mak maq sitlo. Tsangshiq raq namshiq ma, athohan raa nguta, shiichut tlaq kriika, namshiq raq tsangshiq bom ka tai lanta, han-ngam athohan tri wokhong na dea sitlan nguta, tiishomra kham ma shiichut tlo.

Philippians 1:15

Kiitiina, maiq wiijamti phunobi riika, i jaqsham jong tlaq kra, lüm haijaq nguta, tsangshiq khunniitsi ma, Jesuq Tsütsa kra chongkuq tlo. Kiimaq tsangshiq ka, ngi rai riikhii wan tlo. Kiimaq, maiq wiijamti raq riiwe kla, tsantsii ahea rüm raü tiidea, ngi ma khrum kewan lam maq nguta, Tsütsa Ahea kra chongkuq tlo.

Philippians 2:3

Ümchaü sanha, maiqmii mang jong tiima lanta, jamlai phan min naq kiimung rongkiq she. Kiimaq maiqmii kiidea ajong ala nguta tiima lanta, jamlai phan min naq sham rongkiq she. Shatmaq, maiqmii ka aranse ma ja lanta, nanok ka maiqmii ma maiqla lin, asap atsin lin nguta, tiima lanta si ronglaq.

1 Timothy 2:4

Jamkhano ngukla Shiikeawe riika maiqse angu wiitarü raq, Tsütsa Ahea kra sap wan raüta, tiichhii wan raü jaq nguta tiima tlo.

1 Timothy 6:4

Tsangshiq ka ashkongtam li. Kiimaq jam min sapmak miili sitlo. Kiimaq tsangshiq ka maiq rai morkaq nyiq kaili riitlo. Kiimaq athii arii ahü bompo kra sidi raüta, riikhiilea sea kli rit tlo. Ara riikhiilea tlaq ara lü miili she, tsangshiq ka nanok ahinti rai makshu rashe, tatso wiinyi, kiimaq nanok ka shummii khiq maq sitlo. Kiimaq tsangshiq liipan na, tsan maq riihem raq miili she sitlo.

Titus 3:3

Jamkhano ara chongtiikang ngukla, man na lea wankai akhing ashi na, nashiq tarü ka maiqjiq, angok angikong ikha siwan kai. Shiikeawe lamphan sapmai, nilan kong siwan kai. Kiimaq ashut ashe rilung li siwan kai. Nashiq ka ngarai sükha tsii kharü mong na siwan kai. Kiimaq phanrap phanrii, ngarai han-ngam sükha polo lam phan wan laitli siwan kai. Nashiq raq nashiq rilung ka maiq chongsea nai maiq ngengseng lam miili rilung shaphaq wan kai. Nanok raq nashiq ka shuliito. Kiimaq nashiq riimin nanok ka shulii wan laitli rashe jipi tiicha wan kai.

James 1:18

Apaiq tsantsiitsii maq nashiq ka tengteng bomtsi maq rawü tiichhi kuqto. Raüta wenyi rilung na nashiq ka apaiq raq ümchuwa phansang wantaq, kra thun thaq na, nashiq ka lamsheati ma tiija wan miitu phansangto.

James 3:16

Jamkhano ara ngutiikai ngukla, Phungtuti liipan na ümtiikiiwa ara chongtiikai ngarai phoqngeng tsii rümti nai maiqmii raq jamlai phan wa lungwii tlaq, kriili dongdii tiihong tha raa nguta tiima tsantsii ka siraü jiila, phungtuti liipan na, kiq ripo wan mak she, kodang koda she miraq. Raüta Phungmaiqse raq abi ati jaqsham, shamki mak chang phan thun pahea misham.

James 5:19

Iphu inotiim lei, namshiq phong wa, weshi ra ka tengteng lam phan wa lamjiq na moho tlaq jiila, kiiwa weshi ra raq apaiq ka tiijang shea wan nong raüla,