James 3:13 - ASII LAKDAP Bible (BSI)

¹³ Namshiq phong na taksu maiqse, kiimaq anyan phaqchi rümti sitiikai nguta tiingoti weshi ra asi sha? Sitlan jiila, apaiq raq, apaiq ka taksu maiqse kiimaq anyan phaqchi rümti we dea nguta, apaiq rong arai ka ahea rüm raüta, nanok ma tiichhike chang. Kiimaq maiq rai sobsob bombom maq riibom nai tlaq kiimaq tiichhike chang. Nok abin ma athuk atsom jaqshamke ka tsapkapkap maq sham raüta misi laq.

Hawa Naga Bible 2001

¹³ Nuimshiq phungc kvyuq wvtharc jix nuiyc vtuiuz vtay miq vshiz shiz httax yaq haz? Kvruex waz kvraq piq tharc httax yaq lvmz kuex taksux tharc nuiyc vtuiuz vtay maq shuimx kaz yaq honc vyaungc vhvlx kuex hakhix mtvkhic shueq.

Muklom

¹³ Nim wang khakla nia asam atol utang aa? Irimal miq eq ujaksom jaqhal wang eshi takhi inn, bara thunglam nia tinthanup jaksom.

James 3:13 Referencias Cruzadas

YOBA 28:28

Shiikeawe raq maiqse ma chongto, “Taksu ma ja miitu, namshiq raq Tatiwe ka shreng raa tlo, Asap wan miitu, namshiq raq abi lam phan wa jang wan raa tlo.”

Tvtsvmc 107:43

Juwa taksu maiqse kriiti raq arthun mishiwealaq; kiimaq Tati tiipitmakphan lungwii kra mitak laq.

Tvtsvmc 122:8

Ita iwii thun nai ikongtibi miitu ngi raq Jerusalem ma, “Ümniika khu asang maq silaq!” nguta ngutiikang.

Tvtsvmc 149:4

Tatiwe ka asengi ma chochi; apaiq raq wepuq weseti ma tiitang kuqtlo.

Tvtsvmc 25:9

Apaiq raq sobsob bombomti ka riikhaqli lam na shunsheatlo kiimaq tsangshiq ma apaiq rotlaq kra shrin kuqtlo.

Tvtsvmc 45:4

Rekhat tanglaü achhai anyii khushü thaq na chaolaq tengteng bomtsi nai tingting tri tiiwonglaq! Ümningkun maq rekhat thun jonghea mitanghaü!

THARC TVLUINGC 8:1

Taksu maiqse riili phanrap liichum ka, riikhaqli taktlo. Taksu maiqse kha maq apaiq ka anai li riitlo; phanrap chapa chang akhing niimin, apaiq ka anai lam miili phanrap atang riiwantlo.

THARC TVLUINGC 8:5

Hokham aming lang laüta sihaü jiila, ümniima jam haisong chang ahü, tiiwong shat misi haü. Taksu maiqse riika ümra akhing na jamlai klo chang wa kiimaq jamkhii klo chang wa kra asap.

ISAIA 29:19

Miitsan maiqse kong nai sobsob bom bom maq siti maiqse thun riimin thongshiri hali Tatiwe, asii Israilnok Shiikeawe raq kuq tlaq chochi rilung kra milap wan nong.

ISAIA 60:6

Hupsamhoti kongnyung kaüshi kumtsong kong misaü wan, Midian nai Epha mungti. Tsangshiq ka Sheba mung wa chaq nai homseng howan raüta misaü wan. Mungmaiqse raq tsütsa ahea Tatiwe raq shamtaq kra michong!

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

JEREMIA 9:12

Ngi raq waikang, “Tatiwe, riita armung arka jamlairo rumnyangkhi kumtsaiphii ma jakita? Krai mren arlam maq maiq jumin khum mak she? Ara takti taksu maiqse ka juwa? Ümniiraq jumo ara mra pintaq ara chongkuqlaü apaiq raq nanok ma chongkuqlotli chang?”

JEREMIA 9:23

Tatiwe raq ngutlo, “Taksu maiqse raq tsangshiq taksu tsü miitu shiikong raamak, kiimaq sreajongbi raq tsangshiq ningkun jong miitu shiikong raamak, kiimaq chiithe maiqse raq tsangshiq tsiiq tum miitu shiikong raamak.

DANIEL 2:21

Apaiq ka rahiq jipi thapthi wantiwe! Jurai liirai tiihongtiwe! Hokhambi shongti min apaiqli, hokhambi runbaiqti min apaiqli. Apaiq kli anyan phaqchi keti, kiimaq taksu tsii keti.

JEPHANIA 2:3

Tatiwe wokhong na jang rong laq. Namshiq tsannin woknin maq shongti, singmung maiqse lei; apaiq aming thun langtibi; tingting jaqkli sham ronglaq. Kiimaq Tatiwe makki na aran ma jaronglaq, jursap Tatiwe raq atsankhiq tiichhi tlaq ranaiq na, namshiq ka mipaükuq lo riila.

WEAWEA 12:3

(Mosheq ka tsan nin heawe, mangjong hiq na apaiq khan tsan nin pinthum ka maiq ahü.)

Matthew 11:29

Minsaü raq thaikii maq ni thu tlaq ikha, namshiq riimin i thaikii ara holanta sirong laq. Lanta i wokhong maq ngi raq namshiq ma shrinkuq tiikang bomtsi kra saptsin ronglaq. Ngi ka sobsob bombom maq nai tsan nin woknin maq siti. I wokhong na siti ka huntsak niitsak she mishong nga han.

Matthew 21:5

“Jerusalem chela ma chong laq, ‘Liilaq, ümhokham we ka ümphana watlo! Apaiq ka tsan nin woknin we, kumtoq kaü thaq na nga raü watlo, kiimaq kumtoq kaüse thaq na nga raüta watlo.’ ”

Matthew 5:5

“Juwa saksi minmi sitlaq kriiti ma chochi; Shiikeawe kiqkham ka tsangshiq raq milap!”

Matthew 7:24

“Ara chongtiikang arkha maq, jurwa ara i bomchong ara lang wan tlaq, kriiti ka maiq atsiiwe raq, ajam ka longkaü longkaü wat raüta, jamkham shong raüta hai wan tlaq ikha miraq.

1 Corinthians 6:5

Namjia simak sha! Ümkhiiriita jiimin namshiq liipan na kha phoketi maiq weshi ra atsang atsii maiqse ka misi dongdii.

2 Corinthians 10:1

Ngi Paul raq pumsii maq, namshiq ma ara bomtsi tiitai tiikang. Ngi ka namshiq rai mantut na sitiikang niika, tsan nin woknin we ikha sitiikang. Kiimaq nyea jokjok we nguta liiwan tlan. Shatmaq, kiimphai she tiijaiho latiika, kiqla hiip-hii we miishe jaki tiikang. Jesuq Khristo raq akuq, sobsob bom bom hon atsii nai mangchan tsantsii maq, ara namshiq ka tiijom na lata bom rai tiikang.

2 Corinthians 8:24

Namshiq lungwii tsantsii ka, tsangshiq ma tiichhi kuq rong laq. Kra chhi tai wan raüta, tsangshiq tiiwati, Phungtuti thun raq, naishiq raq namshiq tiishomra siq tiikai kriika, atu niika riimak dea, riikhaqli dea nguta misap.

Galatians 5:23

sobsob bombom, kiimaq kai stiq skhaq raüta shonga rilung. Ara chong kai thun, Asii Wenyi raq maiqse rilung na, tiitsi kuq tlaq arka, abi nguta tiishut chang thungtri ka ahü she.

Galatians 6:1

Lungwii phunainotiim lei, kongti raq ajiq sham akai klo rea chhihan jiila, namtsam phong wa, juwa kamasham na maiqla sitlan, kriiti raq, namkongti we ka, lamhea nü na trap ru lanta shunshea rong laq. Shatmiitiina, namshiq raq kra trap ruke akhing na, kiqninse maq chong kuq rong laq. Kiimaq, namshiq raq namkhum kiimin la, tiikheshat maq si rong laq. Kongti khrumke wan angu, maiqmii kiimin shon wan dam jiiq, nguta ngo nangnga chongkuq tiikang.

Galatians 6:4

Maiq khumtek raq, maiqmii ka jamkhiiwa chapnga tlaq, kra samhea shin raüta sichang. Riita, ngohea dea, apaiq raq jaqsham wantaq kriika, ahea dea klo wantaq jiika, apaiq raq atiishomra chang lamlu misi. Kra tiina, nanok jaqsham rai triingea raüta, bom ka raa mak.

Ephesians 4:2

Namshiq ka ümchaü sanha, wranaiqshe tsan na aranse ma ja lanta, sobsob bombom maq, kiimaq phanrap na, tsankhun maq, khe lanta si rong laq. Namshiq liipan na, phunainobi ma lungwiitsii rüm tlan kriika, tsangshiq rai chapshi ngashi maq sitlan kriimaq, tiichhikuq ronglaq.

Philippians 1:27

Riita, ümchaü namshiq ma akhek pinthum ka, namshiq rilung ka Khristo Tsütsa na jamkhiiwa chong tlaq, kra phanphan singa chang. Krai mren, ngi ka namshiq liiwa wakang lo, kiimaq walap mang lo, li jiimin, ngi raq namshiq ka miitung ashi niili, pharang rang maq chap tlo nguta mitaiha. Kiimaq kra rekhu ashi jaqsham kra ningkhan li, reraüshi maq, Tsütsa Ahea chongke wan jaqsham na misi wan han.

Colossians 3:12

Namshiq ka Shiikeawe sengi she. Apaiq raq namshiq mangchan tlo. Raüta, namshiq ka apaiq miitu tsea wanto. Krai mren, namshiq tsan nai mongjii na kongti ma mangchan tsii, lungwii tsii, aran se ma ja tsii, saksi minmi tsii, kiimaq anin wan tsii, kra thun rong arai maq tiimiikhiiq lantiishe si rong laq.

1 Timothy 4:12

Ümniika ümchaü jero we. Kriikha maq, maiq raq ümsham na lii raüta, ümkhakam ka midiq shaqli nguta, maiq ma, naq tiishummii kiq. Shatmaq, ümniiriika Phungmaiqse wiitarü thaq na, lamsheati maiqla ashi dea nguta, ümbom ümsa na, ümkamtsantsii na, ümrong ümrai na, maiq ma lungwii tsii rüm na, kiimaq asii arai tiima tsantsii na, khangriri hea maq silaq.

1 Timothy 6:11

Shatmaq, ümniika Shiikeawe jaqshise. Krai mren, ara chongtiikai ngarai rahai thun arka ümdü na naq tiisaükiq. Ümniiriika wranaiqshe, Shiikeawe raq jamlai jaqsham wa thikuq tlaq, kriili sham wan ruq maq si laq. Laüta, athuk atsom Phungmaiqse kechu rilung kra riikhaqli maq silaq. Khristo ma kamwan ruq maq silaq. Laüta, Phungmaiqse phunaino thun kra lungwii laüta, silaq. Laüta, phanrap haikaiq haike ümtinkhan wa saütlaq, kra anin riilaüta silaq. Kiimaq nanok tarü rai sobsob bombom maq silaq.

2 Timothy 2:25

Apaiq riika, apaiq ngengsengti ma tsii chongkuq tlaq akhing niimin, tsan nin woknin maq chongke lili chang. Jamkhano ngukla, jursap, apaiq raq akha bomnin se maq trap ru chongkuq tlaq kra lümaq, lamjiq na kaihotibi ka, Shiikeawe raq tsangshiq tsantsii ka klai wan miitu, akhing ahea moke wan miraq. Raüta, tsangshiq raq tengman tlaq bomtsi ka mosap wan miraq.

Titus 3:2

Tsangshiq ma tsii ka chongkuq wanruq riilaq. Tsangshiq raq nanok mungmaiqse jumiimin abi bomke ka raa mak. Shatmaq, nanok tarü rai ari aram, kiimaq sobsob bombom maq si ronglaq.

Hebrews 13:5

Kampho ma naq sü ramrai rongkiq. Kra rii na, namjaq na jamlai wa asi, kra sham lantli, chochikhiq maq si ronglaq. Jamkhano ngukla, Shiikeawe raq, “Ngi raq namshiq ka ümtiikii jiimin, amang ale maq tiichamchao mang. Ngi raq namshiq ka ümtiikii jiimin, tiishaü baiq mang,” nguta ngutlo.

James 1:21

Arkha maq, namshiq tarü raq, maiqmii tsan mong na abi, ashe ashi tiima tsantsii sitlaq kra, kiimaq abi ati rong arai sitlaq thun kra, wiita tsuqsaiqsaiq riilanta, arang chong maq ba lanta, phai baiq ronglaq. Lanta, Shiikeawe wokhong na, phaqchii nichii maq nyap wan lanta, si ronglaq. Lanta Shiikeawe raq, apaiq asii bomtsi lai namshiq mongjii na chhi jang wan tlaq kra, lang lanta si ronglaq. Kra bomtsi raq, namshiq rilung ka tiichhii wan raüta tiichhan chhi wan tlo.

James 2:18

Shatmaq Phungmaiqse liipan wa weshi ra riika, “Phungmaiqse liipan na maiq wiijamti riika kamtsantsii rümtlo. Kiimaq maiq wiijamti riika jaqsham wantlo” nguta bom ka mikhii ngu i. Ikhla ngi riishe kriiwe bom ka akhiishe tre pha. “Ahea, ikhiila, ümniiraq ngi ma mitiichhi kuq lot haü jiika jam raa mak. Ümniiraq ngi ma, Phungmaiqse weshi riika kamtsantsii mirüm. Shatmaq ahea awa jaqsham miiriiwe ka tiichhi kuq lot mak min miraq ngu tlaü? Shatmaq, ngi riikla, i kamtsantsii ka asi dea rümtiikang nguta, i jaq sham maq mitiichhikuq lot ha.

James 3:1

Lungwii Phungmaiqse phunainotiim lei. Ngi raq namshiq ma tsii chongkero ka ara. Namshiq phong wa maiq pahea raq, ashrinketi shrabi ma jawan hai jiilei ngutiika, manhii rat man ngu raü jiika ahea miraq. Ara jamkhano chongtiikang ngukla, namshiq tarü raq asaphan. Shiikeawe raq nashiq ashrinketi shrabi kha ka, nanok Phungmaiqse ahinti kha thaq na, tri atsin linlin maq mipho.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

1 Peter 1:15

Kra rii na ümchaü sanha, namrilung ka siirairai she thü rong laq. Namshiq raq phanrap jaqsham tlan na, asii arai maq sham lanta sirong laq. Namshiq hea wanti we Shiikeawe ka jamkho asii sitlaq, kiikhiisii namshiq min asii si rong laq.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

1 Peter 3:4

Ara chongtiikai akha, sham tiitsom rom riita rai nam miikhoti, namtsan namtsii riiwe kra siirairai hea, rüm rong laq. Kra kata maiq raq, mak maq chhi mak phan, nam mongjii na tsomhea sitlaq kra. Namshiq tsan mong na, sobsob bombom hon atsii nai saksi minmi maq sitlan rong arai kata pattup thenki mak phan shamhea shamjü rilung miirii. Shiikeawe maklii na riikhaqli athuk atsom rilung shamhea ngutlaq ka ara chongtiikai.