Luke 12:19 - ASII LAKDAP Bible (BSI)

¹⁹ Kra lot latiishe, ‘Kopan ajongwe le! Ümchaü sanha, phanrap ong laü she. Ümchaü kla, che nyang dungsea, chamtraq tiipong tiipii laütli she peo silaq!’ nguta tiishomrasiqto.

Hawa Naga Bible 2001

¹⁹ Kvruex yimaq ngvy shauk pumz muex vkhoc ngoz shaungx, kamc vhttax waz lex! Vwawc paunghvlc tvkoc mnoz rueq vroc hup vsvmx vhvlx lotlaz kuex yoalc taq toq shex rvtueq, rullungx tvraungx lvmx nuex vhvlx httax kuiuz, phauk saq shuiuz, nuingx shuiuz nuiyc piauc liauc kuiuz, ngoz shaungx,’ ngoz tueq piq shauk pumz muex kv-ngoc tuex.

Muklom

¹⁹ Etho nga ni nga thabat náng, khangrang jaqhal miq! Pang daqhan nángduk nang ma chamlang ráa aa sha thaji bajakna atha. Thanga rollung na tsamnang hung aa lingphaksat eq sungrang eq sey tong náng!’

Luke 12:19 Referencias Cruzadas

YOBA 14:1

Nashiq wiitarü ka rawü chhi wan li miiphü ningkun ahü kiimaq ümkoq ümphaqli dongdii. Tarü atoqse, chamchao khiq rilung li siwan tiikai.

Tvtsvmc 49:18

Maiqse ashi ka apaiq atra siji na, chamtraq li sirai raü min kiimaq apaiq ka phanrap pok wan ruq kha maq maiq raq tiitsamsiq raü min,

Tvtsvmc 62:10

Riitsea riita ma naq kamkiq; thiimeaqtek laüta amet milapha nguta naqkamkiq; ümtsiiq tum thun ka mawan raü min, kriima naqlamkamkiq.

TAKSU LAK 10:2

Maiqlao raüta alap tsiiqtum ka ümniima amet ahü. Shatmaq tingting jaqsham riika rilung mitiichhii.

TAKSU LAK 14:24

Taksu maiqse ka tsiiqlap nyamkapti, angok angiti ka jangi wan wan li miraq.

TAKSU LAK 18:11

Shatmaq chiithe maiqse riika, tsangtsiiq tum ka, chela kiitelong ruk ikha, tsangkhum chhiiti nguta tiimatlo.

TAKSU LAK 23:5

Ümkampho ka maklii liipan niili, liihawe kaü biwan tlaq ikha, arakong cham raüta mibiwan.

TAKSU LAK 27:1

Anap miitu naqtsü tsitkiq, Anap ra miwü shaq na, jamlai wa saüjiiq riila.

THARC TVLUINGC 11:9

Jerowe lei, peokhiq maq rilung ka tiisung laq. Jero bala chojong chise maq silaq. Tsan raq aroro kra sham laüta silaq. Ümtsan raq jamlai wa jaütlaq kra phanphan polokhiq maq silaq. Tsan na tiitsangshat maq silaq. Ümniiraq jamlai wa sham wan laü, kra wiita Shiikeawe raq kappe maq shin raüta kha ka mipho wan.

THARC TVLUINGC 2:24

Arningkhan, maiqse rilung na athuk pinthum ka, jamlaiwa najaq na lap wankai, kra nawok phetaktak, phaqsea khamnyang, peokhiq maq siwan changli. Shatmaq ara khoqriiq shishiiq maq siwan armin Shiikeawe raq akuq.

ISAIA 22:13

Shatmaq kra rii na namshiq ka anai riilan kiimaq polokhiq peo wan lan. Namshiq raq sku nai minsaü taphaq lan. Kiimaq namshiq ka chenyang chamtraq riilan. Namshiq raq akha ngulan, “Nashiq ka chenyang dungsea phetak butja sirong i na! Anap nashiq ka amaa phong li she miraq.”

ISAIA 5:11

Namshiq ka miqlan she! Namshiq ka chuchap wanap tiidokilili lantea che baknyang tlan. Kiimahali raji niimin rawa thung na saülili ngalanta che ka baknyangsiq tlan.

ISAIA 5:8

Namshiq ka miqlan she! Namshiq jam thun nai wak thun sishatshat taü miimin, jam nai wak kli apapa tiitsuq rinong tlan. Jaqlo liipan niili nanok ahinti singa chang hiq ara ka ahüshe miraq. Armung niika namshiq lamlamlishe misihan.

ISAIA 56:12

‘Che ka abiri nyang rong i na,’ nguta ara cherop kong raq ngutlo. ‘Laita nashiq raq atangtang bak nyang rong i na! Anap ka ümchaü ranaiq nam ma ahealin miraq!’”

Hosea 12:8

‘Nashiq ka chiithenok,’ nguta tsangshiq tiitsakitlo. ‘Nashiq ka chiithe lüwanok ongkaishe. Jurmin nashiq ka maiqlao lanta chiithe wan lan nguta, tiishut wan lot mak’ nguta tiitsakiwi tlan.

AMO LUIK DVP (AMOS) 6:13

Namshiq raq Lodebar chela ka khat lanta, jiiwan kai she nguta, jaqrap jirap doqsiq tlan. Namshiq raq, “Nashiq ningkun maq Karmaim chela kiimin khat laita, jiiwankai,” nguta ra na dü wan tlan.

HABAKUK 1:16

Krai mren tsangshiq raq tsangshiq chiiq ka, shiikea ikha noq wan tlo. Kiimaq chiiqjong kiima honglu, kuq wan tlo. Jamkhano ngukla tsangshiq chiiq maq, ngiq khup wan lili raüta, tsangshiq ka chiithejong jawanto. Kiimaq winlü winshii miishe, tiipongpii wan raüta siwan tlo.

Luke 12:18

Akhiitiq mikloha,’ nguta apaiq nai apaiq ka tiingoto. ‘Ngi raq i tsamtiip arka asiiq mirbaiqha. Lata, tsamtiip ka ajong linlin she, tiip nye ashi she mihaiha. Lata, i tü i tsam thun kiimaq i hup i sam thun arka, tiip nye niishe mithüha.’

Luke 16:19

“Man na maiq weshi ka chiithe pinthum riito. Apaiq ka athii atsin pinthum miirii maq tiimiikhiiq raüta sito. Kiimaq wranaiqshe chamtraq tiipao tiipii raüta sito.

Luke 21:34

“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

1 Corinthians 15:32

Riita ngi raq ara Ephisia chela maq “Chiq jong liiha” rai wiita riikhat wankang kriika miinan han-ngam khushü jong miituli dea riikhat wan kang jiika, ngi ma jamlai liip apha dong chang wa sitliita? Shatmaq maiq ka amaa wa atra dong wanlot mak she dea nguta ngutlaq kra tengteng dea ngu raü jiika, arjaq bom tiihap wan tlaq, “Ai atra sitiikai bala, phaq asea chamtraq butja maq phaqsiq wan lili laitli polosiq rong i. Nashiq ka anap ranaiq wa tsaiki tiikai riila” ngutlaq kriidea miteng wa.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

1 Timothy 5:6

Shatmaq, juwa ango nang ka manti-nyung ngu raü, ngarai rilung peo lam phan niili sitlaq, kiikhiiti ka atra li siraü min, amaa ikhli.

1 Timothy 6:17

Juwa mangjong han-ngam rilung na chiithe sitlaq, kriiti ka naq shiikong rongkiq nguta tsii chongkuq laq. Shatmaq, tsangshiq tsan ka, ara athenkai chang phan tsiiq nai nyam thaq niika naq ran rongkiq, nguta chongkuq laq. Shatmaq, nashiq ma arong awin maq siwan miitu, phanrap nashiq ma raa tlaq phan ka phong tsoktsok keti we, Shiikeawe ma kam ronglaq nguta chongkuq laq.

2 Timothy 3:4

Tsangshiq ka joksaü liiqse miraq. Akhü thot hü ngi lepong we pherai tlaq ikha, maiq raq peng chang riimak miraq. Kiimaq tsangshiq ka tsangkhü tiingaraq maq siwan tili she miraq. Tsangshiq ka han-ngam peo lam ritti li she miraq. Shiikeawe ka rit mak she miraq.

James 5:5

Namrilung ka ara mangjong hiq maq, wok phetaktak, tiipong tiipii, namwok triim lanta siwan lan. Namkhum ka minsaü pongsetiim apü wiq, ataa phaq ma rüm tlaq ikha, Phangthum Khapho Ranaiq na, Shiikeawe rung na chap wan miitu she tiije thü wan lan.

1 Peter 4:3

Namshiq raq thatsang maiqse rilung ka man na, luhea asi wan kun she. Kra lea wan lan akhing na, ashe ashi rai riinyat shat, kiijoq kiicham, cherop nyiipthop, che raq chok lanta hi awaq kong ikha jechak maiqwe riitsam nyiim lanta, adam na riipo na siwan lan ihata. Kiimaq maiqphai asi chang sumla shomnoq riitsam nyiim lanta siwan lan ihata.

Revelation 18:7

Arilung na pilipiilii achhai anyii, chamtraq wok phetaktak tiipongpii wanto. Ümchaü sanha riitsi tsaitsiiq she tiichamchao wan laq. Among jii na tiishomrato, ‘Hokham nyung ka ngi la, manti-nyung ngi riimak la, maaho maajü jümii ngi raq sap mang la.’

1 SAMUEL 30:16

Krai mren, apaiq raq Dawit ka tsangshiq phana sheahoto. Riita kra rehuk jati kong kriika, tsangshiq tiibo chang hiq ba kiijaq riinyin riishin, atii abo, chenyang dungsea butja, tsangshiq raq Philistainnok hiq thun wa kiimaq Juda wang binjü wa maiqhiq long raüta, sepat lopi tsiiq anyam aho api min lotmak tsuq wan raüta, tsangshiq chojong chise maq wiinum sheawa poi jong klo raüta peosea lowanto.