James 4:15 - ASII LAKDAP Bible (BSI)

¹⁵ Namshiq riika akha ngutli riibom han chang: “Tatiwe raq thikuq raüta, atra sihai jiika, apaiq wokhong maq, nashiq raq phanshi ra miklo rong i ahiq, nguta tiima laita sitiikai.”

Hawa Naga Bible 2001

¹⁵ “Taungjix thuinroc httax ruiux yuq, naungshiq kuex rullungx tvraungx vtueq vruex yauk shuimc, kvruex yauk shuimc kuex shuimx lvp shix,” ngoz tueq nuimshiq rueq jungc mvy yaq rvtueq.

Muklom

¹⁵ Eshi kaley nim aa ira bat ching, “Teyhungwa nuk ajo í atharang tong ni etho esha somlo ni.”

James 4:15 Referencias Cruzadas

TAKSU LAK 19:21

Maiqse riika phanrap sham-akai mithapthi. Shatmaq Tatiwe raq, tiimatlaq kriili mihong wa.

AJONJÜ 3:37

Tatiwe raq thapthi tlaq kriili, wranaiqtek klo wan tlo.

Acts 18:21

Shatmaq apaiq raq akaiho ma, tsangshiq ma bom ka akha ngutli she chongkuq thiito, “Arka Shiikeawe raq thili. Apaiq raq thi raüka, ngi ka namshiq phana hali mijang wa nong kang.” Kra bomthü raütiishe, apaiq ka Ephisia maq laijong na diito. Raüta kihoto.

Romans 1:10

namshiq miitu min achu jaükuq tiikang kriika Shiikeawe raq asap. Ngi raq Shiikeawe ma tiitai wan kla, apaiq raq ahea nguta thimi tlaq jiika, ümchaü lak niika, ngi namshiq phana haisea wadam miitu, akhing mikuq ahiq nguta riichopi tiikang.

Romans 15:32

Riita, kra jaqsham kun jai she, Shiikeawe raq arka thuktlo dea nguta thapthi raüla, ngi ka chojong chise maq, namshiq phana misaü wan ha ahiq nguta tiima tiikang. Lata, namshiq rai tsailam jilam, khoqriiq shishiiq maq heashi haisea wan nguta tiima tiikang.

1 Corinthians 16:7

Ngi ka namshiq rai lamlea lam miili ka riimak. Shatmaq Tatiwe raq tiihongkuq raüla, samhea adam na chap nga wan rotiikang.

1 Corinthians 4:19

Ahea na, Shiikeawe raq ngi ma lungwii tlaq jiika, ngi ka namshiq phana jaqlo maq saü wan miitu akhing mikuq. Lata kra saü wan tiikang akhing niishetiq, I mak maq kiijaq kamasham na ningkun ajong rümti welabi nguta shiikong rai tlaqti kra milii waha. Tsangshiq raq ngi ma kamasham ningkun ka jaqsham maq tiichhike chang miraq.

Hebrews 6:3

Nashiq ka arthun ara lea wan kai she. Ümchaü sanha, wenyi na maiqla she jawan rong phiina! Shiikeawe raq lam dikuq raü jiika, nashiq ka sinkhu na wawan ruq mijong luwan rong i!

James 4:16

Shatmiitiq, namshiq ka Phungmaiqse ngu raü, ashkong tam li sitlan. Jamlai jamla kiinang wiila miklo rong i nguta ra weahü bom tlan. Akha tiitsaki rai tlan arka, Shiikeawe man na ajiq, bintang.