Luke 12:21 - ASII LAKDAP Bible (BSI)

²¹ Kiimaq Jesuq raq bom ka akha shatto, “Ara chong tiikang akhiisii maiq juwa han-ngam niili rongboq win tlaq, shatmaq, Shiikeawe maklii na, miitsan sitlaq, kriiti thun ka athum mirki.”

Hawa Naga Bible 2001

²¹ Yesu rueq vtvsuip jungx tueq, “Miqmac tvkoc tsak vnyvmx tvyoalc taq ruiux, Tishox htumc nuex lvp muq luz muq jix waz kuex kvruex luiz waungx waz rulc rv-ngvlc tuex,” ngoz tueq jungx kuq tueq.

Muklom

²¹ Uthun ma Jesu aa batta, “Utang eq tho piq ni piq rangma lik angin thajoq shing aa, etharin Shkewa miiksiin na tanglom ang moq ang ajo piq rangma irimal hun angna.”

Luke 12:21 Referencias Cruzadas

TAKSU LAK 13:7

Maiq wiijamti ka chiithe liiwa ikha tiibaingetlo, shatmaq miitsan sang sitlo. Maiq wiijamti ka miitsan maiqse ikha sitlo; shatmaq ajamkun na chiithejong sitlo.

Hosea 10:1

Israilnok ka spiqtsi tsung jonghea, atsi ango wanrang wiira. Chiithe lüwa arong awin. Shatmaq chiithejong ma jawan wan, phra sumla noq wan chang, berong-wacha, apa hai wanwan riito. Kiimaq ngi raq akuq wanha, hiqpo hiqwin tsanghiq shong chang, phra sumla shomnoq wan ma, tsomhea berong-wacha, pahea haiwan wan riito.

HABAKUK 2:9

“Phiiptsi chang jo ümniima! ümniiraq ümjamkun ka, mattsiiq tsa tsiiq maq, chiithe ma tiija wan laü. Ümniiraq ümjam ka liihawe chü ikha, raqkha khu na hai wan laü. Chiqse rewe raq thin wa mak, mirlaq nguta!”

Luke 12:33

Namshiq tachong wiira thun ka wiita sha lanta, kra sha kampho kra miitsan miijan maiqse ma kuq rong laq. Namshiq la kriika thenki mak chang phan kampho tek kra, tiije rong laq. Lanta, namshiq ka Ramungtan na chiithe ma jawan miitu tiije rong laq. Kiijaq tsiiq anyam ka wiihiiki mak miraq. Kiimaq ahuk arot min ahü she miraq. Kiimaq sap achhü riimin phaq mak miraq.

Luke 16:11

Riita, ija, namshiq ka ara mangjong hiq wa tsiiq nai nyam ara santla, tsapkapkap maq sham man riitlan jiika, tengman tlaq wenyi tsiiq nai nyam kriika, namshiq ma jamkho mitiisham?

Luke 6:24

“Shatmaq, ümchaü juwa chiithe lüwa nguta sitlanti ma, phiiptsi chang jonghea asi. Namshiq ka ümchaü chamtraq peo lanta sitlan!”

Romans 2:5

Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.

2 Corinthians 6:10

Naishiq ara acha apa ranaiq min, khoqriiq shishiiq miili sitiikai. Naishiq arka miitsan miijan maiqse ikhli sirai tiikai. Shatmaq naishiq raq maiq pahea ka chiithe lüwa ma tiija kuq wan tiikai. Naishiq ka jaqhü jihü ngo chang chang ikha sirai tiikai; shatmaq naishiq jaq na phanrap asi.

1 Timothy 6:9

Shatmaq, maiqse angu liipan na, juwa chiithe ma jawan hajaq nguta süram tlaq, kiikhiiti ka, sükha ngarai thiikho na dea tlo. Raüta, Thawe raq bi tsan tlaq kiijaq min rai tlo. Tsangshiq ka ajiq shakaq sükha kharü maq tiikha raüta, atiisup na tiimiqchup she tiidea hitbaiq tlo.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

Revelation 2:9

Ngi raq namshiq chamchao ka asapha. Namshiq ka thümse ngutiimin asapha. Shatmaq, namshiq ka chiithe jong! Maiq wiijamti, tsangshiq ka Jehudinok nguta tiingo tlo. Shatmaq, arot. Tsangshiq raq namshiq chongsiq tlo kiimin asapha. Tsangshiq ka Thawe shomnoqti kong!