Luke 12:21 - Hawa Naga Bible 2001

²¹ Yesu rueq vtvsuip jungx tueq, “Miqmac tvkoc tsak vnyvmx tvyoalc taq ruiux, Tishox htumc nuex lvp muq luz muq jix waz kuex kvruex luiz waungx waz rulc rv-ngvlc tuex,” ngoz tueq jungx kuq tueq.

ASII LAKDAP Bible (BSI)

²¹ Kiimaq Jesuq raq bom ka akha shatto, “Ara chong tiikang akhiisii maiq juwa han-ngam niili rongboq win tlaq, shatmaq, Shiikeawe maklii na, miitsan sitlaq, kriiti thun ka athum mirki.”

Muklom

²¹ Uthun ma Jesu aa batta, “Utang eq tho piq ni piq rangma lik angin thajoq shing aa, etharin Shkewa miiksiin na tanglom ang moq ang ajo piq rangma irimal hun angna.”

Luke 12:21 Referencias Cruzadas

TAKSU LAK 13:7

Miq wvyvmc kuex luiz waungx waz ikhoc yaungx yaq, yuq muinz yvmx muinz vguez. Miq wvyvmc kuex htemc saz waz ikhoc yaungx yaq, yuq muinz tsak vnyvmx paunghvlc guimz yaq.

Hosea 10:1

Israel miqsaz kuex vthuey paunghvlc thuey yaq svpiq ruiuz rulc rv-ngvlc yaq. Tsuingshiq rungwanx wvnc lelez, shomrawx htenc kuex paunghvlc tvhungx wvnc lelez rvtueq. Tsuingshiq mungtan pinhtumc rungwanx wvnc vtueq tsuingshiq rueq nawk palx juing tsuingshiq yauk maq vguirx vsawc lunghtung htenc kuex pinhtumc tvsvp rvp wuez tueq.

HABAKUK 2:9

Nuimshiq kuex vphoc rvhumc vtuinx! Yauk laungc yalawx maq vnyvlc tsak vnyvmx maq nuimshiq rueq miqmac yuimx wuinz kuex tvrungx wanx wvnc tuit, laungc maq miqmac jez kuex johvlc nuex jez yaq wushawx ikhoc miqmac yuimx kuex vhiz rac muq kvwungx lvp laz juing tvhungx vshuinx!

Luke 12:33

Nuimshiq hup vsvmx lotlaz kuex shaung vtueq lvp shuinx kuimphox kuex htemc saz jix muex phvlx kuq shuinz, thvmx muq ramx muq kuimphox htungc kuex gurx wuez shuinz, vguiuq muinz httuiuc lot muq, httvp rueq muinz tvbac lot muq raungmungx nuex vhtumx kay ngoz tueq vguez kuimphox tumz kvyuq yoalc taq shuinz.

Luke 16:11

Mungkawx tsak vnyvmx nuex seng vtueq nuimshiq tvmtuing vguez ngoz ruiux kuex, uraq lac nuimshiq muex tsuingrux tsak vnyvmx muik shauk kuex lekuq kv-phuinx?

Luke 6:24

“Yuq muinz luiz waungx jix htenc lex nuimshiq kuex kvhiz juing httax yaq; yvmx khoc lac ngoz ruiux lec majuiuc pat nuex nuimshiq kuex piauc hvlc httax vtuinx!

Romans 2:5

Yuq muinz mnoz kuex khux tvtsanc vtueq tharc humc muq, kvkhoc ningkhvnc nuex thuinkhvy phuk tuex yuq, tsuingrux khac phox shuex raungnuiyq kvkaq mnoz kuex pinhtumc mvrax yunghvlc lvp shuiux.

2 Corinthians 6:10

thuinbac ruiux muinz mkaq muinz kokez vtix; htemc saz jix ikhoc ngoz ruiux muinz miq paunghvlc muex tv-phoay rungx kuq vshix; vsuing jungx ix ngoz ruiux yuq, hup vsvmx phvnshiz muinz guimz miq ngoz ruiux muinz lotlaz kuex guimz vshix.

1 Timothy 6:9

Yuq muinz luiz waungx yaungc roc jix htenc kuex mvyx tvy rvhumc vtueq miqyaq nuiyc jamjaux tvrvhumc lvp yaq rvnphvnx lvmz paunghvlc vtsvnc nuex htuip kaz tsuiyc vtuex, kvruex kuex tsuingshiq tvbac tac tvsumx rumx juing nuex het htawc gay tueq.

James 2:5

Lungwawc phunox bix lex, tay wuez shuinz! Kvmluimx lvmx nuex rungwanx jix yaungx vtueq, vpiq muex lungwawc jix htenc muex kuq shaungx ngoz tueq bomkhvmc taq shec tueq raungx mungtan wawc tsak vnyvmx kuex lvp wvnc laung nuex Tishox rueq mungkawx vwawc htemc saz jix htenc kuex thvl wvnc tueq.

Revelation 2:9

Mnoz rvhumc toq kuilc daz nuiyc htemc vrvmc ngaz rueq tuiuz yaq; yuq muinz vsuing mnoz rungwanx vtuiux! Yuda miqsaz rvtauk ngoz tueq kv-ngoc ruiux, Yuda miqsaz rvmuq jix miqsaz htenc rueq mnoz yomnamc yaq honc vbac shummarc bomc jungphvnx yaq kuex ngaz rueq tuiuz yaq; vsuing ngoz ruiux tsuingshiq kuex Satan phungc wawc miqsaz htenc rvtueq!