JOSHUA 7:25 - ASII LAKDAP Bible (BSI) Kiimaq Joshua raq akha nguto, “Ümniiraq naishiq khuthaq na atin khan chamchao jam nguto tiisaü laü? Ümchaü san, Tatiwe raq ümnii miimin chamchao she mitii saü!” Raütiishe, mungmaiqse kunli raq Achan ka longmaq tiitsailaq tiiqbaiqto. Kiimaq tsangshiq raq ajamtitiim thun kiimin longmaq tiiqbaiqto. Raüta tsangshiq hupsam thun krai adam na wa maq chaqbaiqto. Hawa Naga Bible 2001 Yoshua rueq Akhan muex ngoc, “Mnoz rueq yvmx ngoc tueq lac naunghez muex kuilc daz tvhumc tonx? Majuiuc Yehowa rueq mnoz muex kuilc daz shex tvrvhumc kv-phux!” ngoz tueq ngoz kuq tueq. Kvruex yimaq Israel miqsaz htenc rueq Akhan kuex lung maq tuip vtueq thvt gay tueq; piq yuimx wuinz htenc nuiyc piq hup vsvmx htenc muinz lung maq tuip thvt gay ruiux wvr maq jauk gay tueq. |
Kiijiishe Jakob raq Simeon nai Lewi ma nguto, “Namnai raq ngi ma tsa she niqkuq lan. Ümchaü ka Kanannok, Perijaiqnok, kiimaq armung na siti maiq angu wiita raq ngi ka angeng she mirho. Ngi rai maiq ka atsap se li. Tsangshiq wiitarü ka adam na pong raüta, ngi khat wan raüla, nashiq jamti ka wiijamtam mitiithen baiq.”
Kra jai maq jipi lütsam sijai niishe maiq ashi ra raq Juda ma chongto, “Üm-nam-nyung Tamar ka mephe nyung ikhli sitlo. Ümchaü ka apaiq wiihan she.” Kra tai raüta Juda raq aming kuqto, “Apaiq ka chiiphai na hit ho ronglaq. Lanta wa na tiitsai laq chaqbaiq ronglaq.”
Akan ka karmi se kiimaq Jera ma saüse lai. Akan raq Shiikeawe ma honglu na akiinong kuq sepat lopi tsiiq ka thüto. Kra ngarai tang kha na apaiq raq Israil mung khuthaq na chamchao jonghea tiisaüto.
Thiimeaq tek raüta, maiq runti rilung ka, akhli thumki tlo. Maiqtseati ka maiqjaq na mitsai.
Ahuk arot piikii lam wa alap wan, tsiiq ka jamkun na thü raüla, maiqmii jamkun kli michamchao. Kra ningkhan tsiiqlap naqsiqkiq, rilung alu misi haü.
Kiimaq maiq weshi ra raq jechak nyung kra lamtlaq raüta kriithaq na krii-nyung ma anyung kra hali lam raüla, tsangtsam wiita tiitsailaq tseabaiq raa. Jamkhano ngukla tsangtsam raq nü na dong makchang ashut kloto. Akhnok ashut pinthum mra tiipinti maiq ka namshiq phong na tiisi maimak.
Israilnok ma akha chongkuq laq, “Namshiq phong wa ashi ra lo riimakla pongmungti wanshawe namshiq rai sidamti phong wa jurwa asetiim phong wa ashi ka Molekh sumla phra shomnoq miitu kuqtlaq kriiti ka mungmaiqse tlotli raq long maq tiitsailaq tiiqbaiq chang.
Kiimaq ramwe se jechakse ka mephe miila jaki raüla, apaiq raq awe khushü ka tiijamto. Apaiq ka wa na atra maq chaq raüta tseabaiq raa dongdii.
“Kriiwe ka piitiip phai na sheaho ronglaq. Kriiwe raq manson rea taiti thun maiq loweatek raq apaiq jaq ka kriiwe khupo na sham ratlo. Raüta kriiwe ka shutto dea nguta saqse kechang. Raütiishe nokwe raq apaiq ka long maq tiitsai laq tiiqbaiq ratlo.
Ngi raq tiima kla, namshiq tiimiiru rangtibi ka, tsangshiq raq maiqmii khum ka arthaq na chan raüta min, jasai maq han baiq raüta, ashoq wetiim ma jawan tlii raütli she misi laq nguta tiima tiikang!
Apaiq ka long maq tiinamtok tiiqbaiq ronglaq! Apaiq raq ümniika Ejip mung na maiqdise kong asi han wa dokda wanti Tatiwe namshiq Shiikeawe wokhong mong wa lamjiq na kiholaq nguta tiishonho danto.
Kra riihantiq, Israilnok tlotli raq jamlai mra wa pintaq kra wiita raq mitai. Raüta tsangshiq ka ahai she miraq. Kiimaq maiq ahinti jurmin akha ashut aphit jaqsham ka klo mak she miraq.
kriiwe ka chela phai na hit ho ronglaq. Lanta apaiq ka long maq tiitsaiqlaq tiiqbaiq ronglaq.
Kiijiishe kra chelati mungmaiqse raq kriise ka long maq tiitsaiqlaq tiiqbaiq chang. Namshiq raq akhnok abi maiqse ka alam mirbaiq han. Israil mungti kunli raq kra tsütsa ka mitai laq. Raüta tsangshiq hai misilaq.
Shiikeawe raq tri raü ka riikhaqli maq sham raüta kha mipho kuq. Apaiq raq ümchaü namshiq tiichamchaotibi ka mitiichamchao.
Namshiq ka, Shiikeawe kaphap wokhong nyang wa, lamjiq na kiho man chang miitu, tsii lam shat maq si ronglaq. Namshiq phong wa, jumin akhap atsuwiq pechong ma, naqja rongkiq. Kra chong jonglu wan raüta, nanok miatsii baiq wan ka raa mak.
Shatmaq ashthenbaiq chang hupsam kra namshiq raq jaqkaiq maq shamkai raamak. Kra riihanla, namshiq raq Israilnok piitiip na chamchao kiimaq athen ajen mitiisaü han.
Raüta juwe wa tsun tiikang, kiimaq apaiq jaq na ashthen baiq chang hupsam kra humjiiq, kriiwe ka apaiq rai ajamtitiim kiimaq ahup asam ümchuwa ajaq na sitlaq krai adam na, wa maq chaqbaiqchang. Jamkhano ngukla apaiq raq Israilnok khuthaq na phiiptsi chang jea tiingaüto kiimaq ngi raq akuqha tongshong tri jinto.”
Kiijiishe Jonathan raq treto, “Iwe raq mungmaiqse ma ajiq pinthum kloto! Liimanta, ngi raq ngiqngu phanshi sea kha na ihan ka aphin she!