JOSHUA 7:26 - ASII LAKDAP Bible (BSI)

²⁶ Tsangshiq raq apaiq maachiim na long maq phongnyung kaüshi she rongbaiqto. Kra longphong ka ümchaü min asili. Kra ningkhan tiina, kra hiq ba ka ümchaü min Chamchao Hiqwii nguta ngutlo. Kra lot jaishe Tatiwe ka tsangshiq ma khiqmak she riito.

Hawa Naga Bible 2001

²⁶ Tsuingshiq rueq piq maungx htauk kvyuq lung htenc phungc gay shec tueq, lung phungc kuex majuiuc raungnuiyq nuex httuiuc laz httax yaq. Kvruex tv-phvnc kvruex baung kv-ngoc Kuilc Daz Warc tvnx ngoz tueq muingc yaq. Kvkaq Yehowa kuex thuinkhvy shiz tueq.

JOSHUA 7:26 Referencias Cruzadas

2 SAMUEL 18:17

Tsangshiq raq Absalom maa ka piwanto. Raüta rum na hiqkhobok atsaüwiq ashi asi kra mong na dobaiqto. Raüta long kaü rong jonghea miishe pangbaiqto. Kiimaq Israilnok ka tlotli pintrangto. Raüta maiqmiimii jam niishe pin wanto.

2 SAMUEL 21:14

Kra raütiishe tsangshiq raq Saul nai Jonathan rok arii thun ka Saul ma awe Kish maalap chang chiim, Jela chela na lapto. Jela chela ka Benjamin wang binjü na riito. Arthun klolii wantaq arka hokhamwe raq aming kuqtaq kra phan phan saiqsam wanto. Arthun ara klo lot jai she, Shiikeawe raq mung miitu achu jaütlaq kra trekuqto.

2 KAÜWA WERAÜ 29:10

“Riita ümchaü ngi raq Tatiwe Israilnok Shiikeawe rai tongshong wan ratlo nguta thapthi wankang she. Kra riihai jiitiq apaiq ka nashiq ma atsan tiikhiq mak she miraq.

EJRA 10:14

Arningkhan, kha phoke ma jiika, naishiqnok mungtu shiilang welare ka, Jerusalem na ahai chang miraq. Raüta ara kha ara photsiimke wan miitu shiipan pin towan chang miraq. Raüta, juju riiwa pongnok phan sheare lamtaq, kriiti thun ka, khaphoke ranaiq tiihongtlaq akhing na sheaho raüta, maiqmii hiqshongti welare, kiimaq phowebi kra apaiq rai nongnong sheaho raüta, riiphotsiimki raüjaq ahea miraq. Kha ka tritsi kuq wan raü jiitiq nashiq khuthaq na Shiikeawe tsankhiq sitlaq kra mishi wan!”

Tvtsvmc 85:4

Manna jamkho arong awin sikai kiikha tiisi wan nonglaq, O Shiikeawe naishiq chhiitiwe lei, laüta naishiq ma ümtsan ka naq tiibikiq she!

DUNGWVNC 32:12

Ejip mungti ma ümniiraq ümsenginok ka Ejip mungwa tsuq wan laüta pum thun na tiisii rai jiipbaiq wan miitu tsuq wanto nguta jaram tiingo wa? Naqkhiq kiq tsaq liishe. Üm tiima ka klai laq. Kiimaq ara phiiptsi chang chongthum mra ka ümsenginok thaq na naq tiisaükiq.

ISAIA 40:2

Jerusalemti ma tsaiji dokuq ronglaq. Tsangshiq ma chonglaq, tsangshiq luhea she chamchaoto, kiimaq tsangshiq ngarai thun ka ümchaü diibaiqto she. Ngi raq tsangshiq ngarai homa kra khan khan hongli mo tiihokang she.”

ISAIA 65:10

Tsangshiq raq Ngi mishomnoq wan. Raüta tsangshiq skukong nai minsaü kong thun kra shenyap nü na Sharon Tan na nyiim lung tan na midung wan. Kiimaq Shedong nü na Chamchao Tan kiijaq midung wan.

AJONJÜ 3:53

Tsangshiq raq ngi lap raüta, atra maq hiqkhobok na tiidea baiqto. Raüta long maq pangbaiqto.

Hosea 2:15

Lata apaiq ma spiqro thun kra, mijangkuq nongha. Lata Chamchao Hiqthung Tan ka, aran phan chang kilüchong miishe mitiija wan ha. Kiijaq apaiq raq ibom ka man na, apaiq junriiji na, Ejip mung maq saü wantaq akhing na, ngi ka jamkho lungwiitaq, kiikhahali milungwii nong.

Hosea 2:17

Jamkhano ngukla kra akhing na, Ngi raq anübok wa Baal phra mang thun ka alamshe mirbaiqha. Krai mren Baal phra mang thun ka tsangshiq nübok maq dongmak she miraq.

Yoel 2:13

Namkhu namkhea chailanta riimak, namtsantsii ka chai lanta, Warong ra, jang wan ronglaq nam Tati Shiikeawe phana. Apaiq pinthum ka mangchan rümtiwe. Apaiq ka pinthum anin wantiwe. Apaiq kiqkham ka tiipoi mak phan. Apaiq ka shokkhot nokhot tsiiti, mra kechang lam wa tsii klaitlo.

Yoel 2:18

Kra riikiitiishe Tatiwe raq asenginok mangchanto. Apaiq raq asenginok khuthaq na, tiihang wan mangchan tsii tiichhikuqto.

Jona 1:15

Kra raütiishe, tsangshiq raq Jona ka sammoktra jü mong dobaiqto. Krai mren, rathaiq kiimin sangsaq li she sangkito.

JEKERIA 6:8

Kiijiishe rase raq ngi ma tiihong raüta, “Liilaq, Bebilon mung shekhu nü na wawantaq kumrang leng raq Tatiwe tsankhiq ka tiishi kuqto she,” nguta chongto.

WEAWEA 25:8

kra maiqwe nai jechak nyung kra tsangshiq nyap wataq tombutiip mong na jowanto. Raüta piq maq tsangnai wiita tlat chhat tiitsai laq shuk baiqto. Apaiq raq akha klo raüta thabi dongraq Israilnok phaq wantlaq kra tiitsaqto.

TRI CHONGKE 13:17

Kra miqchup shiithen baiq chang nguta atiishut baiq hupsam kiiwa jamlai min namshiq maiqmii miitu naq thü rongkiq. Kra riihan jiitiq Tatiwe tsankhiq walüwa ikha nyaitlaq kra atsaq she miraq. Raüta namshiq ma tiihang mangchan mitiichhikuq. Kiimaq apaiq raq namshiq ma tiihang mangchan mitiichhikuq wan. Kiimaq namshiq ka namtitiim ma kiqkham kuqtaq kra phan phan awealot maiq ka pahea mitiipuchi kuq wan.

TRI CHONGKE 13:18

Ümchaü ranaiq ngi raq namshiq ma aming thun kuqkang kra wiita namshiq raq lang hanla kiimaq apaiq raq jamlai wa chongtlaq kra phan phan jaqsham hanla ara chongtlaq shiiman ka mihong wan.

JOSHUA 10:27

Raüta raji rashe nyap niishe, Joshua raq aming kuqto. Raüta tsangshiq maa ka pechong wa tiisat diito. Raüta kongkhuji na, tsangshiq tiipaü chang longsha kriijaq tiido baiqkito. Raüta longkaü ajong jong maq longsha kilü kiijaq phong baiqto. Kra longkaü phong ka ümchaü min sishatli.

JOSHUA 7:24

Raütiishe, Joshua nai Israilnok mungmaiqse wiita raq, Achan ka kampho, samtongjong kaü, kiimaq chaq ngam pan, kiimaq Achhan setiim maiqwesere, kiimaq asetiim jechaksere, apaiq minsaü kong, kumtoq kong, kiimaq skukong, kiimaq apaiq tombutiip kra, kiimaq apaiq jaq na hupsam ümchuwa rümtlaq kra thun krai nong nong maq laphoto; raüta tsangshiq raq tsangshiq ka Chamchao Hiqwii kiiniishe sheahoto.

JOSHUA 8:29

Apaiq raq Ai chela hokhamwe ka pechong na tiishak paqbaiqto. Raüta amaa ka raji na tiisaüli tiipaq shatli riito. Raji, rashe nyap akhing na, Joshua raq amaa ka diibaiq miitu aming kuqto. Raüta chela na nyap wan chang kilamchong phai na tiidobaiqto. Raüta tsangshiq raq long pahea maq rongbaiqto. Kra longrong ka ümchaü niitaq sishatli.