JOSHUA 7:26 - Hawa Naga Bible 2001

²⁶ Tsuingshiq rueq piq maungx htauk kvyuq lung htenc phungc gay shec tueq, lung phungc kuex majuiuc raungnuiyq nuex httuiuc laz httax yaq. Kvruex tv-phvnc kvruex baung kv-ngoc Kuilc Daz Warc tvnx ngoz tueq muingc yaq. Kvkaq Yehowa kuex thuinkhvy shiz tueq.

ASII LAKDAP Bible (BSI)

²⁶ Tsangshiq raq apaiq maachiim na long maq phongnyung kaüshi she rongbaiqto. Kra longphong ka ümchaü min asili. Kra ningkhan tiina, kra hiq ba ka ümchaü min Chamchao Hiqwii nguta ngutlo. Kra lot jaishe Tatiwe ka tsangshiq ma khiqmak she riito.

JOSHUA 7:26 Referencias Cruzadas

2 SAMUEL 18:17

Tsuinghez rueq Absalom maungx kuex lvmz vtueq yaruix rumz wawc ghaqkhurx thuiuz hvlc vshiz nuex tvdvy gay ruiux, lung maq phungc gay shec tueq. Israel miqsaz htenc muinz miqmac yuimx nuex yuz wvnc wuez tueq.

2 SAMUEL 21:14

Kvruex yimaq Sholu nuiyc Yonathan ruk vrawz htenc kuex Benjamin ghaq hong, Zela ghaq wawc Sholu waz Kish luip ruiuz khux nuex luip tueq, tsuinghez rueq muinz hokhvmx waz rueq nvr tueq rulc rv-ngvlc shuimx kaz wuez tueq. Kvruex yimaq mungtan tvkoc tsuinghez rueq vjux thoz tueq kuex Tishox rueq tay kuq tueq.

2 KAÜWA WERAÜ 29:10

“Majuiuc ngaz rueq Yehowa Israel Tishox rulc bomkhvrc tvy tvkoc dvnc vshaungx, vpiq kuex naungshiq muex loayc hvlc kuex khaq tuex rvmuq.

EJRA 10:14

Nuiyshiq vyungx vlaungx bix kuex Yerusalem nuex httax vtueq vruex yauk shuimc htenc kuex mtvrungx raz shueq. Kvkaq pungnuk shvlx rulx rulc httaz ngaungc jix waz ukhaq yuq muinz htvp htaz kuq tueq vkhing vyuq walaungx bix nuiyc phoc waz bix rulc vdvmz nuex mkaz wuez kueq. Vruex lvmz ningkhvnc nuex Tishox thuinkhvy kuex shiz wvnc tuex,” ngoz tueq jungx wuez tueq.

Tvtsvmc 85:4

Nuiyshiq palc wvnc jix O Tishox lex, nuiyshiq kuex kungkhux wawc ikhoc tvyez shvlx wvnc koq, nuiyshiq lawc roc muq muex nauk yaungx kaz!

DUNGWVNC 32:12

Mmiq htenc htauk nuex kuilc daz vruex nauk tvhttuiuc kaz, mthuinz layc yek vtueq thuinkhvy kuex tvshiz gay shuiuz; Ejip miqsaz rueq ngoc, mnoz rueq mmiq htenc kuex kuz vkanx htenc nuex gvl wvnc vtueq lotlaz thvy gay tvkoc, Ejip mungx wawc tvdung shvlx wvnc vshuex ngoz tueq tv-ngoc roc haz?

ISAIA 40:2

Yerusalem ghaq jix muex hungc vlaungc kuq shuinz. Tsuingshiq kuex loayc hvlc kuilc daz wvnc tueq ningkhvnc nuex tsuingshiq mvrax htenc majuiuc dawc kuq gay tauk lvmx tsuingshiq muex jungx shuiuz. Ngaz rueq tsuingshiq kuex tsuingshiq mvrax lotlaz tvkoc nuex mvrc laq murx tvgurc tauk,” ngoz tueq jungx tueq.

ISAIA 65:10

Tsuingshiq rueq ngaz muex nawk palx ruiux tsuingshiq khelbuenx nuiyc suiux vngac htenc kuex shalx nyuip kox Sharon tvnx nuex nuiyc shaldungc kox nuex httax yaq Kuilc Daz Warc tvnx nuex tvguilc remx yaq.

AJONJÜ 3:53

Tsuinghez rueq ngaz kuex ghaq khurx mungx nuex vtvraungx tuip gay vtueq lung maq puingc gay phuex.

Hosea 2:15

Ngaz rueq piq svpiq sunc htenc kuex yez kuq yek ruiux Kuilc Daz Warc tvnx kvmuinz thuinz tvluimc juing kaluix muex tvyaungc shaungx. Piq yalxtux jauz Ejip mungx maq wawc wvnc tueq nuex piq rueq shuimx tueq ikhoc piq rueq ngaz muex lungwawx yek phuex.

Hosea 2:17

Ngaz rueq piq muex Bala muingc kuex mkaq muinz tvjungc yek shaungx rvmuq.

Yoel 2:13

Nuimshiq thuinbac vtuinx kuex tvkhic laz juing; nuimshiq thuinz vmungx kuex tvbunx gay shuinz, khoz vkhvy juirc gay kvdvyx hungx muq,” ngoz tueq. Yehowa nuimshiq Tishox kox nuex yek waung luit. Vpiq kuex menjenc thuinz nuiyc lungwawc thuinz vmvrx httax yaq; vpiq kuex thuinz vluz maq vpiq bomkhvmc rulc rv-ngvlc shuimx yaq; vpiq rueq murx tvgurc muex rvmuq, mvrax dawc kuy tvkoc mkaq muinz tvyoalc yoalx rvtueq.

Yoel 2:18

Kvruex yimaq Yehowa rueq vpiq mungtan tvkoc rvwvl tvmaung yaq kuex tvkhic tueq; vpiq rueq vpiq miqsaz htenc muex menjenc yaq.

Jona 1:15

Kvruex yimaq tsuinghez rueq Yona kuex tenz vtueq svmuktvrax nuex tuip gay tueq, kvkaq dvyx svmuktvrax kuex suingx kaz tueq.

JEKERIA 6:8

Kvruex yimaq raungkamx waz rueq ngaz muex, “Ghaqkhux kox Babelon mungx nuex kaz wvnc tueq mvre htenc rueq Yehowa thuinkhvy kuex tvshiz gay tueq,” ngoz tueq ramc phuex.

WEAWEA 25:8

kvruex waz nuiyc yalxjuik nyuiuz httax yaq tap kvyuq phvnx laq vtueq, vnueyc wvtaungx paq maq shuiuq thvt gay tueq. Ekvkhoc maq jix Israel tvbac yaq htaungkuiyq kuex tvsuingx gay tueq,

TRI CHONGKE 13:17

Tvbac gay juing phvnx htenc kvwawc phvnx shishiz kuex miqmac tvkoc nauk lvmz taq kaz, kvkhoc shuimx kaz ruiux yuq Yehowa kuex vthuinz khvy shiz ruiux nuimshiq kuex menjenc kv-phuinx. Ngaz rueq majuiuc raungnuiyq jungx kuq vphaungx kvjaz htenc kuex phvnx vtueq vpiq thuinroc lvmx shuimx kaz ruiux yuq, nuimshiq jix vwaz tamx muex bomkhvmc kuq tueq rulc rv-ngvlc vpiq rueq nuimshiq muex menjenc vtueq, nuimshiq miqphvnx kuex tvpux panz wvnc shuex.

JOSHUA 10:27

Shalx nyuip wvnc koq tueq Yoshua rueq vmaungx htenc kuex pulx jungx wawc dawc vtueq, tsuinghez kvhttuiyq httaz juing lungshaung kvyuq tuip gay tvkoc nvr tueq. Lungshaung kuex lungbux htenc maq puingc gay shec tueq, kvruex kuex httax hvt dvyx doc.

JOSHUA 7:24

Yoshua nuiyc Israel miqsaz htenc rueq Akhan maq raz tueq kuimphox, hungluz khvy nuiyc kuimshawx pvl muinz, piq suiuz vsaz hez htenc, khelbuenx, manx, loze, tap nuex piq rueq guimz yaq hup vsvmx httax yaq lotlaz muinz Kuilc daz Warc nuex shvlx laq tueq.

JOSHUA 8:29

Piq rueq Ai hokhvmx waz kuex raungx tvyac laz pulx jungx nuex tvshuirc pauk gay tueq. Raungyac wvnc koq tueq Yoshua rueq nvr tueq rulc rv-ngvlc vmaungx kuex tvsvt dawc vtueq, ghaqyungx palx kaluix lvmx nuex nyuip waungc juing lvmx nuex tuip gay ruiux, kvruex htauk kvyuq lung phungc yunghvlc phungc taq shec tueq ningkhvnc nuex majuiuc nuex httuiuc laz kvyuq httax hvt dvyx doc.