JOSHUA 7:25 - Hawa Naga Bible 2001

²⁵ Yoshua rueq Akhan muex ngoc, “Mnoz rueq yvmx ngoc tueq lac naunghez muex kuilc daz tvhumc tonx? Majuiuc Yehowa rueq mnoz muex kuilc daz shex tvrvhumc kv-phux!” ngoz tueq ngoz kuq tueq. Kvruex yimaq Israel miqsaz htenc rueq Akhan kuex lung maq tuip vtueq thvt gay tueq; piq yuimx wuinz htenc nuiyc piq hup vsvmx htenc muinz lung maq tuip thvt gay ruiux wvr maq jauk gay tueq.

ASII LAKDAP Bible (BSI)

²⁵ Kiimaq Joshua raq akha nguto, “Ümniiraq naishiq khuthaq na atin khan chamchao jam nguto tiisaü laü? Ümchaü san, Tatiwe raq ümnii miimin chamchao she mitii saü!” Raütiishe, mungmaiqse kunli raq Achan ka longmaq tiitsailaq tiiqbaiqto. Kiimaq tsangshiq raq ajamtitiim thun kiimin longmaq tiiqbaiqto. Raüta tsangshiq hupsam thun krai adam na wa maq chaqbaiqto.

JOSHUA 7:25 Referencias Cruzadas

RAPHA HIQWA LAK 34:30

Yaku rueq Simeon nuiyc Lewi muex ngoc, “Nuimnueyc rueq ngaz muex kuilc daz shex tvrvhumc phuinx; majuiuc Kanaan miqsaz, Perizi miqsaz nuiyc vruex mungx wawc miq lotlaz rueq ngaz vruex shex shuiuc wuez phuex. Ngaz kox nuex miq kuex raungluingx saz dvyx httax yaq; mkhoc shoc maq tsuingshiq rvtuimx vtueq ngaz kuex kheltoal khvt wvnc ruiux yuq, naungshiq wvtaungx tuimx tvbac gay rvhumc tix,” ngoz tueq jungx tueq.

RAPHA HIQWA LAK 38:24

Yapix lex thuimx yix maq miq vshiz rueq Yuda muex ngoc, “Mnvmx nyuiuz Tama kuex mephex nyuiuz muex yaungx vtueq miq washiz shiz rulc guilc ngaungc vtueq majuiuc wvgvnz shex,” ngoz tueq jungx kuq tueq. Yuda rueq, “Piq kuex ke-phic nuex shvlx laq vtueq wvr maq jauk gay shuinz,” ngoz tueq.

1 KAÜWA WERAÜ 2:7

Akhan kuex Zera suiuz vsaz vshiz wawc Karmi saz rvtueq, Tishox muex vlekuy wuez hup vsvmx htenc kuex lvmc wvnc ningkhvnc nuex Israel miqsaz muex kuilc daz jamjaux tvrvhumc tueq.

TAKSU LAK 1:19

Vnyvlc yauk shuimc jix waz rullungx kuex vnyvlc yauk shuimc nuex mkaq muinz thueyc tuex. Vruex kuex yauk laungc yalawx shuimx vtueq thuiuzthuic tvraungx yaq jix htenc rvhumc yaq lvmx rvtueq.

TAKSU LAK 15:27

Vyaq vphaq kvmungx maq vlap vphawx lvp tvkoc hunglaungx ruiux yuq, m-yuimx wuinz htenc kuilc daz rvhumc tuex. Khauloayc yauk noalc thoz muq ngoz ruiux mnoz rullungx luz tuiux.

LEWI 20:14

Miq washiz shiz kuex vsaz nuiyc vnyuiuz vnueyc wvtaungx vjuik muex tvyaungc ruiux yuq, tsuingthuimx kuex wvr nuex juiuz gay rax, yvmx khoc lac ngoz ruiux lec miqyvlc vsac phvnx shuimx ningkhvnc nuex rvtueq; nuimshiq nuex kvkhoc yvlc svy juing nauk ruez kaz.

LEWI 20:2

Israel miqsaz htenc muex vkhoc jungc tvkoc nvr tueq, “Nuimshiq wawc ukhaq ngoz ruiux muinz, nuimshiq rulc vdvmz httax jix pungnuk miqsaz ukhaq ngoz ruiux muinz, Molek tishox muex nawk palx yaq kvyuq miqmac suiuz vsaz kuy gay jix waz kuex, mungx miqsaz htumc nuex lung maq tuip thvy gay rvhumc tuex.

LEWI 21:9

Shomc waz saz yalxjuik kuex mephex yaungx vtueq, vwaz tvyvlc sac tueq ningkhvnc nuex wvr maq juiuz gay rax.

LEWI 24:14

“Piq kuex jerak phic kvyuq tvdung laq shuiuz. Piq mvrax lvp tueq kuex hakhix yaungc tvkoc piq rueq ngoz tueq kvjaz tay jix hez rueq piq khux kvyuq yauk tvdaungc wuez rax, kvruex yimaq jix miq rvtuimx yaq daungx kvraq lung maq tuip thvy gay rax.

Galatians 5:12

Nuimshiq muex tvruing raung kuy jix miq htenc kuex vhttoar gvnc vhtungx lvmz yaq kvdvyx muinz rvmuq, miqmac shauk gvnz kvmuinz vtonx rvgay ruiux yuq vhvlx rvtuex!

TRI CHONGKE 13:10

Piq kuex lung maq tuip vtueq thvy gay rax! Nuimshiq Ejip mungx nuex dax muex yaungx tuit wawc palc tvdungc wvnc jix Yehowa nuimshiq Tishox kuex tvdux gay tvkoc piq rueq tvshonx ronx yaq.

TRI CHONGKE 13:11

Kvruex yimaq Israel miqsaz htenc rueq kvkhoc yaungx wvnc tueq lvmz kuex tay vtueq hiyaz ruiux; kvkhoc layx vbac kuex yix maq uraq muinz ruez khvmc wuez shuex rvmuq shex.

TRI CHONGKE 17:5

kvruex waz kuex ke-phic nuex shvlx laq vtueq lung maq tuip vtueq thvy gay rax.

TRI CHONGKE 21:21

Kvruex yimaq ghaq miqsaz htenc rueq kvruex nox kuex lung maq tuip vtueq thvy gay rax, vyaq vrax phvnx kuex nuimshiq rueq ekvkhoc maq tvdux gay lot shuinx. Israel miqsaz htenc rueq kvkhoc thaungc kuex tay vtueq hiyaz wuez tuex.

2 Thessalonians 1:6

Tishox rueq vlvmz tvrac maq shuimx shuex ningkhvnc nuex nuimshiq muex vkuilc vdaz tvrvhumc jix kvmac vkuilc vdaz tvyez kuq shuex.

Hebrews 12:15

Tishox kejux wawc kvyez wvnc jix yaungx muq mruez kueq, tvwungx wuez shuinz. Vkhuip pulx ruingx kuex peluz wvnc vtueq piq vyangx maq kuilc daz paunghvlc tvrvhumc kuq yaq ikhoc, nuimshiq ukhaq nuex muinz kvkhoc yaungx muq mruez kueq, honc lvmz wuez shuinz.

JOSHUA 6:18

Yuq muinz tvbac gay juing phvnx htenc kvwawc nuimshiq rueq yvmx muinz lvmc mvy muq; mkhoc shoc maq nuimshiq rueq kvkhoc ruez ruiux yuq, Israel miqsaz jerak nuex vkuilc vdaz nuiyc tvbac gay rvhumc tuinx.

JOSHUA 7:15

Kvruex yimaq httauk tvdungc rvhumc jix waz kuex tvbac gay juing hup vsvmx rulc vdvmz nuex khiz shuinx waz kuex, ngvy bomkhvrc tvbac gay ruiux Israel tvhiz yaz tvyvlc sac juing phvnx tvrvhumc tueq ningkhvnc nuex, piq muinz vyuimx wuinz htenc muinz, piq rueq guimz yaq hup vsvmx phvnx ruip saz htenc kuex juiuz gay rax,” ngoz tueq jungx tueq.

1 SAMUEL 14:29

Yonathan rueq, “Iwaz rueq naungshiq miqsaz htenc muex kvhiz juing yauk shuimc yvmx ngoz tueq lac shuimx gay tvnx! Lawc shuiuz nyaq ngurx raungluingx saz saq vtueq ngaz mtanc lac httuingx wvnc vtaungx nguinx!