Biblia Todo Logo
La Biblia Online
- Anuncios -




JOSHUA 7:24 - Hawa Naga Bible 2001

24 Yoshua nuiyc Israel miqsaz htenc rueq Akhan maq raz tueq kuimphox, hungluz khvy nuiyc kuimshawx pvl muinz, piq suiuz vsaz hez htenc, khelbuenx, manx, loze, tap nuex piq rueq guimz yaq hup vsvmx httax yaq lotlaz muinz Kuilc daz Warc nuex shvlx laq tueq.

Ver Capítulo Copiar

ASII LAKDAP Bible (BSI)

24 Raütiishe, Joshua nai Israilnok mungmaiqse wiita raq, Achan ka kampho, samtongjong kaü, kiimaq chaq ngam pan, kiimaq Achhan setiim maiqwesere, kiimaq asetiim jechaksere, apaiq minsaü kong, kumtoq kong, kiimaq skukong, kiimaq apaiq tombutiip kra, kiimaq apaiq jaq na hupsam ümchuwa rümtlaq kra thun krai nong nong maq laphoto; raüta tsangshiq raq tsangshiq ka Chamchao Hiqwii kiiniishe sheahoto.

Ver Capítulo Copiar




JOSHUA 7:24
18 Referencias Cruzadas  

Mnoz rueq mvrax vguez jix miq kuex mvrax vhttax jix miq rulc roc nuex thvt gay shuiux rvmuq! Mnoz rueq kvkhoc kuex ruez shuiux rvmuq. Mnoz rueq kvkhoc ruez ruiux yuq, mvrax vguez miqsaz kuex mvrax vhttax miqsaz rulc vdvmz murx gurc rvhumc tuex. Kvkhoc kuex rvmuq. Ghaq lotlaz muex khac phoc jix waz rueq tvrac vlvmz maq phox kuq shuex rvtueq,” ngoz tueq wiz tueq.


Layx bac jix tsuingshiq rueq vguiuq tsak vnyvmx htenc kuex vphaay rvgay yaq; Tishox rueq kvruex kuex tsuing -shiq wuk mungx wawc tvdung lvmz gay yek yaq.


Yac yuimx kuex bumx vtueq nauk nawk, nauk nawk palx kaz, yvmx khoc lac ngoz ruiux lec ngaz kuex Yehowa nuimshiq Tishox rvtauk, ngaz rulc rvlongx mvy muq. Ngaz muex shuiuc pac jix kuex tsuingshiq suiuz vsaz pat thuimx nuiyc pat bvlic nuex httuiuc laz murx tvgurc shaungx.


Vyaq vphaq kvmungx maq vlap vphawx lvp tvkoc hunglaungx ruiux yuq, m-yuimx wuinz htenc kuilc daz rvhumc tuex. Khauloayc yauk noalc thoz muq ngoz ruiux mnoz rullungx luz tuiux.


Vruex mungkawx vyuq kvhiz juing yaungx yaq phvnx shiz ngaz rueq khiz tauk: miq htenc rueq baunglaung shiz tvkoc nuex tsuingshiq kuimphox kuex yoalx taq wuez tueq, kvruex tsuingshiq muex rax ruiux yuq,


Tsuingshiq rueq ngaz muex nawk palx ruiux tsuingshiq khelbuenx nuiyc suiux vngac htenc kuex shalx nyuip kox Sharon tvnx nuex nuiyc shaldungc kox nuex httax yaq Kuilc Daz Warc tvnx nuex tvguilc remx yaq.


Ngaz rueq piq svpiq sunc htenc kuex yez kuq yek ruiux Kuilc Daz Warc tvnx kvmuinz thuinz tvluimc juing kaluix muex tvyaungc shaungx. Piq yalxtux jauz Ejip mungx maq wawc wvnc tueq nuex piq rueq shuimx tueq ikhoc piq rueq ngaz muex lungwawx yek phuex.


Kuilc daz Warc tvnx maq Debir ghaq nuex duiz woz tueq, kvmaq raz tueq warc tvnx yaz nuex httax yaq Adummim kanx Hvl rulc khaungx rvralc Gilgal ghaq httax yaq ghaqkhux kox nuex kvroz wvnc tueq. Kvmaq raz tueq Enshemesh yuix dungc maq duiz wvnc vtueq Enrogel nuex tiq,


Zera saz Akhan rueq muinz tvbac gay tvkoc vhtvp htaz wuez hup vsvmx kuex lvmc lvy ningkhvnc nuex Israel miqsaz wvkung tuimx muex murx tvgurc tueq kuex rvwvl wuez shuinz. Piq rueq shuimc tvyaq ningkhvnc nuex Akhan piq washiz dvyx thueyc tueq rvmuq,” ngoz tueq jungx tueq.


Yuq muinz tvbac gay juing phvnx htenc kvwawc nuimshiq rueq yvmx muinz lvmc mvy muq; mkhoc shoc maq nuimshiq rueq kvkhoc ruez ruiux yuq, Israel miqsaz jerak nuex vkuilc vdaz nuiyc tvbac gay rvhumc tuinx.


Tsuinghez rueq ghaqyungx mungx nuex httax yaq miqwaz, yalxjuik, nyuiuz waz nosaz lotlaz nuiyc khelx vmanx, khelbuenx nuiyc loze htenc lotlaz kuex yaung maq soalc gay tsuiyc tueq.


Yehowa rueq Israel miqsaz muex Yerikho ghaq wawc taungx vwawx phvnx ruip saz kuex lvmz muq maq tvbac gay tvkoc nvr tueq rvhvt maq phvnx muq. Vmuingc Akhan ngoz yaq waz rueq kvruex kvjaz kuex phvnx muq ningkhvnc nuex Yehowa kuex Israel miqsaz muex pinhtumc khaq tueq. (Akhan kuex Yuda phvnx wawc taungkhoz taunghtaq rvtueq Zera taungx nuex seng yaq Zabdi suiuz, Karmi saz rvtueq.)


Tsuinghez rueq hup vsvmx htenc kvruex Yoshua nuiyc Israel miqsaz htenc kox nuex lvmz wvnc vtueq, Yehowa httax yaq nuex taq wvnc tueq.


Tsuingshiq rueq piq maungx htauk kvyuq lung htenc phungc gay shec tueq, lung phungc kuex majuiuc raungnuiyq nuex httuiuc laz httax yaq. Kvruex tv-phvnc kvruex baung kv-ngoc Kuilc Daz Warc tvnx ngoz tueq muingc yaq. Kvkaq Yehowa kuex thuinkhvy shiz tueq.


Síguenos en:

Anuncios


Anuncios


¡Síguenos en WhatsApp! Síguenos