JOSHUA 24:13 - ASII LAKDAP Bible (BSI)

Ngi raq namshiq ma hiq namshiq raq ümtiikiimin shamsiq man kra kuqkang. Kiimaq chela thun namshiq jaq maq atei wan han riimak thun kra kuqkang. Ümchaü namshiq ka kiijiishe sitlan, lanta spiqtsi namshiq raq chhijang man kriiwa pansiq tlan, kiimaq olip tsi ka achong wa, namshiq raq achhi han riimak kiiwa pansiq tlan.’”

Hawa Naga Bible 2001

Nuimshiq rueq vlix vlaung mkaq muinz max khic yuingc shauk ghaq vraungx, nuimshiq rueq max guirx max tec shauk ghaqyungx htenc ngaz rueq nuimshiq muex kuq phaungx. Majuiuc nuimshiq kuex kvruex yuq httax vtueq, nuimshiq rueq khic yuingc muit svpiq sunc wawc svpiq thuey, nuimshiq rueq khic yuingc muit olip jungx wawc olip thuey kuex phauk saq lvp shuinx,’ ngoz tueq jungx tueq.

JOSHUA 24:13 Referencias Cruzadas

DUNGWVNC 6:8

Ngi raq namshiq ka Ngi raq sinkham ramkham tiibok lata, Abraham ma, Isak ma, kiimaq Jakob ma armung ara mikuq kang nguta kiqkham kuq kang, kra mung kiiniishe namshiq ka mishea wan kang. Kiimaq Ngi raq kra mung ka namshiq ma tachong hupsam miitu she mikuq kang. Ngi ka Tatiwe.’”

TAKSU LAK 13:22

Maiqshaqti riika asaü asetiim ma, tachong hupsam thüthütlo. Shatmaq ngarai maiqsetiim tsiiqtum ka, kechu maiqsetiim jaq na saüwatlo.

TRI CHONGKE 19:1

Mosheq raq Israilnok ma nguto, “Tatiwe üm Shiikeawe raq maiq mung thun kra wiita miqchup jiipbaiq raüta, ümniima like wan jai na, kiimaq ümniiraq tsangshiq chela thun nai jam thun kra jiiwan laüta siwan tlaü na,

TRI CHONGKE 8:7

Tatiwe namshiq Shiikeawe raq namshiq ka hiqpo hiq win mung niishe tsuq wantlo. Kra mung niika khamrai thun nai juse raisetiim pahea asi. Kiimaq hiq mong maq aphok alok adong khamserai setiim pahea. Kriithun ka hiq thung tan thun na nai ku akin thun kiina kihotlo.

JOSHUA 11:13

Kiitiina, Israilnok riika hiqlamsetiim na atei chela thun ka chaqbaiq mak dea riito. Shatmaq Hajor chela kli Joshua raq wa maq chaqbaiqto.

JOSHUA 21:45

Tatiwe raq Israilnok ma kiqkham kuqtaq bomtsi thun ka poshi min tiipoi mak maq, thumthum tiihong kuqto.