Ranaiqshi raji ramwacho na, Dawit ka armankon wa samkito. Raüta apaiq hokham jam wukhu thung kiijaq wato. Apaiq ka kra wukhu thung na akhum ashiim sea lam maq, apaiq raq jechak nyung ashi ajühea rea chhito. Kriinyung ka pinthum shamheawiq nyung.
JOSHUA 2:6 - ASII LAKDAP Bible (BSI) (Shatmaq kra nyung raq maiqwe nai ka wukhu thung kiina shea wan raüta, apaiq raq wukhu thung na raikii shinte phong pahea athü kra phong mong na pangbaiqto.) |
Ranaiqshi raji ramwacho na, Dawit ka armankon wa samkito. Raüta apaiq hokham jam wukhu thung kiijaq wato. Apaiq ka kra wukhu thung na akhum ashiim sea lam maq, apaiq raq jechak nyung ashi ajühea rea chhito. Kriinyung ka pinthum shamheawiq nyung.
Kiimaq kriiwe tanyung raq khappong ka phan shi ra maq pangsaq pangbaiqto. Raüta khappong nübok ka wiita pangbaiqto. Kiimaq kriithaq na tsam she lamto. Krai mren jurmin kriijaq khappong asi ngutiika sapmak dea riito.
Riita ümniiraq taimaü shea riilaü, Jejebel raq Tatiwe shammibi thun tsatbaiq tlaq akhing na, ngi raq tsangshiq phong wa shammibi shishi ka kongnai na triiphea lata roqbiingingi maq longsha mong na paü kang. Lata tsangshiq ma tsam nai kham tiikuq walata dungkang?
Kra ningkhan, ümtiikiiwa Jejebel raq Tatiwe shammibi thun tsatbaiq wantaq akhing na, Obadia raq shammibi shishi kra sheahoto. Raüta tsangshiq ka longsha mong na kongnai ma roqbiingingi na tiiphea raüta paü thüto. Raüta tsangshiq ma dung nai kham kuq raüta dungto.)
Shatmaq Ahajia se Joash kli juho lapto. Apaiq kiimin tsangjamtitiim rai atseabaiq chang wa, anyai Jehosheba, apaiq ka Hokhamwe Jehoram se kiimaq Ahajia miika ashea nyung pongnyung se kriiraq tiichhii kuqto. Apaiq raq Joash ka aboqti nyung rai adam na Shomjam akonchang khok mong na shea wan raüta paü baiqto. Krai mren Athalia raq hummak dea kiimaq apaiq ka tsat mak dea riito.
Kiimaq tsangnyung raq apaiq ma ase maiqwe se ashi humkuqto. Anyung raq no ka shamheawiq se chhiraüta jipi lütsam na saüli apaü riito.
Kra raütiishe, apaiq raq Hokhamwe se Jerahmeel nangnga, Ajriel se Seraia kiimaq Abdeel se Shelemia kra shea raüta, ngi nai icherewe Barukh nainai ka lapki rongkiq nguta aming kuqto. Shatmaq Tatiwe raq nainai ka apaü raüta thüto.
Kiimaq maiq juwa ajam wukhu na angawa bala cha jiiq, kriiti ka jam mong wa hupsam lam wan latiitiq mijuha nguta jam mong na nyap wa nong ka ra mak.
“Kiimaq ümtiikiiwa ümniiraq jam anye haitlaü, ümwukhu thung kra trotam na kinthii thun ka aruk laüta thülaq. Kra nguraüla maiq ashi ra ka wukhu maq dea wa raüta tsaiki raüla, üm dü na kha ahü miraq.
Ara jamkhano chongtiikai ngukla, namshiq ka tsaiki lan she. Namshiq rilung awongsii achhai anyii ka Jesuq pum na Shiikeawe raq apaü raüta thü tlo. Kriika ümchaü mitiichhi kuq shaqli. Kriika jai maq Jesuq apaiq rilung chhainyii rai adam miishetiq mitiichhikuq. Namshiq ka Shiikeawe wokhong na sitlan kha maq, ara chongtiikai arka tengteng.
Kiimahali, kamtsantsii maq, Mosheq nyungwe raq apaiq rawüchhi jai maq, jipi lü tsam na saüli, apaü raüta pü wanto. Tsangshiq raq, tsangse ka maiqlung ngamwii, shamhea shamjü se chhito. Kiimaq, tsangshiq ka hokham we aming tlea ma hai mak riito.
Ara chongtiikai akhiisii hali, mephe nyung Rahab rilung manphan kiimin riito. Rahab raq Israilnok rewa siwe anai kra, apaiq jam na tao wan raüta, tiijapto. Kiimaq tsangnai ka ponglam miishe tiiju baiqto. Apaiq raq tsangnai tao wantaq kra, apaiq raq Shiikeawe ma kamtaq kra jaqsham maq tiichhikuqto. Kriikha maq, Shiikeawe raq apaiq ka kechu maiqse she dea nguta, apaiq khoqramkii miishe rai rii wanto.
Kiimaq raji ranyaq wan tlaq chela kilamchong kra shabaiq wan akhing na tsangnai ka ijam wa ahin na tiidohoto. Tsangnai ka ümnüno kihotaq kriika ngi raq sapmang. Namshiq raq tsangnai ka jaqlo thit joho ronglaq. Hanjiila, tsangnai ka aje wiili miloho han,” nguta Rahab raq bom ka treto.
Krai mren, hokhamwe sengi raq kra wenai ka Jordan rai na kaichang lam nü kiina, Jordan rai jinwan tlaq jürap chang ba kiina saüli johoto. Tsangshiq maiqjohoti kra kaiho ri li she chela kilamchong kriimin shabaiqto.
Shatmaq, Joshua raq mephe nyung Rahab nai ajamtitiim thun ka tsat mak, tiiwong kuqto. Jamkhano ngukla apaiq raq Jeriko chela na atiiwa siwenai ka, kra nyung raq apaü raüta tiiwongkuqto. (Arnyung ma asaü ase phan ka ümchaü niitaq Israil mung na sitlo.)