Colossians 3:3 - ASII LAKDAP Bible (BSI)

³ Ara jamkhano chongtiikai ngukla, namshiq ka tsaiki lan she. Namshiq rilung awongsii achhai anyii ka Jesuq pum na Shiikeawe raq apaü raüta thü tlo. Kriika ümchaü mitiichhi kuq shaqli. Kriika jai maq Jesuq apaiq rilung chhainyii rai adam miishetiq mitiichhikuq. Namshiq ka Shiikeawe wokhong na sitlan kha maq, ara chongtiikai arka tengteng.

Hawa Naga Bible 2001

³ Yvmx khoc lac ngoz ruiux lec vthueyc kay wuez shex nuimshiq rullungx kuex Christu rulc vdvmz nuex Tishox nuex httuiyq tvy gay rvhumc tuit.

Muklom

³ Nim utik sey ang tin etho nim rollung sha Khristo jamoq Shkewa na tapu ang aa.

Colossians 3:3 Referencias Cruzadas

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

John 14:19

Jaqlo liipan niili, mangjong maiqse raq ngi ka chhi mak she miraq. Shatmaq, namshiq raq i sham ka michhi han. Kiimaq ngi ümkho atra sitiikang, kiikhiisii namshiq min atra misi han.

John 3:16

Ara jamkhano chongtiikang ngukla, Shiikeawe raq mangjong maiqse ka pinthum lungwiitlo. Raüta, Ase Sekhuq laqlaqse kra kuqto. Krai mren, jurwa Ase ma kamtlaq, kriiti ka tsai mak she miraq. Kiimaq pattup pat-sa rilung milap.

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

John 5:21

Awe raq maiqse ka amaa wa tiijangtlo. Raüta tsangshiq ma rilung tsitsü ka kuqtlo. Kiikhiisii hali, Ase riimin apaiq raq ümriiti miiwa rilung tsitsü kewan lungwii tlaq, kriiti ma rilung tsitsü ka kuqtlo.

John 5:24

“Ngi raq chong tiikang arka tengteng: Jurwa i bom chong ara tai tlaq kiimaq ngi tiikaiti we ma kam tlaq, kriiti raq pattup pat-sa rilung ka alap wan wishe. Kriiti kha ka apho chang ahü she. Amaa wa atra she.

John 5:40

Kiikhiitaü maq dongdii min, namshiq ka i puk na riikhaqli rilung lap wan miitu nyap wan ro man.

Romans 5:10

Akhing ashi na, nashiq ka Shiikeawe ma wesang ralii kong siwan kai. Shatmaq, apaiq raq nashiq ka Ase tsaitaq kra lümaq, ümchaü sanha apaiq khi alubi miishe tiija wanto. Riita, ikhiijiila, ümchaü sanha, nashiq khum na Khristo rilung sitlaq kriiraq tiichhii kuq wan lili raüta, nashiq ka ümtinkhan ajong alu ma tiija wan chang she wa sitla riila nya!

Romans 5:21

Riita, ija, ara chong tiikai arai mren, maiqse ka ngarai ningkun raq atsai kharü mong na shaq raüta, jamkho jamsha wantaq, kra jai tiijo she hali, Shiikeawe raq kaphap mangchan jonghea maq, maiqse ka, apaiq rai wehea miishe tiija wantlo. Raüta kechu maiqse she nguta, ajam na tiidii wantlo. Raüta, nashiq ma pattup pat-sa rilung tsitsü raü ka, nashiq Tati Jesuq Khristo pum lümiishe kuqtlo.

Romans 6:11

Ara chongtiikai akhiisii hali, ümchaü sanha, namshiq riimin, namshiq ka ngarai lamphan niika, atsai kaikun she nguta sap chang. Ngarai raq namshiq ka jamsha wanlot mak she, nguta sap chang. Shatmaq, ümchaü sanha, namshiq ka Jesuq Khristo lümaq, Shiikeawe rai kongshi miishe atra sitlan.

Romans 6:2

Kriika ümtiikiimin riimak! Nashiq ka ngarai lamphan na atsai kai kun she. Tsaiki kai she ningkhan, tiithong kiki ka, jamkho ngarai mong niili misi nong rong i?

Romans 8:2

Ara jamkhano ngutiikang ngukla, nashiq ma Khristo Jesuq pum lümaq, rilung tsitsü keti, Asii Wenyi raq ngi arka ngarai kharü mong wa nai tsailam kharü mong wa dokdaa wanto she.

1 Corinthians 15:45

Asii bomtsi na, “Maiq phan angu wa apha shaq shaq we Atam ka, atra wiitsitsü tiiqto,” nguta chongtlo. Shatmaq atiisupti we Atam ka maiqse ma tsitsü raü keti we, Wenyi maiqse.

1 Corinthians 2:14

Jurwa Asii Wenyi lap mak dea, kriiti riika Shiikeawe Asii Wenyi raq akuq kongphiq ka lap lot mak. Akhiiti riika Asii Wenyi kongphiq ka jamlai wa, kra asap min sap mak. Apaiq ma Shiikeawe kongphiq thun kriika hiqtili ikhiili. Ara jamkhano chongtiikai ngukla, Asii Wenyi jaqsham tsingo kriika Wenyi maklii maq liiwan raütiq athü ka misap.

2 Corinthians 5:14

Naishiq ka Khristo lungwiitsii wokhong na siti. Riita ümchaü sanha, naishiq raq maiqse angu tarü miitu, maiq weshi tsaito nguta sap wan kaishe. Krai mren, apaiq tsaitaq kra rai maiqse angu wiita, apaiq rai chiimshi na tsai wanto nguta sap tiikai.

2 Corinthians 5:7

Nashiq rilung ka kamtsantsii khu thaq maq sichang li. Mak maq chhi laita singa chang ka riimak.

Galatians 2:20

Riita, ara chongtiikang, i han-ngam arka atsai kaikun she kha maq, ümchaü ngi atra sitiikang arka, i han-ngam maq atra si ka riimak she. Arka, ümchaü sanha, i khum niika, Jesuq Khristo lishe atra sitlo. Krai mren, ümchaü ngi atra sitiikang i rilung arka, ngi raq Shiikeawe Se, ngi ara pinthum mangchan raüta, ngi miitu tsaiti we ma kamtsantsii thü tiikang kra, lü miili she atra sitiikang.

Ephesians 3:9

Riita, ara jaqsham kuq taq arka, maiqse angu tarü raq, Shiikeawe raq apaü raüta athü bomhuk raükha arka, maiqse rilung na kupi wan tlaq, kra tiichhike miitu riito. Arka, ra nai hiq phansangti Shiikeawe raq, man na richü pat na, maiqpat ümchuwa lea wan taq akhing niika, tiichhikuq mak dea, apaü raütli thü wanto.

Philippians 4:7

Krai mren, Shiikeawe raq namshiq ma akuq, tsan awok sanglili rilung, maiqse raq sap lot mak phan wenyi rilung raq, Khristo Jesuq wokhong maq, namshiq ka hansang ma mirüm wan.

Colossians 1:5

Riita man na, aphaji na, namshiq raq tengteng Tsütsa Ahea, namshiq ma achongkuq wan ira tai wan lan ihata. Kra tai wan lan akhing na, Tsütsa Ahea ma kamwan raüla, namshiq ma rawiichii ramungtan na alap wan chang asi miraq nguta chongkuqto ihata. Krai mren, namshiq raq ran tsantsii thü wan lan ihata. Riita ikra, rantsantsii thü wan tlan kriikha maq tiina, ümchaü namshiq raq kamtsantsii nai Shiikeawe sengi ma lungwii tsantsii rüm tlan kra. Arka namshiq rantsantsii tsingo she dong wan tlo.

Colossians 2:20

Namshiq ka Khristo rai chiimshi na tsailan she. Kiimaq krai mren, ra nai hiq liipan na siti thawe winji ümchuwa sitlaq kra kharü mong wa adaa wankun she. Akha shatmaq, namshiq ka ümchaü min, ara mangjong hiq na siti, mangjong maiqse ikhli ka jam nguto sitlan? Namshiq raq ara mangjong hiq wa thungtri ka jaram wa lang tlan.

Colossians 2:3

Khristo apaiq kli Shiikeawe taksma anyan phaqchi tum tsiiqtiip kilü tala diketi we, Shiikeawe taksma anyan phaqchi apaü raüta athü ka ümchaü sanha Khristo riishe kunkun tiichhikuq wanto.

Colossians 3:4

Namshiq rilung chong ka Jesuq Khristo. Krai mren, apaiq ka ümra ranaiq akhing niiwa saüho tlaq, kra akhing na namshiq min apaiq rai achhai anyii miishe misi wandam han.

Hebrews 7:25

Kiimaq, apaiq ka pattup pat-sa atrali she sitiwe. Kriikha maq, ümchaü sanha, maiqse angu ümchuwa Shiikeawe wokhong na, Jesuq mang chong raüta wawan tlaq ti thun kra, apaiq raq tiichhii kuq wan ruq lishe miraq. Ara jamkhano ngutiikai ngukla, apaiq ka ümchaü Shiikeawe man na, maiqse miitu kiimwe miishe jawanto.

1 Peter 3:4

Ara chongtiikai akha, sham tiitsom rom riita rai nam miikhoti, namtsan namtsii riiwe kra siirairai hea, rüm rong laq. Kra kata maiq raq, mak maq chhi mak phan, nam mongjii na tsomhea sitlaq kra. Namshiq tsan mong na, sobsob bombom hon atsii nai saksi minmi maq sitlan rong arai kata pattup thenki mak phan shamhea shamjü rilung miirii. Shiikeawe maklii na riikhaqli athuk atsom rilung shamhea ngutlaq ka ara chongtiikai.

1 Peter 4:2

Riita ara chongtiikai arkha maq, ümchaü sanha, namrilung ka mangjong hiq na ümchu ranaiq wa atra misi thü han, Shiikeawe tiima tsantsii khuthaq na seng lantli she sirong laq. Ngarai han-ngam tiima khu niika naq si rongkiq she.

1 John 3:2

Lungwii phunainotiim le, nashiq ka ümchaü Shiikeawe setiim she. Shatmaq ümchaü jamkho sitiikai, arthaq na jai miika ümtinkhan chhai nyii rilung she wa milap rong i riila, kriika ümchaü nashiq raq tak lot mai shaqli. Shatmaq nashiq raq bomtsi poshi ka asap i. Khristo ka ümtiiko saüho jiiq, kra akhing na nashiq min apaiq la apaiq she miklai rong i. Ara jamkhano akha ngutiikai ngukla, nashiq raq apaiq ka, apaiq riikhaqli jamkho sitlaq kiikhiishe michhi rong i.

Revelation 2:17

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq! “Rekhat tang wanti ma, ngi raq apaü raüta athü man na kiiwa wiijam mikuq ha. Kiimaq hali, ngi raq tsangshiq loweatek ma longpo lüdiidii poshi mikuq ha. Kra longpo na mang anye tiiwaiq shat miraq. Kra mang ka, kra lap tlaqti ka tlea raüta, maiq ahinti jurmin sap mak miraq.