JOSHUA 11:6 - ASII LAKDAP Bible (BSI) Tatiwe raq Joshua ma nguto, “Ümniika tsangshiq ma naqhaikiq. Anap ranaiq atincho na, ngi raq tsangshiq ka Israilnok miitu wiita ajiipbaiq wishe mirha. Ümniiraq tsangshiq kumrang kong hok ka tiikü sebaiq laq. Kiimaq tsangshiq kumrang leng thun ka wa maq chaqbaiq laq.” Hawa Naga Bible 2001 Yehowa rueq Yoshua muex ngoc, “Tsuingshiq muex nauk hiz kaz. Invp raungnuiyq vtanc jauz Israel miqsaz tvkoc tsuingshiq lotlaz kuex ngaz rueq thvt gay shaungx. Mnoz rueq tsuingshiq mvre huk thaq htenc kuex gvnz gay ruiux nolaungx renc htenc kuex wvr maq jauk gay shuiuz,” ngoz tueq jungx tueq. |
Dawit raq apaiq jaq wa kumrang thaq na chaoti phenlabi hingroqshi ri hingmiishi, kiimaq hoksii maq khatti phenlabi hingroqnai lapto. Apaiq raq kumrang leng shishi kra tiihit ma kumrang kong ka hongli chang thüto. Raüta kiiwa chantlaq thun kra wiita ahok ka tiikü sebaiqto.
“Naqhaikiq” nguta Elisha raq treto. “Tsangshiq rai sitlaq kriithaq na nashiq rai siti phenlabi ka apa.”
Anap ranaiq tsangshiq ka Jij pumchit lam na saü wan tlaq kiiwa khat ronglaq. Namshiq raq tsangshiq ka kinchit wii thumwan tlaq ba na, Jeruel hiq tho na rum nyangkhi bin jü wang binjü mirhum han.
“Tsaq ronglaq naq riikhat rongkiq,” nguta apaiq raq ngutlo, “kiimaq namshiq raq sap ronglaq, ngi ka Shiikeawe, maiqmung thun thaq na ajong pinthum; kiimaq mangjonghiq raikhü na ajong pinthum,”
Apaiq raq mangjong tlotli wa reriikhat thun ka wiita tiitsaq baiqto; apaiq raq liq thun ngoqbaiqto, piq thun tiithen baiqto, kiimaq liiq thun wa na chaqbaiqto.
Kra rii na, namshiq riika phiqhea jutlaq kumrang kong thaq na chao lanta namjaqti makki wa jurong i nguta thapthitlan. Kriika tengto. Riikhaqli dea. Namshiq ka namchiim jin aju changli she dea! Namshiq riika namkumrang kong ka phiqhea mijulot nguta tiimatlan. Shatmaq namshiq jotinok ka aphiqlin miju kiiphan!
Ejip mung tijong horaüta ümchuwa Ejip mung na laühotiiti thun ka wiita miqto she! Tsangshiq ka Ejip mung phenlabi ningkun ma kam raüta kihoto. Kumrang kong, kumrang leng phong, kiimaq phenlabi riiphongtlaq kiima kamtlo. Shatmaq tsangshiq ka Tatiwe, asii Israilnok Shiikeawe dü na tiinin mak. Kiimaq apaiq jaq wa khrum min jaü mak.
Israil mung chela thun na siti mungmaiqse ka ki raüta rekhat chang hup asam thun aphong baiqthü thun kra chin ma chaq ma mirchomki. Raüta tsangshiq raq liiq thun, liq thun, liqsin chü thun, piq thun, kiimaq riiwung thun kra riichom raüta wa na michaq. Riita kriithun ka rawii wiimiishi na saüli chin ma michaq.
Naishiq Asiria mung raq tiikhup wongkuqlot mak. Naishiq tiichhiilot mak, rekhat kumrang kong raq. Naishiq jaq maq ahai sumla, ‘ümniidea naishiq shiikeawe’ nguta noqmai she. Thümwaq manti khrumti, O, Shiikeawe lei, ümniili.”
“Liilaq, Ninewi lei! Ngi ka ümniima wesang jatiikang,” nguta Tati Ningkun Ajong Pinthumwe raq ngutlo. “Ümkumrang leng thun ka wiita wa maq michaq baiq ha. Üm phenlabi re na wiita mitsai. Lata ümniiraq maiq jaq wa tsiiq nai nyam arun haü thun kra ngi raq minyea wanha. Ümniiraq maiq mung thaq na tijong tsuq jaüti kiimwebi tiiwa tlaü kra bom ümchaü san jurmin taimak she miraq.”
Tatiwe namshiq Shiikeawe raq namshiq jaqkhon na maiq mung kiinong kuq wantlaq kra aweatek miqchup tiithen baiq ronglaq. Kiimaq tsangshiq ma tiihang mangchan tiichhike wan maimak. Tsangshiq phra thun ka naq shomnoq rongkiq. Kra riihanla namshiq mea wan chang thiikho miraq.
Kiitiikaq Tatiwe raq Joshua ma akha nguto, “Ümniika tsangshiq ma akhiisiimin naqhaikiq. Ngi raq rekhat ka ümniima atiitangke wishe. Weshi ra min ümman na chap wanlot miraq.”
Arthun hokhambi ka adam na pong raüta, tsangshiq phenlabi ka shea raüta wato. Raüta Israilnok khat ma Meron Jürai tan na piitiip teito.
Krai mren, Joshua nai asengi tlotli raq tsangshiq ka tiihanghiiq miili Merom Jüserai tan kiiwa khatto.
Tatiwe raq Joshua ma aming kuqtaq, kra phanphan, Joshua riimin tsangshiq ka khatto: Apaiq raq tsangshiq kumrang kong hok ka wiita tiikü sebaiqto, kiimaq tsangshiq kumrang leng thun ka wa maq chaqbaiqto.
Joshua raq mungmaiqse ma chongto, “Namshiq khum ka tiisii ronglaq. Jamkhano ngukla, Tatiwe raq anap ranaiq namshiq phong na amao chang jaq misham.”
Kra rawa Tatiwe raq Gideon ma akha aming kuqto, “Tiido laq. Laüta Midiannok piitiip ka khatkikiq. Ngi raq kra ümjaqkhon mong na kiinong kuqkang she.
Raüta tsangshiq raq Jabesh chela wa awa tsasoqti kiima, “Namshiqnok ma anap ranaiq shethung shekham akhing misaü shaq liipan niili, tsangshiq ka mitiichhiikuq nguta chongho ronglaq,” nguta chongkuqto. Kiimaq Jabesh chelati raq tsütsa ka lap raüta, tsangshiq ka kai chochito.