Kriika Kanan mung hiqrai ka Sidon chela maq riita hiqmai nü mung na Gajar chela tho na Gerar chela na saüli she riito. Kriimaq shedong nü nü niika Sodom, Gommora, Adma, kiimaq Lasha chela tho na Jeboiim chela na saüli riito.
JOSHUA 10:41 - ASII LAKDAP Bible (BSI) Joshua raq munglap rekhat wantaq kriika, Kanan mung shemai nü na, Kadesh Barnea wang binjü maq tiichap wan raüta, Khamjongkii wang binjü tho na saüli, raüta Goshen wang kriimin lomwantlii maq, shekhu nü binjü wa Gibeon chela na saüli khat raüta jiiwanto. Hawa Naga Bible 2001 Yoshua rueq ghaqyaz kox Kadesh Barnea maq Gaza nuex httuiuc laz, Goshen maq ghaqkhux kox Gibeon nuex httuiuc laz khvt gay tueq. |
Kriika Kanan mung hiqrai ka Sidon chela maq riita hiqmai nü mung na Gajar chela tho na Gerar chela na saüli she riito. Kriimaq shedong nü nü niika Sodom, Gommora, Adma, kiimaq Lasha chela tho na Jeboiim chela na saüli riito.
Kra rawa Tatiwe ka apaiq rai rawa ma maq riibom damto. Raüta apaiq ma bom ka akha waito, “Ümniiraq ijaq wa jamlai phan wa jaüro tlaü?”
Ashkelon chelati riimin kra chhi raüta, phiip raq mitsai! Gaja chelati raq chhiraütiimin, nowüchhitsi ikha mitiipantan. Ekron chelati tsan tiinin chang lam ahüshe, Gaja hokhamwe min athumshe, Ashkelon chela kiimin hiqmiishe.
Mosheq, nai Aron, kiimaq Israilnok mungmaiqse tlotli phana Paran rumnyangkhi mung na Kadesh wang na janghoto. Raüta tsangshiq raq jamlai wa sisin wataq tsütsa ka chonghoto kiimaq petsi tu tsangshiq raq pihotaq kra tsangshiq ma tiichhi kuqto.
Namwetiim raq Kadesh Barnea wang maq mung ka sisin wa rongkiq nguta tiiwa kangta manla, akhiisii riitaq.
Kriimiishe shemai nü nü kiina kiho raüta, Akrabbim kinchit kiiniishe mikiho. Raüta kriimiimin, Jin wang binjü kriimaq kiho ruqli kiho raüta, shemai nü kiina kiho ruqli miraq. Raüta Kadesh Barnea wang kiiniishe mikiho. Kriimiishe shekhu-shenyap nü nü na kiho raüta Hajar Addar hiq na mikiho kriimiika Ajmon hiq niishe miwa wan.
Kra akhing na, Tatiwe rase ashi raq Philip ma, “Tiije laq. Laüta shemai nü kiina kilaq. Jerusalem maq riita Gaja chela nü na kai lam kiina kilaq,” nguta thaüto. (Maiq ka ümchaü arlam maq khum mak she.)
“Nashiq ma Tatiwe nashiq Shiikeawe raq jamlai aming wa kuqtaq kra klokai. Nashiq ka Sinai Pum wa tiido wankai. Laita kra mung jonghea kiimaq maiqhai asi kumtsaiphii mung lam kriimaq laü wan kai. Laita ku akin tonglong mung Amoraiqnok mung niishe wawankai. Riita ümtiikiiwa nashiq ka Kadesh Barnea wang niishe saü wankai,
Kiimaq Mediterenian khamjong chumkii wang thun ka khamjong mong wa Kret mung na siti alaü wan maiq phan riishe jiiwan raüta siwanto. Tsangshiq raq kra mung na shongti noktinok Awwim phan kra chongthum tiithenbaiqto. Raütiishe tsangshiq raq kra mung ka tlotli Gaja chela na saüli jiiwanto.)
Kiimaq apaiq raq namshiq ka Kadesh Barnea hiq maq, aming kuq raüta apaiq raq namshiq ma Kanan mung kuqtlaq kra wa lanta jiiwan ronglaq nguta namshiq tiiwataq akhing niimin namshiq raq apaiq aming ka akhü riilan. Namshiq apaiq ma kamtsan tsii thü man riilan. Kiimaq apaiq aming kiimin lang man dea riilan.
Tatiwe raq Israilnok ma Amoraiqnok khat raüta tiitangkuqtaq akhing na, Joshua raq Israilnok man na akha achu jaüto: “Rasekaü lei, Gibeon chela na, kiishatli kiilaq; Jipikaü lei, Ajalon Hiqthung tan na, likuq shat li lilaq.”
Arthun tsütsa ara tai raüta, Jerusalem chelati ka kai tsaihü jihü, akii anyii she riito. Jamkhano ngukla, kra binjü na hokham raq rümtlaq chela thun phong na, Gibeon chela ka ajong ashi riito. Kiimaq Gibeon chela ka Ai chela thaq na ajong lin riito. Kiimaq kiijaq siti mungmaiqse kiimin kuilong kuila rekhatti siisaq riito.
Joshua raq mung ka khat raüta kunli jiiwanto. Kriika arthun ara riito: Ku akin mung kra, kiimaq kinji wang thun kra, shekhu nü wang nai shemai nü wang thun ka romshaq na, Goshen wan binjü lotli, kiimaq kriimaq shemai nü mung thun kra, kiimaq Jordan rai tan thun kra.
Israil mung na Anakimnok phan ka ashi ra min atra tiichong mak, thumthum jiipbaiqto. Shatmaq, Gaja chela wa, Gath chela wa, kiimaq Ashdod chela wiita, tsatlap mak dea, abung atsapseli tiichong kito.
Goshen, Holon, kiimaq Gilo riito: chela roqshi ri ashi kiimaq kra tro binjü wa, chela aransetiim thun kiimin romshaq.
Ranaiqshi Samson ka Philistain mung na Gaja chela na kihoto. Raüta apaiq ka mephe nyung pha na kon wato.
Krai mren, Philistainnok raq apaiq ka laphoto. Raüta amakpo wiinai ka lat baiqto. Raüta tsangshiq raq apaiq ka Gaja chela na hithoto. Raüta miiki ngam jinraü maq khato. Raüta phaqtek mong kiijaq longtham na tsam ka tiithaüto.
Philistainnok raq chaq tsam sumla biingi ka Tatiwe ma tsangshiq ngarai miitu kongphiq tiiho wanto. Ashdod chela, Gaja chela, Ashkelon chela, Gath chela, kiimaq Ekron chela, miitu achhuq chhuq tiiho wanto.