JOSHUA 11:22 - ASII LAKDAP Bible (BSI)

²² Israil mung na Anakimnok phan ka ashi ra min atra tiichong mak, thumthum jiipbaiqto. Shatmaq, Gaja chela wa, Gath chela wa, kiimaq Ashdod chela wiita, tsatlap mak dea, abung atsapseli tiichong kito.

Hawa Naga Bible 2001

²² Anakim miqsaz washiz muinz Israel miqsaz mungtan nuex kvjungx tuex rvmuq, Gaza, Gad nuiyc Ashdod ghaq nuex dvyx raungluingx kvjungx yek yaq.

JOSHUA 11:22 Referencias Cruzadas

1 HOKHVMX 2:39

Shatmaq, rawii wiitsam sijai na, Shimei dise nai wenai ka ajam wa Gath chela hokhamwe Maaka se Achish phana juhoto. Riita Shimei raq adise nai ka Gath chela na juhoto nguta tsütsa ka taito.

1 KAÜWA WERAÜ 18:1

Kriijai maq heashi sijai na Dawit raq Philistainnok hiq ka thongshi ri hali longkito. Raüta tsangshiq ka tangto. Raüta apaiq raq tsangshiq jaqkhon mong wa Gath chela nai kra tro binjü wa hiqshong thun kra nyea wanto.

1 KAÜWA WERAÜ 8:13

Beria nai Shema ka Aijalon chela na siti tsangweraü khuthaq na tsang wela riito. Kiimaq tsangshiq raq Gath chela na sitinok ka jobaiq wanto.

2 KAÜWA WERAÜ 26:6

Ujjia ka Philistainnok rai riikhatkai kihoto. Raüta apaiq raq Gath chela, Jamnia chela, kiimaq Ashdod chela thun chela tro kiitelong ruk ka wiita run baiqto. Raüta Ashdod chela tho na nai Philistain mung ahin na chela thun ka teito kiimaq kiitelong maq rukto.

ISAIA 20:1

Asiria mung hokham ajong pinthumwe Sargon aming maq, Asiria mung phentu ajong pinthumwe raq Philistain mung wa Ashdod chela ka khatto.

Acts 8:40

Philip raq apaiq ka Ashdod hiq niishe saüwa raütiitiq, saüwa kang she khana nguta takto. Kra chela miishe hali, apaiq ka Sisiria chela niishe wawanto. Lam na awa wan lam maq, apaiq raq Tsütsa Ahea ka chelatek na trahokuq wan wan riito.

TRI CHONGKE 2:23

Kiimaq Mediterenian khamjong chumkii wang thun ka khamjong mong wa Kret mung na siti alaü wan maiq phan riishe jiiwan raüta siwanto. Tsangshiq raq kra mung na shongti noktinok Awwim phan kra chongthum tiithenbaiqto. Raütiishe tsangshiq raq kra mung ka tlotli Gaja chela na saüli jiiwanto.)

TRI CHONGKE 9:2

Tsangshiq maiq thun ka ajong alu kiimaq srea nola siisaq. Tsangshiqnok ka jonghea hea phan. Kiimaq ümniiraq tsangshiq tsaki ka taiwan laü she tsangshiqnok khaki niika maiq mung ahinti jumin wakham mak. Ngiim raq jok lot mak.

JOSHUA 10:41

Joshua raq munglap rekhat wantaq kriika, Kanan mung shemai nü na, Kadesh Barnea wang binjü maq tiichap wan raüta, Khamjongkii wang binjü tho na saüli, raüta Goshen wang kriimin lomwantlii maq, shekhu nü binjü wa Gibeon chela na saüli khat raüta jiiwanto.

JOSHUA 15:14

Kelib raq Anak saüse phan Sheshai weraü, Ahiman weraü, kiimaq Talmai weraü thun ka Hebron chela kiiwa wiita jobaiqto.

JOSHUA 15:46

kiimaq Ashdod chela thotho binjü na chela thun nai hiqshong thun kiimin romshaq na, Ekron chela maq riita Mediterenian Khamjong kii na saüli.

JOSHUA 15:47

Kiimahali Ashdod nai Gaja chela kriimin kra tro binjü wa chela aran setiim thun nai hiqshong thun kriimin nong romshaq raüta Ejip mung rai hiqtrai na jüraise kiina saüli kiimaq Mediterenian Khamjong kii na saüli riito.

PHOWEBI 1:18

Tatiwe raq Juda phan ka khrum kuqto. Krai mren, tsangshiq raq ku akin tonglong wang ka jiiwanto. Shatmaq tsangshiq raq Gaja chela, Ashkelon chela, lo, Ekron chela thun ka, kiimaq kriithun tro binjü na maiqhiqshong thun ka jiiwan lot mak dea riito. Arnok thun Khamjong kii wang binjü na siti jaq niika, jin kumrang leng asi riito. Kra ningkhan Juda phan raq tsangshiqnok ka jobaiq lot mak riito.

PHOWEBI 3:3

Riita kra mung na tiichong kitaq maiqmung thun ka Philistainnok chela biingi, Kanannok phan tlotli, Sidonnok, kiimaq Lebanon pum thun na siti Baal Harmnon Pum maq phawan raüta Hamath Kinchit na saüli siwanti thun ka riito.

1 SAMUEL 17:4

Gath chelati maiq weshi mang ka Goliath. Apaiq ka Philistainnok piitiip wa dongho raüta, Israilnok ka shiikengto. Apaiq khum ka alu nü na phut tiikaü.

1 SAMUEL 5:1

Philistainnok raq Tongshong Tek ka lap raüta, Ebenejar chela wa tsangshiqnok hiq Ashdod chela niishe pihoto.