JOSHUA 1:17 - ASII LAKDAP Bible (BSI) Naishiq raq Mosheq aming wranaiqshe lang wan kai, kra phan phan ümnaq aming kiimin milang wan hai. Kiimaq üm Tatiwe Shiikeawe raq Mosheq ka jamkho apaiq rai napshat siwantaq, kiikhiisii ümniirai min misi laq. Hawa Naga Bible 2001 Nuiyshiq rueq Moshe kvjaz mkaq muinz tay wvnc tiq ikhoc mkvjaz muinz tay wuez shix, Yehowa Tishox kuex Moshe rulc vdvmz httax wvnc tueq ikhoc mnoz rulc muinz vdvmz nuex mhttax kueq! |
Chaü lei, ngi raq itsan mong na akha tiima wankang, ümniiraq ngi ma kiqkham kuq tlaü kriika, ngi khum tiiwongketi khetuk ashi. Jamkhano ngukla, hokhamwe ka Shiikeawe rase ikha. Kiimaq apaiq riika phanrap ajiq alam khaqkhaq shin tlo. Tatiwe üm Shiikeawe ka ümniirai misi laq!”
Riita Tatiwe ka, Chaü lei, ümniirai jamkho adam maq sitaq, kiikhiisii hali Solomon rai min misilaq. Raüta apaiq raq mung pengtlaq kra ümniiraq peng wan laü kriithaq niimin achan ajonglin miishe mija wanlaq.”
Hokhamwe Dawit raq ase Solomon ma akha chongto, “Kamto maq silaq. Kiimaq pharangrang maq silaq. Laüta jaqsham ka phaho liishe. Krai mren jamlai phan miimin ümjaqsham ka naq tiibanbi kiq. Tatiwe Shiikeawe ngi raq shiililii tiikangwe ka ümniirai nongshnong miraq. Apaiq raq ümniika thaqbaiq mak. Ümniiraq ara Shomjam hai ara milot haüshaq wiiwii apaiq ka ümniirai kongshi maq misi wan.
Ümniima chamchao ranaiq Tatiwe raq ümnaq achujaü mitre liidea! Jakob Shiikeawe raq ümnaq mitiiwong kuq liidea!
Ümniiraq jamlai wa rotlaü kra apaiq raq mikuq liidea kiimaq ümniiraq jaqsham süriitlaü thun wiita mitiiong kuq liidea.
Rekhat tiitang kuqlaq hokhamwe ma, O Tatiwe lei; ümtiikiiwa naishiq raq achu jaü tiikai kra tre kuqlaq.
Tatiwe raq Mosheq ma nguto, “Nun se Joshua ka tsealaq, apaiq ka phanrap na asap atsin. Laüta akhu na ümjaq maq shamlaq.
Apaiq ma ümniiraq arang hotlaü kriiwa wiijam triisha kuqlaq. Kiimaq Israilnok mungmaiqse tlotli raq apaiq aming kra milanglaq.
Jesuq khaki na nai apaiq jai na mungmaiqse watlaq thun kra raq, “Dawit Se kli tiitsam ronglaq! Shiikeawe le, Tatiwe mang na juwa kitlaq kiima achu shiiman kuqlaq! Shiikeawe li tiitsam ronglaq!” nguta rü riiq trang wanto.
Kiimaq Nun se Joshua ka anyan phaqchi tsü raq ama riito. Jamkhano ngukla Mosheq raq apaiq pumsong wela jaqsham ma nguta shongto. Kiimaq Israilnok ka Joshua wokhong na sito kiimaq Tatiwe raq Mosheq lümaq tsangshiq ma aming thun kuqtaq kra langto.
Kiijiishe tsangshiq raq Joshua bom ka akha treto, “Ümniiraq naishiq ma jamlai aming wa kuqtlaü, kra naishiq raq misham hai. Kiimaq ümniiraq naishiq ka ümriiba niiwa tiiki tlaü, kiijaq miki hai.
Jurwa ümwokhong na simak, kiimaq ümnaq aming tlea tlaq, kriiti ka atsea baiq ratlo. Ningkun shoqwiishoq riilaq kiimaq srea nola ma jalaq!”
Joshua lei, ümrilung pattup ümniika chiq nai re riimin khatlot mak miraq. Ngi ka Mosheq rai jamkho adam siwan kang, kiikha ümniirai min adam maq pong dam lata misi kang. Ngi ka ümniirai riinap shat miili misi kang. Ngi raq ümniika ümtiikiimin tiishaü mang.
Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”
Kra ranaiq Tatiwe raq jaqsham kuqtaq kra chhiraüta mungmaiqse raq, Joshua ka ajong pinthumwe dea nguta tak wanto. Tsangshiq raq Mosheq ka jamkho shreng wantaq kra phanphan Joshua kiimin arilung pattup tsangshiq raq shreng wanto.
Tatiwe raq ngi ka hangsikaü thun nai chapbikaü thun nübok wa tiichhiikuqto. Krai mren sii hali, ara Philistainwe jaq wiimin mitiichhiikuq!” Kiijiishe Saul raq treto, “Ahea ikhiijiiha. Kilaq. Tatiwe ümniirai asi miraq.”
Kiimaq apaiq raq ümdü na jaqmiiqchang ngutiidea dan tlaq shatmaq, ngi raq ümniima tiitai mang lata, ümniika ahin na tiiju lata ümchiim tiijin mang riihala, Tatiwe raq ngi ka tiikhiq laq mibukbaiq laq. Tatiwe raq iwe rai jamkho adam sitaq, kiikhiisii hali, ümnii rai min misi laq!