WEAWEA 27:18 - ASII LAKDAP Bible (BSI)

¹⁸ Tatiwe raq Mosheq ma nguto, “Nun se Joshua ka tsealaq, apaiq ka phanrap na asap atsin. Laüta akhu na ümjaq maq shamlaq.

Hawa Naga Bible 2001

¹⁸ Yehowa rueq Moshe muex ngoc, “Nun saz Yoshua kuex hungc vlaungc vhttax khvmc yaq miq washiz rvtueq ningkhvnc nuex vkhux htauk nuex m-yauk tvdaungc kuq shuiuz.

WEAWEA 27:18 Referencias Cruzadas

RAPHA HIQWA LAK 41:38

Kiimaq hokhamwe raq tsangshiq ma akha nguto, “Nashiq raq Joseph nam ma maiqshaq maiq ahin ka humkilot mai she. Apaiq ka akhum na Shiikeawe wenyi asi.”

1 KAÜWA WERAÜ 7:27

Nun, kiimaq Joshua riito.

DUNGWVNC 17:9

Kiimaq Mosheq raq Joshua ma nguto, “Maiq wiijam ka tsea laq. Laüta Amalakaiqnok ka anap ranaiq khatkikiq. Ngi ka hiq lam thaq na michapha. Lata Shiikeawe raq chongtaq kra phan phan nyeakii kra sham lata ra na doshat maq michapha.”

DANIEL 5:14

Ngi raq ümkhum na phra kong wenyi ka asi; kra ningkhan ümniika phanrap na asap atsin haü siisaq; kiimaq phanrap phaqchi nai anyan phaqchi ka asap haü siisaq nguta taikang.

WEAWEA 11:17

Ngi ka kiijaq misat kikang. Lata ümniirai kiijaq mirbom kang. Kiimaq Ngi raq ümniima akuqha wenyi kiiwa wiijam lam lata tsangshiq ma mikuqha. Kra riiha jiila, tsangshiq raq mungmaiqse miitu hekiilai ümniiraq hotlaü kra wiijam tsangshiq raq riisha hodam raüta ümniika mikhrumlot. Kiimaq kra holai ka ümnaq laqlaqse riili horea ka raamak miraq.

WEAWEA 13:16

Mosheq raq siwebi Kanan mung sisinwa tiiwataq ka arthun ara riito. Apaiq raq Nun se Hoshea mang ka Joshua ngutiishe klaito.

WEAWEA 27:23

Tatiwe raq aming kuqtaq kra phan phan, Mosheq raq ajaq wiinai ka Joshua khupo na shamto. Raüta Joshua ka apaiq pumsongtiwe she nguta chiiriim raüta shongto.

John 3:34

Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.

Acts 13:3

Krai mren she, tsangshiq raq amang maq achu jaüto. Raüta, tsangnai dü na jaq maq sham raüta achu jaükuqto. Raütiishe, tsangnai ka traho jaqsham wa miitu wanhiq na tiiwato.

Acts 19:6

Paul raq ajaq nai maq tsangshiq khu na sham raüta achu jaükuqto. Kiimaq Asii Wenyi ka tsangshiq khum niishe satkito. Krai mren she, tsangshiq ka atse atsaq min tiitai mak phan bom miishe bomtrang hoto. Kiimaq Shiikeawe raq achongkuq tsütsa kra tlü chongkuqto.

Acts 6:3

Arkha maq, ümchaü min, phunainotiim lei, namshiq liipan wa, Asii Wenyi maq ama maq siti, kiimaq taksma maiq wa, maiq wemiishi shiikap ronglaq. Naishiq raq ara jaqsham ka tsangshiq jaq na kiinong kuq phai.

Acts 6:6

Tsangshiq wiitutam raq arwetiim, tsangshiq wemiishi ka, kiimwebi man na tiichapto. Krai mren, kiimwebi raq tsangshiq khuthaq na jaq maq sham raüta, achu jaü kuqto.

TRI CHONGKE 1:37

Kiimaq namshiq lümaq Tatiwe ka ngi miimin akhiq she riikito. Raüta akha nguto, ‘Mosheq ümnaq kriimin kra mung na saüwa lu maüshe mirhaü.

TRI CHONGKE 3:21

“Kiitiikaq ngi raq Joshua ma tsii ka akha chongkuq kang: ‘Ümniiraq ümmak maq Tatiwe raq kra hokham wenai, Sihon nai Og ma jamlai wa riitaq kra chhilaü she. Kra niqri ri siisaq ümniiraq maiq mung thun ümchuwa khat wan tlaü thun kra apaiq raq miqchup mishthen baiq.

TRI CHONGKE 3:28

Joshua ma hon atsii kriili she chong kuqlaq. Apaiq ma tsaiji kli dokuqlaq. Jamkhano ngukla apaiq raq mungmaiqse ka Jordan rai re na mishea wan. Raüta ümchaü ümniiraq chhitlaü mung kra mijii wan.’

TRI CHONGKE 31:14

Kiijiishe Tatiwe raq Mosheq ma nguto, “Ümniika alu simaü she. Joshua ka healaq. Laüta apaiq ka Tombutiip na shea wan laq. Ngi raq apaiq ma tsii chongkuqpha.” Kiimaq Mosheq nai Joshua ka Tombutiip na wato.

TRI CHONGKE 31:23

Kiijiishe Tatiwe raq Nun se Joshua ma chongto, “Ümtsan na kamto maq silaq. Kiimaq jaq khon tiipha shatmaq silaq. Ümniiraq Israilnok ka Ngi raq tsangshiq ma mikuqha nguta kiq kham kuqkang mung na mishea wan haü. Kiimaq Ngi ka ümniirai lomdam shat mirha.”

TRI CHONGKE 31:3

Tatiwe nam Shiikeawe ka apaiq pumsii maq namshiq ma sinkhu na lamshea miwa wan. Raüta kiijaq siti maiq mung thun kra mitiithen baiq wan. Krai mren, namshiq raq tsangshiq hiq shong thun kra mijii wan haü. Kiimaq Tatiwe raq chongtaq kra phan phan, Joshua ka namshiq sheati wela ma mija wan.

TRI CHONGKE 34:9

Kiimaq Nun se Joshua ka anyan phaqchi tsü raq ama riito. Jamkhano ngukla Mosheq raq apaiq pumsong wela jaqsham ma nguta shongto. Kiimaq Israilnok ka Joshua wokhong na sito kiimaq Tatiwe raq Mosheq lümaq tsangshiq ma aming thun kuqtaq kra langto.

1 Timothy 4:14

Ümkhum na asii kamasham kongphiq Shiikeawe raq akuq sitlaq kra, samhea wiq maq rüm laq. Arka ümniima Shiikeawe shammibi raq chongkuqtaq, kiimaq kamasham na maiqlare raq, tsangshiq jaq ka ümdü na sham raüta ramram achu jaü kuqtaq akhing na, Shiikeawe raq akuq.

1 Timothy 5:22

Tatiwe jaqsham ma, maiq ka moshong shong naq shongkiq. Nanok raq jamlai ngarai wa tang tlaq, kiijaq ümniika naq tiitsam nyiim damkiq. Ümniiraq ümkhum ka siirairai maq thü laq.

Hebrews 6:2

Khamlam wan kai kra liichum kiimaq jaq ka maiq dü na sham raüta, achu jaüke liichum, bomtsi kra chongke wan kiimaq maiq ka amaa wa dong wan nai wamungtan na khiim wan liichum chongke kiijiili, nga ruq ka ngarai mai she.

JOSHUA 1:17

Naishiq raq Mosheq aming wranaiqshe lang wan kai, kra phan phan ümnaq aming kiimin milang wan hai. Kiimaq üm Tatiwe Shiikeawe raq Mosheq ka jamkho apaiq rai napshat siwantaq, kiikhiisii ümniirai min misi laq.

PHOWEBI 11:29

Kiijiishe Tatiwe wenyi raq Jephtha ka rom wanto. Krai mren, apaiq ka Gilead wang hamli na kiimaq Manase wang hamli na wawanto. Raüta apaiq ka Gilead wang na Mijpa chela na jangkito. Raüta Ammon mung khatkai she kihoto.

PHOWEBI 3:10

Tatiwe wenyi ka apaiq khum na kito, krai mren apaiq ka Israilnok khuthaq na wela ma jato. Othniel ka rekhatkai kito. Kiimaq Tatiwe raq apaiq ma Mesapotamia hokhamwe ka khat raüta tiitang kuqto.

1 SAMUEL 16:18

Ajaqshamti phong wa weshi raq nguto, “Bethlehem chela na sitiwe Jesi setiim phong wa, weshi ka shiwe shunwe. Apaiq ka nola kiimaq asham kiimin atsomwiq. Kiimaq Apaiq ka sreajong. Kiimaq tsitwe. Tatiwe ka apaiq rai asi.”