JOSHUA 1:17 - Hawa Naga Bible 2001

¹⁷ Nuiyshiq rueq Moshe kvjaz mkaq muinz tay wvnc tiq ikhoc mkvjaz muinz tay wuez shix, Yehowa Tishox kuex Moshe rulc vdvmz httax wvnc tueq ikhoc mnoz rulc muinz vdvmz nuex mhttax kueq!

ASII LAKDAP Bible (BSI)

¹⁷ Naishiq raq Mosheq aming wranaiqshe lang wan kai, kra phan phan ümnaq aming kiimin milang wan hai. Kiimaq üm Tatiwe Shiikeawe raq Mosheq ka jamkho apaiq rai napshat siwantaq, kiikhiisii ümniirai min misi laq.

JOSHUA 1:17 Referencias Cruzadas

2 SAMUEL 14:17

Jiyungx waz lex, hokhvmx kuex Tishox raungkamx waz ikhoc vhvlx vbac tv-phvlc thenc yaq ningkhvnc nuex, mbomkhvmc rueq ngvy thuinz tvluimc kuq phuex ngoz tueq ngaz rueq rvwvl lvp vshaungx. Yehowa m-Tishox kuex mnoz rulc vdvmz mhttax kueq!” ngoz tueq jungx tueq.

1 HOKHVMX 1:37

Yehowa kuex Taungjix hokhvmx waz rulc vdvmz httax yaq kvkhoc Solomon rulc muinz vdvmz httax vtueq, piq rueq guimz lawc shuex kuex mnoz hoc nuex ngaungc toq htauk nuex muinz vyungx vluz mtvrungx wanx kuq shueq,” ngoz tueq tvralc tueq.

1 KAÜWA WERAÜ 28:20

Hokhvmx Dawid rueq vsaz Solomon muex ngoc, “Tvluimc vtueq thuinz tvtsanc shuiuz. Yauk shuimc phaungc shuiuz, yvmx rueq muinz mnoz muex nauk tuingshaung kaz. Ngaz rueq nawk palx vshaungx Yehowa Tishox kuex mnoz rulc vdvmz httax tuex. Vpiq rueq mnoz kuex tuip gay kv-phux rvmuq, vpiq Shomc Yuimx guirc yauk shuimc tvlot laz vpiq kuex mnoz rulc vdvmz httax tuex.

Tvtsvmc 20:1

Mnoz kuilc daz rvhumc tuiux nuex Yehowa rueq mnoz muex mtay kuq kv-phux! Yaku Tishox rueq mnoz muex mtvkhup wungx kuq kv-phux!

Tvtsvmc 20:4

Mnoz rueq roc vshuiux phvnx yvmx yuq muinz vpiq rueq mnoz muex mkuq kv-phux, mnoz rueq kvmungx vshuiux lotlaz kvmuinz mtvtaungx kuq kv-phux.

Tvtsvmc 20:9

O Yehowa lex, hokhvmx waz muex taungx wvnc juing kuq shuiuz; nuiyshiq rueq gvl ruiux yuq, nuiyshiq muex tvralc kuq koq.

WEAWEA 27:18

Yehowa rueq Moshe muex ngoc, “Nun saz Yoshua kuex hungc vlaungc vhttax khvmc yaq miq washiz rvtueq ningkhvnc nuex vkhux htauk nuex m-yauk tvdaungc kuq shuiuz.

WEAWEA 27:20

Mnoz vrangx vpangx wvyvmc kuex piq muex kuq shuiuz, kvkaq Israel miqsaz lotlaz rueq piq kvjaz tay phvnx wvnc wuez shuex.

Matthew 21:9

Yesu vpiq max nuex nuiyc yix nuex phvnc jix miq vkung vdaungx htenc rueq, “Dawid Saz muex tvtsvmc wuez shuinz! Taungjix muingc maq httuiuc kay jix waz vpiq kuex thuinz mhvlx kueq! Tishox ngauz vngax kuex tvtsvmc wuez shuinz!” ngoz tueq guyc wuez tueq.

TRI CHONGKE 34:9

Moshe jvp juing nuex kvlayc tvkoc piq rueq vthvl Nun saz Yoshua kuex taksux tharc mvrc yaq. Israel miqsaz rueq Yoshua kvjaz kuex tay phvnx vtueq, Yehowa rueq Moshe maq raz tueq tsuingshiq muex kuq shec tueq vnvrc kvjaz htenc kuex phvnx wuez tueq.

JOSHUA 1:16

Tsuinghez rueq Yoshua muex ngoc, “Mnoz rueq jungx phux phvnx ruip rawx kuex nuiyshiq rueq shuimx shix, mnoz rueq tvkaz phux baung ruip rawx kvyuq kaz tix.

JOSHUA 1:18

Mnoz vrangx vpangx kuex wiz ruiux mnoz rueq nvr shuiux kuex kvjaz kuex tay phvnx muq waz ukhaq yuq muinz vthvy gay rvhumc tuex. Kvkhoc rvtueq mthuinz maq htvp htaz vtueq kvmx kuiuz!” ngoz tueq jungx tueq.

JOSHUA 1:5

Yoshua lex, mrullungx tvraungx wawwawx uraq muinz mnoz kuex tvgawx lot kv-phux rvmuq. Ngaz kuex Moshe rulc vdvmz httax tauk ikhoc mnoz rulc muinz vdvmz httax taungx. Ngaz kuex mkaq muinz mnoz rulc vdvmz nuex httax taungx, ngaz rueq mnoz kuex tuip gay mauk.

JOSHUA 1:9

Ngaz rueq nvr phaungx rulc rv-ngvlc thuinz maq htvp htaz vtueq kvmx kuiuz! Nauk hiz kaz, thuinz nauk tvbac kaz, ngaz Yehowa m-Tishox kuex mnoz khuemx tuiux tek mnoz rulc vdvmz httax taungx,” ngoz tueq jungx tueq.

JOSHUA 4:14

Kvruex raungnuiyq Yehowa rueq shuimx tueq kuex Israel miqsaz htumc nuex Yoshua kuex wv-ngauz wv-ngax miq vshiz ikhoc tvmaung dvyx tvrvhumc ningkhvnc nuex, Moshe muex tsuingshiq rueq tvtsanc nganc kuq tueq ikhoc Yoshua muex muinz piq rullungx wvlex tvtsanc nganc wuez tueq.

1 SAMUEL 17:37

Yehowa rueq ngaz kuex hangsic nuiyc japbawx ralx wawc palc wvnc phuex shex; vruex Philistin waz yauk wawc muinz palc wvnc phuex,” ngoz tueq jungx tueq. Sholu rueq, “Vhvlx, kaz kuiuz, Yehowa kuex mnoz rulc vdvmz mruez kueq,” ngoz tueq ngoz kuq tueq.

1 SAMUEL 20:13

Piq rueq mnoz muex thuiuz laz juing tvgurc roc thuinz taq ruiux kuex, kvruex ningkhvnc nuex ngaz rueq mnoz muex tvtuiuz mauk nuiyc kvwungx lvp laz juing tvyuz mauk ngoz ruiux kuex Yehowa rueq ngaz kuex tvthueyc laz mthvt gay phueq. Yehowa kuex iwaz rulc vdvmz httax wvnc tueq ikhoc mnoz rulc muinz mhttax kueq!