JEREMIA 9:8 - ASII LAKDAP Bible (BSI)

Tsangtili thun ka liqsinkii ikha sihea siisaq; tsangshiq raq wranaiqtek arotli chongtlo. Maiq khumtek raq chiiti ma kongshiti ikha bomtlo; shatmaq riikhaqli miika arewe tiidea chang thiikho thutlo.

Hawa Naga Bible 2001

Tsuingshiq tvlix kuex tvthueyc rvyaq laqsvnz ikhoc; tsuingshiq rueq mkaq muinz vrot vkaq jungx yaq. Miq pumz tek vtueq miqmac yuimx phic wuinz rulc kungjix rvyaungc rvbomc yaq, yuq muinz tsuingshiq rueq kvruex hez tvkoc vsuing bix tsvnc taq wuez yaq.

JEREMIA 9:8 Referencias Cruzadas

2 SAMUEL 3:27

Riita Abnar ka Hebron chela niishe saüwa kiita, Joab raq apaiq ka Abnar ma bomhuk chongke ikha tiiman raüta, Abnar ka kilamchong phai tho kriijaq apaiq honhonse she sheahoto. Raüta kriijiili awokpo na jasai maq shuk baiqto. Raüta tsatbaiqto. Arka Abnar raq Joab ma ano Asahel tsattaq kra phuklam she tsatto.

Tvtsvmc 12:2

Tsangshiq wiita maiqmii liipan na arot akiq li chongtlo; tsangshiq liipan na weshi raq weshi kli jutjüsiqtlo.

Tvtsvmc 12:3

O Tatiwe lei, kra jutjü rattlaq tili thun ka tiikaiq baiqlaq! ra wa raiqsaiq panthit bomti nübok ka sukbaiqlaq, tsangshiq raq akha tsütsittlo,

Tvtsvmc 120:3

Namshiq arot akiqbi lei, Shiikeawe raq namshiq ka jamkhiishe wa miraq? Apaiq raq namshiq ma ümkhiishe wa mo tiihojiiq riila?

Tvtsvmc 28:3

Ngi ka abi kiimungti rai khoshi na naq tiideabaiqkiq, ashut klotibi rai— abom ka asumwiq bom dam lili, shatmaq tsangshiq tsan mong niika makshu rashe sitlo kriiti rai ngi ka naqtlop damkiq.

Tvtsvmc 35:20

Tsangshiq raq kongti ma bomhea bomkuq mak; kriila na tsangshiq raq maiq rai ari aram maq siti ma phanrap arot akiq bom nyantlo.

Tvtsvmc 55:21

Abom sum ka krim ikha jeadang danghea, shatmaq atsan mong niika ransu asi; abom ka namman ikha nyeajokjok hea, shatmaq nepjasai phong ikha sihea hantlo.

Tvtsvmc 57:4

Ngi ka ijaqti raq tiikomtam maq komwanto, tsangshiq ka maiqphaqti hangsi kong ikha. Tsangwi phong ka piq khu ikha kiimaq liqsin ikha sihea; tsangtili thun ka jasai phong sihea ikha.

Tvtsvmc 62:5

Ngi ka Shiikeawe dü niili tiinintiikang; ngi ka apaiq miili rantiikang.

Tvtsvmc 64:8

Apaiq raq tsangshiq ka kriithun bombi bom kha na mishthenbaiq; tsangshiq then wan chhitibi thun raq tokbai laqlaq miraq.

TAKSU LAK 25:18

Kha ahü na kha nyanke ka, klata maq abuk ikha; nepja maq ase ikha; liq maq ahiip ikha; maiq ma tsihea.

JEREMIA 5:26

“Isenginok rai abi maiqse sidamtlo. Tsangshiq ka wushikong tiimin ma chiiqjong chan raüta khetlaq ikha khetlo. Shatmaq tsangshiq kra chiiq chantlaq kriika maiq tiimin miitu chantlo.

JEREMIA 5:9

Riita ngi raq tsangshiq ka arthun ngarai khana mo tiiho mangli sha mirha? Kiimaq akha sitlaq maiq mungti thaq na iphuk lam mang shea mirha?

JEREMIA 9:3

Tsangshiq ka wranaiqshe arot akiq chongtikong; mung na tingting chong rii na ajok aliiq kli chongtlo. Tatiwe raq ngutlo, “Isenginok raq phanshi abi klojai maq abi phanshi maq tiipatlo, kiimaq tsangshiq raq ngi ka tsang Shiikeawe nguta sap mak.”

JEREMIA 9:4

Maiq loweatek raq aphunowe ma honkam shatmaq sichang, Juwe riimin akongtiwe miika kamtsantsii thülot mak; jamkhano ngukla phunaino ümchu wa sitlaq ka Jakob ikha laopha maiqse siisaq, kiimaq maiq loweatek raq aphunowe chongsiqtlo.

JEREMIA 9:5

Tsangshiq tarü ka kongti laoliiti siisaq, kiimaq jurmin tengteng bomtsi chongmak; tsangshiq tilika arot bomchong miitu atiingam reawishe, kiimaq tsangshiq raq ngarai tang ka tsaq mak phan. Tsangshiq riika mat atsa ka ashi tanghoholi riitlo, kiimaq maiq ka bashi wa laohoho li she sitlo. Tatiwe nga asenginok raq apaiq ka shishe baiqto she ngutlo.

Mikha 6:12

Nam mungti chiithe maiqse raq, miitsan maiqse ka, nanshanshan lao lü tlo. Namshiq tarü ajok aliiq siisaq.