JEREMIA 9:3 - ASII LAKDAP Bible (BSI)

³ Tsangshiq ka wranaiqshe arot akiq chongtikong; mung na tingting chong rii na ajok aliiq kli chongtlo. Tatiwe raq ngutlo, “Isenginok raq phanshi abi klojai maq abi phanshi maq tiipatlo, kiimaq tsangshiq raq ngi ka tsang Shiikeawe nguta sap mak.”

Hawa Naga Bible 2001

³ Tsuingshiq kuex mkaq muinz vrot vkaq jungc tvkoc tvyoalc yoalx rvtueq; tsuingrux maq guimz tvraung tsuingmuq ruxmuq maq mungtan kuex guimz yaq. Yehowa rueq, “Ngvy miqsaz htenc rueq vbac phvnx yauk shuimc phvnshiz maq phvnshiz shuimx kaz vtueq ngaz kuex tsuingshiq Tishox ngoz tueq kvjungc wuez muq,” ngoz tueq jungx tueq.

JEREMIA 9:3 Referencias Cruzadas

RAPHA HIQWA LAK 39:16

Kiimaq kriinyung raq Joseph samtong jong ka atijongwe ka jam na misaü shaq wiiwii apaiq jaq niili thüto.

TAKSU LAK 12:5

Mittingti raq ümniika, maklii shi maq miliikuq. Shatmaq laopha maiqse riika, ümniili milaophaq.

ISAIA 1:3

Jam nyamsekong riika atati asap. Kiimaq kumtoq kong riimin atijongwe raq tsangshiq dung changba ka asap. Tsangshiq riika isenginok Israilnok raq Ngi saptlaq kriithaq na achan tsangshiq riimti ka saptlo. Shatmaq Israilnok raq Ngi ka akhiismin sapmak dongdii.”

ISAIA 3:5

Maiq loweatek raq loweatek jaq wa lapphaq lusiq lam kriili she miklo wan. Jerobi raq nyungwere ka shreng mak miraq. Kiimaq pantlat na haiseati bang bang kong raq tsangshiq thaq na maiqlare sitlaq kra shrengmak miraq.

ISAIA 6:5

Kiijiishe ngi raq akha ngukang, “Ngi kla lun mang she! Miqkang she! Jamkhano ngukla inübok maq bomtsi aweatek dongtlaq kriika ngarai buli. Kiimaq ngi ka abomtsi awea ka ngarai tamli bomtinok rai sidam tiikang. Akhiitaü miidea min, ngi raq imak maq Hokhamwe, Ajong Pinthum Tatiwe ka chhikang!”

ISAIA 9:18

Maiqse raq abi klotlaq ngarai walütu riika, wa raq shuktamrü nai chokmun rü khiimphaq wantlaq ikha nyaisiqtlo. Arka rum khiim wantlaq ikha khiimphaq wantlo. Raüta wakhuk mong wa ka ra ma hiq ma mong wantlo.

JEREMIA 12:6

Ümphu ümno ümjamtitiim raq santla ümniika tiishaübaiqtaq; tsangshiq riimin ümnaq ngengtibi rai pong raüta ngengtlaq. Tsangshiq miika naqkamkiq, tsangshiq raq bom ka aheawiq bom raü min.”

JEREMIA 22:16

Apaiq raq miitsan maiqse kha tingting maq photo. Krai mren apaiq jaqsham ka ahea athuk atsom riito, kriikata Tatiwe sap raüta siwan rilung.

JEREMIA 31:34

Tsangshiq phong wa jurmin akongtiwe ma Tatiwe ka sap wan laq nguta shrinke wan ngomin rarai mak she miraq. Jamkhano ngukla, tsangshiq wiitarü raq Ngi ka misap. Nosese maq phawan raüta nolajong pinthum na saüli, tarü raq ngi ka misap wan. Ngi raq tsangshiq ngarai thun ka wiita midii kuq wanha. Krai mren, Ngi raq tsangshiq shutphit thun kra itsan na tiitsang mang she mirha. Arka Ngi, Tatiwe raq toqtan tiikang.”

JEREMIA 4:22

Tatiwe raq ngutlo, “Isenginok ka maiqjiq angikong; tsangshiq raq ngi sap mak. Tsangshiq ka nosere maiqjiqse kong ikha; tsangshiq raq takmak. Tsangshiq ka abi kiimung lam na siimakong, shatmaq jaqsham ahea phan sham ka sapmak.”

JEREMIA 5:4

Kiijiishe ngi raq akha tiimakang, “Arkong arka miitsan maiqse kong, kiimaq jammin sapmak kong. Tsangshiq ka angok angi ikhli sitlo. Tsangshiq raq Shiikeawe tri lam phan sap mak. Tatiwe ka tsangshiq raq jamlai jaqsham raüwa michochi kra sap mak.

JEREMIA 5:5

Ngi ka ajong alabi phana mikiha, lata tsangshiq rai mirbom kiha. Tengteng, tsangshiq raq jamlai jaqsham raüwa Shiikeawe raq miro kriika asap ahiq na, Tatiwe raq tsangshiq ma jamlai jaq tiisham rowa kriika asap ahiq.” Shatmaq tsangshiq tarü ka Tatiwe wokhong na simak, kiimaq apaiq aming ka langmak.

JEREMIA 6:28

Tsangshiq ka wiita kunli nilan kong wanshakshak ikiqkhiiti siisaq. Miiki ngam ikha siisaq. Tsangshiq tsantsii ka jinbu ikha tsindang dang siisaq. Tsangshiq tarü ka anam akam kong siisaq. Ashut kiimungti tonglong. Barap binrii na khumshkhum maq shapshaü miqshii tiikonti siisaq.

JEREMIA 7:26

Kra taü maq dongdii min, jurmin tsangshiq bom ka taiman. Kiimaq tsantsii kuq man shishe wan lan. Tsangshiq bom tai wan rii na, namshiq ka namtitiim thaq niimin nilan kiimaq kiqkhii srurii wan kli shiichaqtlan.

JEREMIA 9:5

Tsangshiq tarü ka kongti laoliiti siisaq, kiimaq jurmin tengteng bomtsi chongmak; tsangshiq tilika arot bomchong miitu atiingam reawishe, kiimaq tsangshiq raq ngarai tang ka tsaq mak phan. Tsangshiq riika mat atsa ka ashi tanghoholi riitlo, kiimaq maiq ka bashi wa laohoho li she sitlo. Tatiwe nga asenginok raq apaiq ka shishe baiqto she ngutlo.

JEREMIA 9:8

Tsangtili thun ka liqsinkii ikha sihea siisaq; tsangshiq raq wranaiqtek arotli chongtlo. Maiq khumtek raq chiiti ma kongshiti ikha bomtlo; shatmaq riikhaqli miika arewe tiidea chang thiikho thutlo.

EJEKIEL 8:13

Kiijiishe Tatiwe raq ngi ma nguto, “Tsangshiq raq arthun ara thaq niimin naolaq bihea pinthum maiqphai asi jaqshamtlaq kriishe ümniiraq michhi nong haü.”

DANIEL 11:27

Raütiishe kra hokhamwenai ka adam na chamrii ashi na ngaraüta dung misiq. Shatmaq tsangnai tsan mong niika ka abi thüshat miraq. Krai mren, weshi raq weshi ma arot michong. Krai mren, tsangnai raq jamlai wa rittlaq kriika lapmak miraq. Jamkhano ngukla, kra akhing ka misaüshaqli.

LEWI 19:11

“Ahuk naq jaq rongkiq. Riimakla maiq naq long rongkiq riimakla arot naq chong rongkiq.

Mark 8:38

Ümchaü pat ara sethoq sepii ja pat, kiimaq abi ngarai lamphan pat. Riita, akha pat abi akhing na, jurwa ngi ma kam ma ajiasi riiwan tlaq, kiimaq, i bom chong ara nanok ma chongke miitu ajiasi riitlaq, kriiti miika, ümtiikiiwa Maiq Se ka, Awe khushü liliim ngao jonghea kra ho raüta, asii rasetiim rai she saüho tlaq, kra akhing na, apaiq raq kriiwe ka atiishaü mirbaiq.”

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

Acts 24:9

Krai mren she, Jehudinok riimin, Tartulas bom kra tiijorot raütiishe, apaiq dü na kra chong wantaq kha thun ka asi dea ngutiishe, apaiq jai na bom ka rong rang rang she, Paul ma kha ka nyanto.

Romans 1:16

Ngi ka Tsütsa Ahea bomtsi ka nanok ma chongke miitu jeasi mang. Jamkhano ngukla ara Tsütsa Ahea bomtsi na ningkun asi kiimaq kiima kam lata, tsankhun maq sitiikang. Maiqse angu wa, jurwa Jesuq ma kamtlaq, kriiti thun kunli ka, ngarai mong wa tiichhii wan miitu ningkun ka Tsütsa Ahea bomtsi na sitlo. Arka, apha na Jehudinok ma chongkuqto. Kiimaq kra jai maq, Pongnok phan maiqse miishe chongkuqtlo.

Romans 1:28

Tsangshiq raq, riikhaqli Shiikeawe tiima tsantsii ka, tsangshiq tsan na thü mak maq, shishe tlaq kriikha niishe, apaiq raq tsangshiq ka ashe ashi tsantsii walü tlaq kra miili she likuq baiqto. Kra likuq baiqtaq kriika, tsangshiq raq sham mak chang phan thun wiita misham laq, nguta ngo maq likuq baiqto.

Romans 3:13

Tsangshiq nübok ka maiq maakho linje athü ikha, tsangshiq tili ka paü lai tu ikha; maiqtsea chang liipu liqsinkii ikha.

1 Corinthians 15:34

Namtsan namtsii ka jaqlo, tru wan tlo rong laq. Lanta ngarai lam phan kriiwa jang wan tlo ronglaq. Ngi raq ara namshiq ma tiijea tiisi son tiipha ara tai rong laq. Namshiq phong wa maiq wiijamti raq ümchaü niitaq dongdii min Shiikeawe ka sap man mak shaqli sitlo.

Philippians 1:28

Namshiq jaqtibi miika naqhai rongkiq. Jang wrap she srea nola ma ja lanta si ronglaq. Riita, arka tsangshiq ma hakhi ashi miraq. Tsangshiq riika tangmak miraq, namshiq riidea mitang han nguta misap. Jamkhano ngukla, namshiq rekhat ka Shiikeawe raq mitiitang kuq.

2 Timothy 3:13

Kiimaq arot abi shrabi, tiibainge rai tlaqtibi ka, tsangshiq kamasham rilung na, diikiq dea wan wan li she miraq. Tsangshiq raq nanok kiimin laolii tlo. Kiimaq maiqmii kiimin tlaophaq raütli she sitlo.

Jude 1:3

Lungwii phunainotiim lei, nashiq raq tiichhii wan rilung lap wan kai kra thaq na seng lata, ngi raq namshiq ma lak ashi, tlothit li waiq tlo ha jiilei nguta tiima wan kang. Arka, Shiikeawe raq nashiq asengi ma, pattup pat-sa kamasham kuqtaq, ara awongsii maq rüm laita siwan miitu, rekhat wanruq maq sichang nguta tsaido jido bom chongke lak waiq wan tiima kang.

Revelation 12:11

Tsangshiq raq apaiq ka Skuse tiijai maq nai, tengteng bomtsi chongkuq wantaq kriimaq tang wanto she. Tsangshiq raq atsai ma kham raüta, tengteng bomtsi ka chongkuqto.

PHOWEBI 14:17

Apaiq ka kra miitu poi ramiishi wiilü wiilü hoqsiqto. Shatmaq tsangnyung raq apaiq ka shakshaq ruq she shakshaq hokiita, ramiishi angu ranaiq na apaiq raq tsangnyung ma kra liichum ka chongkuqto. Kiijiishe kriinyung raq Philistainnok ma chongto.

PHOWEBI 2:10

Kriipat wa maiq thun ka wiita thumthum she tsaito. Kiimaq jai wa maiqpat senye raq Tatiwe ka alaqshe riibaiqto kiimaq apaiq raq Israilnok miitu jaq shamkuqtaq thun kiimin laqbaiqto.

1 SAMUEL 2:12

Eli senai ka haibihiiti. Tsangnai raq Tatiwe ma tsantsii kuq mak.