JEREMIA 9:2 - ASII LAKDAP Bible (BSI)

² Itsan mong na riiweasea kla kumtsaiphii rumnyangkhi na ngi sichang hiq bashi asi nguraüjaq ahea riichang, kiijaq inok ita makki wa alu na akihoha chang wa. Tsangshiq ka tsapkap mak pinthum, iwokhong na simak mung siiqbaiq tiikong,

Hawa Naga Bible 2001

² Ngvy miqsaz htenc kuex taq gay shec ruiux kumtsvy tvnx nuex httaz kay tvkoc ghaq baung shiz ngaz rueq roc vshaungx. Tsuingshiq lotlaz kuex tvmtuing vguez, rot shuik kaq shauk miq daungx rvtueq.

JEREMIA 9:2 Referencias Cruzadas

ISAIA 59:3

Namshiq ka arot bom khana, jasam piqsii riitlan khana, kiimaq maiq tsattlan khana ashut kong.

JEREMIA 12:1

Tatiwe, ngi raq ikha ka ümniirai riikhiiha jiila, ümniili riikhaqli ma mijahaü. Li jiimin ngi raq ümniima tingting tri maq khaphoke bom ka awai chang dongkito. Riita abi kiimungtibi ka jaro chiithe liiwa tonglong jatla? Laopha maiqsebi raq jaro ongwan ruq laptla?

JEREMIA 12:6

Ümphu ümno ümjamtitiim raq santla ümniika tiishaübaiqtaq; tsangshiq riimin ümnaq ngengtibi rai pong raüta ngengtlaq. Tsangshiq miika naqkamkiq, tsangshiq raq bom ka aheawiq bom raü min.”

JEREMIA 13:22

Kiimaq ümniiraq arthun mat dong ara jamkho saü wanta nguta bom waihaüla, ümkhu ümkhea thun ka wiita wunthaü riinaü she chaibaiqtaq kra, kiimaq ümniika maiq raq wiitashe haihü baiqtaq kra jamkhano ngukla ümnaq ngarai ka bihea pinthum tang wan laü. Kriikha na ümniika maiq raq haihü wanto.

JEREMIA 23:10

Armung ka Tatiwe wokhong na simakti maiqse riili ma-tlo; tsangshiq ka abi rilung sitlo, kiimaq tsangshiq arang ka ajiq jaqsham na langtlo. Tatiwe manson asi kha maq armung ka hoqsiqtlo, kiimaq nyamse rümchang nyiimlung ram ka shinriiqriiq shinkito.

JEREMIA 4:22

Tatiwe raq ngutlo, “Isenginok ka maiqjiq angikong; tsangshiq raq ngi sap mak. Tsangshiq ka nosere maiqjiqse kong ikha; tsangshiq raq takmak. Tsangshiq ka abi kiimung lam na siimakong, shatmaq jaqsham ahea phan sham ka sapmak.”

JEREMIA 5:1

Jerusalemti lei, namshiq chiihea wea lam thun kiimaq juronglaq! Lantea tro tri liironglaq! maiqmii mak maq liironglaq! Kejat thung thun kra rit ronglaq! Maiq ashi ra riikhaqli jaqshamti mihumhan shea kiimaq Shiikeawe wokhong na tsapkapkap maq sila nguta shiikutti asi shea? Namshiq raq, humhan jiika Tatiwe raq Jerusalem mra ka midiikuq.

JEREMIA 5:11

Israil mungti nai Juda mungti raq ngi ka shubaiqtlii no na tsuqbaiqto. Arka, Ngi, Tatiwe raq ngutiikang.”

JEREMIA 5:2

Namshiq riika Tatiwe shomnoq tiikai nguta tiima tlan, shatmaq namnii maq jamlai wa ngutlan kriika tsan mong maq abom riimak.

Hosea 4:2

Tsangshiq raq kiqkhamtlo. Shatmaq tsangshiq riili diibaiq nongtlo. Tsangshiq raq arot akiq bomtlo. Kiimaq tsangshiq ka maiqtseati, ahuk jati, maiqchak rai srati, khachü thaq na khanye tiipati, mat kha ashi dong jai, khanye maq tiipati.

Hosea 5:7

Tsangshiq raq Tatiwe kai shishe wanto. Tsangsetiim ka siqphinsekong howanto, tsangsetiim ka Tatiwe rü riimak she. Arkha na tsangshiq nai tsangmung ka Tatiwe raq ashthen she mirbaiq.

Hosea 6:7

“Shatmaq isenginok raq tsangshiq ma akuq ha, Kannan mung wa Adam chela na saü raüta, tongshong jaqkhaq raü atiipakuqha, tsangshiq raq kra diibaiqto.

Hosea 7:4

Tsangshiq ka hokham jaqkhong na siromak. Apaiq ka jamkha moraüta, tiidea chang wa kli kiimungtlo. Tsangshiq makshu rashe tsantsii ka, winsii lumchang watum ikha, winsii mijashaq wiiwii nyaitlaq ikha nyaitlo.

Mikha 6:12

Nam mungti chiithe maiqse raq, miitsan maiqse ka, nanshanshan lao lü tlo. Namshiq tarü ajok aliiq siisaq.

JEPHANIA 3:4

Shammibi ka maiqkamsea chang riimak, banbok mii. Ramwebi raq asii sham akai wiita, tiisheshitlo. Raüta Shiikeawe thungtri ka, atu anong tsangshiq ma amet tiidong ma, khoti rapwiiqtlo.

MALAKI 2:11

Juda mungti raq Shiikeawe ma kiqkham raüpot akhakuq wan ka wiita she panbaiq wanto. Raüta Jerusalem na nai Juda mung tlotli na phiiptsi chang ashut jaqsham wan tlo. Tsangshiq raq Tatiwe raq lungwiitlaq Shomjam ka wiita tiisheshi baiqto. Maiqwere raq pongmungti phra sumla noqti sheare lam wanto.

MALAKI 2:14

Apaiq raq ümnaq honglu ka jam nguto tao wan mak she nguta waitlaü. Jamkhano ngukla apaiq raq asap, ümniiraq ümchak, man na jero ji na alam haü kiima ümkiqkham akhakuq haü kra apan she riibaiq laü. Apaiq ka ümjamti-nyung shatmaq, ümniiraq apaiq ma, ümkiqkham jaqkhaq raü atiipa kuq haü ka apan she riibaiq laü. Ümniiraq Shiikeawe man na apaiq rai pumshi hanshi she mishong wan ha nguta kiq akham haü kra jin wan laü.

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

PHOWEBI 2:10

Kriipat wa maiq thun ka wiita thumthum she tsaito. Kiimaq jai wa maiqpat senye raq Tatiwe ka alaqshe riibaiqto kiimaq apaiq raq Israilnok miitu jaq shamkuqtaq thun kiimin laqbaiqto.