Biblia Todo Logo
La Biblia Online
- Anuncios -




JEREMIA 9:3 - Hawa Naga Bible 2001

3 Tsuingshiq kuex mkaq muinz vrot vkaq jungc tvkoc tvyoalc yoalx rvtueq; tsuingrux maq guimz tvraung tsuingmuq ruxmuq maq mungtan kuex guimz yaq. Yehowa rueq, “Ngvy miqsaz htenc rueq vbac phvnx yauk shuimc phvnshiz maq phvnshiz shuimx kaz vtueq ngaz kuex tsuingshiq Tishox ngoz tueq kvjungc wuez muq,” ngoz tueq jungx tueq.

Ver Capítulo Copiar

ASII LAKDAP Bible (BSI)

3 Tsangshiq ka wranaiqshe arot akiq chongtikong; mung na tingting chong rii na ajok aliiq kli chongtlo. Tatiwe raq ngutlo, “Isenginok raq phanshi abi klojai maq abi phanshi maq tiipatlo, kiimaq tsangshiq raq ngi ka tsang Shiikeawe nguta sap mak.”

Ver Capítulo Copiar




JEREMIA 9:3
43 Referencias Cruzadas  

Potiphar kuex yuimx nuex yek waung tueq nuex httuiuc laz piq rueq Yosep hungluz kuex lvmz taq shec tueq.


Kenrix miqsaz htenc mnoz kuex rungrungx raraz maq konjonz kv-phux; layx bac jix htenc rueq kuex mnoz laulawc svy tvkoc dvyx roc yaq.


Suiux vmanx rueq vjiyungx tuiuz yaq, loze htenc rueq muinz tsuingshiq jiyungx rueq vtsvmz kuq yaq pankhuix kuex tuiuz yaq. Yuq muinz ngvy miqsaz Israel rueq kvtanc khvnc doc muinz tuiuz muq. Tsuingshiq rueq raungluingx muinz tuiuz tay wuez muq.”


Miq pumz tek vtueq vdvmz dvmz tharc maq rvmop jap wuez tuex. Yalx rox rulx rueq nyuiuz waz rulx muex tvtsanc nganc shuex rvmuq, yvmx muinz tvyc rvyc muq jix htenc rueq tsuingshiq htauk wawc miq htenc muex tvtsanc nganc shuex rvmuq.


Ngaz rueq, “Ngvy tvkoc tvluimc juing vguez shex! Ngvy nuix bar maq dung yaq bomc poz ruip rawx kuex mvrax kvjaz jvnc rvtueq, bomc poz tek nuex mvrax bomc poz kvjak yaq miqsaz htenc hvlwvl nuex httax vtaungx ningkhvnc nuex, ngaz kuex tvbac gay rvhumc vtaungx. Yuq muinz ngvy muik maq tiq, Tvphaungc Tvsuip Yehowa Hokhvmx waz kuex ngaz rueq khiz tauk.”


Miqsaz layx vbac yauk shuimc kuex shuiuq jungx htenc nuiyc shuiuq rumz htenc khamc gay yaq wvr rulc rv-ngvlc yaq. Kvruex kuex wvr khuiuq tul tvduiz yaq rumz wvr ikhoc khamc gay yaq.


Mphvnx mmaq htenc, m-yuimx wuinz htenc rueq doc muinz mnoz muex khawx lvlx wuez yaq; tsuingshiq kuex mnoz khawx lvlx khvt yaq kvyuq lomx wvnc wuez vtuex. Tsuingshiq kuex kungjix kvjak tix ikhoc kvjak ruiux muinz, tsuingshiq muex nauk kvmx kaz,” ngoz tueq jungx tueq.


Piq rueq htemc vrvmc miqsaz vrungx vraz maq phoc kuy ningkhvnc nuex lvmz ruip saz nuex vhvlx yaungx yaq. Kvruex kuex Yehowa tuiuz tvkoc vlvmz tvdungc rvtueq.


Vruinx saz maq vyungx nuex httuiuc laz wvyvmc rueq ngaz kuex tuiuz wvnc phuex ningkhvnc nuex, Yehowa tuiuz wvnc tvkoc tsuingshiq wawc vshiz raung rueq muinz yuimx phic wuinz muex tvluing kuq shuex rvmuq. Ngaz rueq tsuingshiq mvrax htenc kuex dawc kuq gay ruiux, tsuingshiq yaq tueq htenc kuex mkaq muinz rvwvl shaungx rvmuq. Ngaz, Yehowa rueq jungx tauk.


Yehowa rueq jungx tueq, “Ngvy miqsaz kuex tharc guez; tsuingshiq rueq ngaz kuex tuiuz muq. Tsuingshiq kuex miqyaq nosaz rulx ikhoc yaungx yaq; tsuingshiq kuex vtuiuz vtay vguez. Tsuingshiq rueq layx bac yauk shuimc thenc hvlc, yuq muinz vhvlx kuex shuimx lvmz thenc muq,” ngoz tueq.


Kvruex yimaq ngaz rueq, “Vruex hez kuex htemc saz jix rvtueq. Tuiuz tay muq jix hez rueq Yehowa thuinroc lvmx muinz, Tishox rueq tvkhic kuq yaq tvrac muinz tuiuz muq ningkhvnc nuex tsuingshiq kuex miqyaq yaungx wuez yaq.


Ngaz kuex luimc vkawc vhttax jix miq kox nuex kaz vtueq tsuingshiq muex jungx shaungx. Tsuingshiq rueq vsuing Yehowa thuinroc kuex tuiuz yaq, Tishox tvrac lvmz muinz tsuingshiq rueq tuiuz yaq,” ngoz tueq jungx tauk. Yuq muinz tsuingshiq lotlaz rueq Yehowa vpiq vrangx vpangx kuex tvdux gay ruiux vpiq muex tvlvlc gay tueq.


Tsuingshiq lotlaz kuex khux tvtsanz vtueq tvgap gawx jix, yanx nuiyc nvyrvyx ikhoc tsanz wuez yaq. Tsuingshiq kuex kvroz khuemx shamx vtueq shuip shuiux pvnz kuq yaq.


Yuq muinz ngvy kvjaz kuex vshiz rueq muinz tay muq phvnx muq. Nuimshiq kuex nuimshiq jix vwaz tamx htauk nuex muinz vjvnc khux tsanz vtueq khawc lvlc jix rvtuit.


Tsuingshiq lotlaz rueq tsuingshiq kungjix bix muex lvmx tvmawc wuez yaq, washiz muinz tsuingrux kvjaz kvjak muq; tsuingshiq rueq miqmac tvlix kuex vrot kvjaz jungc tvkoc tvluing yaq, tsuingshiq rueq mvrax shuimx yaq kuex gay shec wuez shuex rvmuq. Tsuingshiq rueq yauk laungc yalawx yauk shuimc kuex phvnshiz maq phvnshiz rvwuez yaq, vrot vkaq yauk shuimc phvnx shiz yix maq phvnx shiz rvwuez yaq. Yehowa rueq ngoc piq miqsaz rueq piq tvdux gay tueq lvmz jungx tueq.


Tsuingshiq tvlix kuex tvthueyc rvyaq laqsvnz ikhoc; tsuingshiq rueq mkaq muinz vrot vkaq jungx yaq. Miq pumz tek vtueq miqmac yuimx phic wuinz rulc kungjix rvyaungc rvbomc yaq, yuq muinz tsuingshiq rueq kvruex hez tvkoc vsuing bix tsvnc taq wuez yaq.


Kvruex yimaq Yehowa rueq ngaz muex, “Mnoz kuex tsuinghez rueq shuimx yaq yunghvlc pinhtumc miqsuirc vsac yauk shuimc kuex khiz shuiux,” ngoz tueq jungx phuex.


Kvruex yimaq hokhvmx waz nueyc kuex humpanx vshiz nuex ngaungc vtueq phauk saq wuez shuex, yuq muinz tsuingshiq kvmungx layx bac ningkhvnc nuex, tsuingnueyc kuex vdvmz dvmz rvyuk yul wuez tuex. Vkhing max httuiuc shauk doc ningkhvnc nuex tsuingnueyc rueq yvmx lac roc yaq nguinx kuex tsuingnueyc rueq lvp shuex rvmuq.


“Nauk guiuq, nauk laulawc, nauk rot kaq kaz.


Yvmx khoc lac ngoz ruiux lec vyaq vrax jix nuiyc mvrax vhttax jix nuk lex, ngaz nuiyc ngaz rueq tvluing vshaungx bomjungc muex yvlc svy jix waz kuex, Miq Saz vruex vpiq Waz ngauz vngax nuiyc vsawc raungkamx waz hez rulc httuiuc kaz tuex nuex kvruex waz muex tvyvlc sac gay shuex,” ngoz tueq jungx tueq.


Pattup rullungx ngoz yaq kuex rvkhauk laz vshiz dvyx httax yaq, tsuingrux Tishox muex nuiyc Yesu Christu muex tuiuz wvnc lvmx ngoc rvtueq.


Yuda miqsaz htenc rueq muinz kvhtenc kvruex kuex vsuing rvtueq ngoz tueq Polu muex mvrax tvgurc kvjak wuez tueq.


Ngaz kuex shuenruenc bomjungc muex vsuing kvmx vtaungx; kvruex kuex vphaungc Yuda miqsaz, kvruex yimaq Pungnuk miqsaz wawc kvmluimx jix ukhaq yuq muinz, palc daungc wvnc tvrvhumc yaq Tishox luimc vkawc rvtueq.


Tsuingshiq rueq Tishox kuex wvlc guez waqguez tvyaungc gay ningkhvnc nuex Tishox rueq tsuingshiq kuex tvdux gay koq tueq, tsuingshiq rueq vlvmx tvmaung lot juing thuinz kuex vguez shex, shuimc mvy muq phvnx dvyx shex shuimx kaz wuez vshuex.


Tsuingshiq rueq kvhiz juing kvjaz dvyx jungx wuez yaq; tsuingshiq rueq miqmac tvlix maq laulawc phauk saq yaq; tsuingshiq nuix bar maq tvhiz sungx yaq kvjaz kuex puiuc yangx ikhoc httax yaq.


Tsuingrux lvmx phvnc tvkoc svmz wuez kuinz, mvrax yauk shuimc nauk shuimx kaz shex. Nuimshiq wawc wvyvmc rueq Tishox tuiuz muq; vkhoc ngaz rueq jungx vphaungx kuex nuimshiq yvlc svy rvhumc tvkoc rvtueq.


Nuimshiq kuex ralx muex nauk hiz kaz; mkaq muinz khvmc thuinz httax wuez kuinz, kvkhoc ngoz ruiux yuq ralx kuex sumx wvnc vtueq, nuimshiq rueq taungx wvnc shuinx lvmx ralx muex hakhix tvkhic shuinx, yvmx khoc lac ngoz ruiux lec nuimshiq muex tvtaungx kuy jix waz kuex Tishox rvtueq.


honc vbac jix htenc nuiyc tvrot kaq laulawc jix htenc kuex vbac htauk kvyuq muinz pinhtumc bac hvlc shuimx kaz wvnc shuex, tsuingshiq rueq miq laulawc shuex kvkhoc tsuingshiq muinz vlauc lawc rvhumc tuex.


Ngaz rueq lungwawx vphaungx kungjix bix lex, naungshiq lotlaz rueq lvp wvnc tiq palc daungc wvnc lvmx kuex, nuimshiq kox nuex wuiyq tvlvy muex ngaz pinhtumc hunglaungx wvnc tauk nuex, Tishox rueq vpiq miqsaz htenc muex pattup laung nuex lauk shiz lvmz maq kuq gay shec tueq kvmluimx lvmx tvkoc tvhttoarc vtueq tvkhup wungx wvnc juing lvmx kuex nuimshiq kox nuex lauk shiz lvmz maq hunglaungc kuy tvhonc tvtharc rax yaq kuex ngaz rueq khiz vshaungx.


Naungshiq phuz vnox hez kuex Khelbuenx Saz tvguiy maq muinz, miqmac rueq jungphvnx wvnc tueq bomjungc maq muinz Satan kuex taungx gay tueq shex; tsuingshiq kuex vthueyc rvhumc nuex httuiuc lac miqmac thuiuzthuic kuex khvnnyvnx muq.


Yalxjuik saz kuex moalx moalx yaq raungx mvshix tup kvruex ningkhvnc nuex khoar tueq. Yuq muinz raungx mvshix vngoz raungnuiyq kuex piq htuiuz shuiuz lvy ningkhvnc nuex kvruex vlvmz yvmx lac rvtvnx kuex jungx kuq tueq. Kvkaq piq rueq muinz Philistin waz rulx muex jungx kuq gay tueq.


Kvruex pat wawc miq htenc muinz thueyc kaz wuez koq tueq, yix pat wawc miq htenc rueq Israel tvkoc Yehowa rueq yvmx lac shuimx wvnc tvnx kuex lauk gay wuez tueq.


Eli sahez kuex layx vbac miq jvnc yaungx tueq. Tsuinghez rueq Yehowa muex muinz,


Síguenos en:

Anuncios


Anuncios


¡Síguenos en WhatsApp! Síguenos