JEREMIA 5:9 - ASII LAKDAP Bible (BSI)

⁹ Riita ngi raq tsangshiq ka arthun ngarai khana mo tiiho mangli sha mirha? Kiimaq akha sitlaq maiq mungti thaq na iphuk lam mang shea mirha?

Hawa Naga Bible 2001

⁹ Kvkhoc phvnx htenc kvruex laung nuex ngaz rueq tsuingshiq muex murx tvgurc mauk dvyx haz? Vkhoc mungx miqsaz vmac yarc tvyez mauk dvyx haz rvshaungx?

JEREMIA 5:9 Referencias Cruzadas

TAKSU LAK 6:29

Ikiikhiisii maiqchak rai srakaiti kiimin miraq. Jurwa kra ashut klo tlaq, kriiti raq maiqmo miho phaq.

ISAIA 1:24

Arningkhan na, ümchaü min, Ajong Pinthum Tati, ningkun ajong rümti Israilnok Shiikeawe raq akha chongtlaq kra tiitsang dada tailaq: “Namshiq ka Ngi ma chiq nai re kong. Ngi raq namshiq khuthaq na iphuk she milamha. Krai mren namshiq raq Ngi ma ikhu tiitsi chang mintsa tiipa man she mirhan.

ISAIA 57:6

Namshiq raq kiiwa longkaü kaünyea nyea thun kra lam lantea tisho kong nguta noqtlan. Namshiq raq che khap ka honglu na tsangshiq ma raü kuqtlan kiimaq rai awong honglu thun kuqtlan. Namshiq nga Ngi ka arthun klotlan arma chochitlo ngutiisha tiimatlan?

JEREMIA 23:2

Tatiwe, Israilnok Shiikeawe raq, mungmaiqse aheawiq maq peng wan chang wa pengtsü makti welabi ma akha khatan kiq tiidea wanto: “Namshiq raq isenginok samhea rüm wan man riilan. Namshiq raq tsangshiq wiita tiipin jinbaiq lan. Namshiq raq abi klo lan kha na ümchaü ngi raq namshiq ma mo she mitiihoha.

JEREMIA 32:31

Ara chelati nokmaiqse raq, chela ara tei wan phaji niiphü dongdii, itsan ka pinthum tiikhiq riq wanto. Kiimaq walüwa ikha amok dung dung shaü wanto. Ngi raq ara chela ka atiithen baiq chang dongdii nguta kha ka atoq tan kun she.

JEREMIA 44:22

Ümchaü ranaiq na saüli, nam mung ka hiqmiq changkhü miishe jakito. Maiq ka kiijaq jumin simak she. Nammung ka maiqphiip maiqjiip changli she sitlo. Nam hiqshong namrahai mang kra chong raüta maiqse raq manson shiiton ke bomtsi miili she tiijatlo. Jamkhano ngukla Tatiwe raq namshiq raq abi kiimung tlan homa thun ka ninlot mak she riito.

JEREMIA 5:10

Ngi raq isenginok spiqro thun kra dabaiqkaiti rewe pahea mitiikiha. Shatmaq tiisiirai langlang kla tiijiipbaiq mang. Ngi raq akü ako thun kriili jambaiq ronglaq nguta michongha. Jamkhano ngukla kra kü thun ka ikü ka riimak.

JEREMIA 5:29

“Shatmaq, Ngi Tatiwe raq, tsangshiq ka arthun ashut klo wan kha na mo mitiihoha. Ngi raq armungti khuthaq na phuk milamha.

JEREMIA 6:11

Tsangshiq khuthaq na ümtsankhiq waniitu nyai tlaq kriika, itsan mong niimin nyairaitlo, Tatiwe lei. Krai mren arka ngi raq itsan mong na kaishakshak maq alu ka thülot mang she.” Kiijiishe Tatiwe raq ngi nguto, “Itsankhiq khamtak kaü ka nosere chiiheawea lam thun na haisiq tlaq thaq kiijaq nyuk baiqlaq. Kiimaq jerobi kong riitam ngatlaq phong kriithaq kiijaq nyukbaiq laq. Awetiim nai anyungtiim thun min miqchup mitsuq wan. Tikii kiikaiq thun min tiihang mak wiita mitsuq wan.

JEREMIA 6:6

Ajong Pinthum Tatiwe raq arthun hokhambi ma pechong thun daq lantea Jerusalem kra khatwan miitu chela peruk tro kiijaq maiq düwan chang hiqkhu thun hiqphong ronglaq nguta aming tatto. Apaiq raq nguto, “Ngi raq archela ka sintsang maq mitsat ha. Jamkhano ngukla mungmaiqse ka ji maq nishishi tiichamchaotlo.

JEREMIA 9:8

Tsangtili thun ka liqsinkii ikha sihea siisaq; tsangshiq raq wranaiqtek arotli chongtlo. Maiq khumtek raq chiiti ma kongshiti ikha bomtlo; shatmaq riikhaqli miika arewe tiidea chang thiikho thutlo.

JEREMIA 9:9

Tsangshiq raq atinkhan ashut klotlaq arkha na, Ngi raq tsangshiq ma mo tiiho mangli shea mirha? Akhnok mungti khuthaq na iphuk lam mang li shea misiha? Arka, Ngi, Tatiwe raq ngutiikang.”

AJONJÜ 3:42

“O, Tatiwe lei, naishiq raq ümtri jin wan kai. Laita ngarai tang kai, kiimaq ümniiraq ümchaü niitaq, naishiq ngarai ka diikuq maü dea.

AJONJÜ 4:22

Jajon chela raq apaiq ngarai tham ka, athii tsinhea maq dokda wanto, Tatiwe raq nashiq ka pongmung na, shumwi ma rahiq luhea tiisimak she. Shatmaq Edom mungti lei, Tatiwe raq namshiq ka mitiichamchao. Apaiq raq ümngarai bu ka, wiita mitiichhikuq wan. Raüta mitiichamchao wan.

EJEKIEL 7:9

Ngi raq namshiq ka tiiwong kuq mang she kiimaq tiihang mangchan tiichhi kuq mang she. Namshiq raq maiqphai asi sumla phra thun shomnoq wan lan kriikha na, namshiq ma mo mitiihoha. Krai mren, namshiq raq Ngi ardea Tatiwe nguta misap han. Kiimaq namshiq ma mo tiihoketi ka Ngi ardea nguta misap han.”

Hosea 2:13

Kiimaq apaiq raq ngi laqbaiq raüta, Baal phra shomnoq wanto, kra miitu mitsa shaha. Lata mitiichamchaoha. Kiimaq apaiq raq achaq aseng laktum thun ka, lak raüta awesekong jaijo wantaq kra miitu, ngi raq apaiq ka mitiichamchaoha. Arka Tatiwe raq chongtlo.

Hosea 8:13

Tsangshiq raq ngi ka shomnoq wantlo. Raüta honglu ngamrea phaq wantlo. Shatmaq ngi tsangshiq Tatiwe ka, tsangshiq ma tsankhiq. Ümchaü sanha tsangshiq ngarai thop ka, tsangshiq makki niishe michekuqha. Lata tsangshiq ka sintsang miishe mitsatha. Lata Ejip mung niishe mijobaiq nongha!

LEWI 18:25

Tsangshiq raq akha kiimung kha na kra mung ka ashe miishe jakito. Kra ningkhan Tatiwe raq kra mung ma mo tiiho wantlo raüta kra mung wa hiqkhu rakhu raq kra mung na shongtinok maiq thun ka tiishaübaiqtlo.

LEWI 26:25

Ngi raq namshiq khuthaq na re she mitii dongha. Lata namshiq ma mo mitiihoha. Jamkhano ngukla namshiq raq nashiq liipan na tongshong bom kham wan kai raütu thun kra jin wan lan. Kiimaq namshiq ka namshiq khum tiichhii wan miitu chela thun kiina riitam wan han jiila, Ngi raq namshiq khuthaq na tha wa henghea healot mak phan thatsi kriishe mitiisaüha. Kra ningkhan she namshiq ka jamkhii min jasiq lot man she mirhan. Kra ningkhan, namjaqtinok puk niishe minyap wan han.

NAHUM 1:2

Tati Shiikeawe raq apaiq rai riilong liiqti ka, akhiismin nin lot mak jaq mitiijang, tsangshiq ma atsankhiq tsi ma, tsangshiq mitsa.

TRI CHONGKE 32:35

Tatiwe raq tsangshiq phuk milam, raüta tsangjaqti ma mo mitiiho; tsangshiq dea wan akhing jai na misaü; tsangshiq chongthum jawan ranaiq ajeli she.

TRI CHONGKE 32:43

“Maiqmung thun lei, namshiq raq Tatiwe senginok ka tiitsam ratlo, apaiq raq tsangshiq tseati thun ka wiita ma mo mitiiho. Apaiq raq ajaqtinok thaq na aphuk lamtlo, kiimaq asenginok ngarai thun ka diikuqtlo.”