JEREMIA 5:8 - ASII LAKDAP Bible (BSI)

⁸ Tsangshiq ka kumrang pongwetiim aheawiq phetaktak adung rat ikha, Sethoq ja tsantsii riili khutaüphei ikha tiiphelato. Tsangshiq loweatek raq maiqmii jamthoti maiqchak rai sra wan kli lungwiitlo.

Hawa Naga Bible 2001

⁸ Tsuinghez kuex vwuk phoay hvlc raz tueq rvlaungx roc thuinz httax yaq mvre tsvy ikhoc bex vtueq, yuimx phic wuinz juik nyuiuz muex rvnphvnx yaq.

JEREMIA 5:8 Referencias Cruzadas

RAPHA HIQWA LAK 39:9

Ara jam kun na apaiq raq jamkho arang hotlaq kiikha ngi riimin arang hotiikang. Kiimaq apaiq raq ngi ma jamlai phan min dampaü mak. Ümniikli she tiichongtlo. Ikhiijiika ngi raq atinkhan ashe ashut sethoq ngarai ka Shiikeawe makki na jamkho miklo?”

YOBA 31:9

Kiimaq ngi ka ijamtho chiiti maiq chak ma, rangran kang jiila, lata tsangjam kilam tho na tiipaü lata khekang jiila,

DUNGWVNC 20:14

“Maiqchak rai naq srakiq.

DUNGWVNC 20:17

“Maiq jam chhi laüta naq süramkiq; achak ma, adise kong ma, anyamse kong ma, akumtoq kong ma, riimakla apaiq hupsam phan shi ra ma jiimin naq süramkiq.”

TAKSU LAK 6:29

Ikiikhiisii maiqchak rai srakaiti kiimin miraq. Jurwa kra ashut klo tlaq, kriiti raq maiqmo miho phaq.

JEREMIA 13:27

Apaiq raq saisitlaq thun kra ümniiraq klowan laü thun ka apaiq raq chhito she. Apaiq raq ümniika thatsang maiqse sumla phra thun shomnoq kai ku akin thun na kiimaq wakjam ram thun kiina shomnoq wan kriika wiita achhi wanwi siisaq. Laüta ümniika maiqwe ashi raq achak sishat taü maq maiqchak rai sraki tlaq ikha sra wan laü. Kiimaq kumrang pongwe ka kumrang kaüshii kaü kra chhiraüta pherai tlaq ikha phephiiq wan laü. Jerusalemti lei, namshiq ka miqlan she! Namshiq ka ümtincho shetiq wa asii maiqsetiim ma mijahan?

JEREMIA 23:10

Armung ka Tatiwe wokhong na simakti maiqse riili ma-tlo; tsangshiq ka abi rilung sitlo, kiimaq tsangshiq arang ka ajiq jaqsham na langtlo. Tatiwe manson asi kha maq armung ka hoqsiqtlo, kiimaq nyamse rümchang nyiimlung ram ka shinriiqriiq shinkito.

JEREMIA 29:23

Arka tsangnai kharii she. Jamkhano ngukla tsangnai raq ajiq pinthum ngarai tang wanto. Tsangnai ka maiqchak rai sra wanto. Kiimaq Tatiwe mang shaphaq raüta, arot bom chongto. Arka Tatiwe raq romak bom chongto. Tsangnai raq jamlai wa klotaq kriika apaiq raq asap. Apaiq ka tsangnai raq ashut klo wantaq kra chhiti kiimwe. Arka Tatiwe raq ngutlo.”

JEREMIA 50:11

Tatiwe raq ngutlo, “Bebilon mungti lei, namshiq raq imung ka wiita thüm wan lan. Namshiq ka minsaü kaü raq tsam khaoliim nilam maq chochikhiq tiikitlaq ikha, riimakla kumrang pongwe raq akaü chhi raü jaq nairai tlaq ikha naitlan.

JEREMIA 9:2

Itsan mong na riiweasea kla kumtsaiphii rumnyangkhi na ngi sichang hiq bashi asi nguraüjaq ahea riichang, kiijaq inok ita makki wa alu na akihoha chang wa. Tsangshiq ka tsapkap mak pinthum, iwokhong na simak mung siiqbaiq tiikong,

EJEKIEL 22:11

Maiq wiijamti riika maiqchak rai asratlo, kiimaq wiijamti riika anam-nyungtiim ka tiinatlo, riimakla ashea nyung lam werese kra shonron hotlo.

TRI CHONGKE 5:18

“‘Maiqchak rai naq srakiq.

TRI CHONGKE 5:21

“‘Maiqchak ma naq süramkiq, Apaiq jam kriima, apaiq wak kriima, adi sekong kriima, apaiq minsaü kong kriima, apaiq kumtoq kong kriima, kiimaq apaiq raq jamlai phan ta awii wa rümtlaq kriima naq süramkiq.’