JEREMIA 7:4 - ASII LAKDAP Bible (BSI) ‘Naishiq ka hansang! Arka Tatiwe Shomjam, Arka Tatiwe Shomjam!’ nguta laopha bomtsi chongtlaq kriima naqkam rongkiq she. Hawa Naga Bible 2001 ‘Naungshiq kvwungx tiq shex! Vruex kuex Yehowa Shomc Yuimx, vruex kuex Yehowa Shomc Yuimx, vruex kuex Yehowa Shomc Yuimx rvtueq!’ ngoz tueq ngoc jix kvjaz muex nauk kvmx kaz. |
kriishe nguraüla, Ngi raq isengi Israilnok ka Ngi raq tsangshiq ma akuq wanha mungtan kriiwa akoq she mirbaiq wanha. Kiimaq Ngi raq ara Shomjam ara, Ngi shomnoq wan chang hiqba nguta phumram kham maq atiibok wanha asii jam arka amiimshe mirbaiqha. Mangjong maiqse barap binriiti raq Israilnok ka thophi riiqphi saisikhiq she mishum miiwan.
Kra taümaq miimin, namshiq ka asii chelati nguta shiikongkhiq tiitsakitlan, kiimaq namshiq ka Israilnok Shiikeawe ma kamti, apaiq mang ka Ajong Pinthum Tatiwe nguta srasiqtlan.
Namshiq ka rung na riishoktlan, shatmaq namshiq kha ka phowe raq namshiq tlop na riikhaqli tri maq phokuq mak. Jamkhano ngukla namshiq raq arot saqse kuq lantea kha ka mitang hai nguta tiimatlan. Namshiq raq ahang han jaqsham kra klo lantea nanok ka tiichamchaotlan.
Tatiwe raq ngutlo, “Ramungtan ka Ngi ngachang hokham ngacho. Kiimaq mangjong hiq ka ihok tiida chang hüda. Ümniiraq Ngi miitu jamkhiinok jam wa mihai kuq haü? Ngi sichang ka jamkhiinok hiq ba niiwa miklo haü?
Kiijiishe ngi raq Hanania ma akhiishe tiitsuqsaq ngukang, “Hanania lei, tailaq! Tatiwe raq ümniika tiiki mak dea. Kiimaq ümniiraq ara mungmaiqse ka arot bomtsi kriima tiikamsiq tlaü.
Arka tsangnai kharii she. Jamkhano ngukla tsangnai raq ajiq pinthum ngarai tang wanto. Tsangnai ka maiqchak rai sra wanto. Kiimaq Tatiwe mang shaphaq raüta, arot bom chongto. Arka Tatiwe raq romak bom chongto. Tsangnai raq jamlai wa klotaq kriika apaiq raq asap. Apaiq ka tsangnai raq ashut klo wantaq kra chhiti kiimwe. Arka Tatiwe raq ngutlo.”
Bebilon mung na siti munglu shumwi kong tarü ma, Shemaia miitu ara tsütsa ara tiiwan laq nguta chongto: “Ngi, Tatiwe raq, Shemaia nai apaiq saü ase alai ala thun wiita ma mo mitiihoha. Jamkhano ngukla Ngi raq apaiq ka tiiki mang dea. Shatmaq apaiq raq shammiwe khü sam raüta namshiq ma riisham bom chongkuqto. Krai mren, apaiq raq namshiq ka arot bomtsi kiima tlamto. Apaiq ka chongthum miishe mija wan. Namshiq rai siti apaiq lai ala ka ahü she miraq. Ngi raq isenginok miitu ahea awa jaqsham kuq wan tiikang kriika apaiq raq chhithü mak she miraq. Jamkhano ngukla apaiq raq isenginok ka iwokhong wa dongho ronglaq nguta lule kloto. Arka Ngi, Tatiwe raq toqtan tiikang.”
Tsangshiq raq isenginok ngarai mitsi ka tsimak, akha ralang atiikhatja ikhli tiimatlo. ‘Ahea raq tarü ahea siisaq’ ngutli shipoq poqli liitlo. Shatmaq, tarü ahea ka riimak.
Arningkhan she, ngi raq Shilo chela ka jamkho tiijabaiq kang, kiikhiisii hali, namshiq kamsiqtlan i Shomjam kaü ara ngi raq atiithen she mirbaiqha. Ara Shomjam arka ngi raq namtitiim ma akuq wanha kiimaq namshiq miimin kuq wankang. Ngi raq jamkho Shilo chela wa tiithen baiq kang kiikhiisii hali armin mitiithen baiqha.
“Namshiq raq haptashishe jaili nai phutsam phublaise winsii phu kra laphaq miitu Ngi ka isenginok mungmaiqse makki na shummiitlan. Namshiq raq maiqse ka khii akha min ahü atsai chang shutphit jammin ahü kriiti kiimin wiita tsatbaiq wantlan. Kiimaq mungmaiqse juwa ashut kloti, tsangshiq ka atra si thek makti thun kra atra tiisitlan. Namshiq raq arot akiq bom kra chong lanta mungmaiqse ka laotlan. Tsangshiq raq namshiq bom kiima kamtlo.”
Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.
Kra akhing na isenginok namshiq ka, ikiq khii lantea ngarai tang wan lan, kra miitu tiijeasi chang ahüshe. Jamkhano ngukla, ngi raq ibom taimak shiikongti, namshiq phong wa, achum she mirbaiq wanha. Kiimaq namshiq ka asii ihiqlam na, ikiq tlea man she mirhan.
Namshiq raq, ngarai tsantsii ka klai kai she dea nguta, namshiq jaqsham maq, atsi ango kra tiichhi kuq ronglaq. Namshiq liipan na, ‘Nashiq ka Abraham lai ala. Nashiq ka Asii maiqsetiim,’ ngutiika, naq tiishom ra rongkiq. Ngi chongpha. Tai ronglaq. Shiikeawe raq ara longkaü thun arwiili, Abraham lai ala kra mitiidong lot!